Korintoƒuɔ 1 1:20 - Katɔti Ɔku Kedee

²⁰ Ɔmɛni ɔɔtina ka kayawi kamɛni banundane ku bakutine ku bekyuli bani mbo kenye ogya ƒui lɛnunda lɛdi adɔlɔla.

Korintoƒuɔ 1 1:20 ပူးပေါင်းရင်းမြစ်များ

Samuel 2 15:31

Na ɔƒɛni ni, bábasu Dawid banini, “Ahitoƒel lɛnɔ ɔkya Absalom badi bani nása lili likpidi ƒula lɛlɔ akɔ.” Mmɔ na Dawid ɔ́kpali katɔ ɔnini, “O Unwoti, nwini Ahitoƒel kasusu kani na ɔɔkya-ma bla adɔlɔla.”

Samuel 2 16:23

Na uwi ɔmmɔ kemmo ni, kasusu biala na Ahitoƒel weboku ni, use aani ukyuli ɔni néye Katɔti kasusu únu. Na lɛni na Dawid ku Absalom ƒui baabu Ahitoƒel bɔlɛ ƒui taasiaku.

Samuel 2 17:14

Amu na Absalom ku Israelƒuɔ bammɔ básu banini, “Husai Arkini ɔmmɔ kasusu kani na ɔ́kya kadia ketulo Ahitoƒel kadi.” Ɔsika Unwoti ɔlati úse ka uƒu Ahitoƒel kasusu ɔkya na ɔgbankpi ubo Absalom lɛlɔ.

Samuel 2 17:23

Ɔƒɛni ka Ahitoƒel ɔ́nu ka béteti nwuna kasusu kani na ɔ́kya-ma ni, ɔ́bala nwuna ebuo ala utine na ɔ́kɔ úlie-nwu lɛlɔ na ɔ́tɔlɔ úsie nwuna ɔma. Na ka ɔ́klibi ala úsie nwuna ɔtɔ ɔ́wɔlɔ ni, úsie útákya lɛlɔ ɔbuli na úkpi na báva-nwu bana ɔti kaƒiɔtɔ.

Hiob 12:17

“Unwoti ɔɔyila kadi benengu kasusu betene udu, na ɔɔyá na bana etemila batɛne beenwíni badɔlɔdi.

Hiob 12:20

Na ɔɔƒɛ bani mbo kenye ogya linyemi, na basɔ balati bɔtɛmi. Na ɔɔyá na banundane baayila bana lɛnunda.

Hiob 12:24

Ɔɔbla na bana bɔtɔnkune benwini badɔlɔdi na babla susuusu, na bayii lɛla biala bɔbla ulu.

Yesaia 33:18

Mmɔ na amii alati bɛdubuye bɛnini, “Wɛ na benengu bani muunye-bu lɛlɔ na baayila-bu banii buteete kuyii bonwu bonwu mmɔ bávi?”

Yesaia 44:25

“Ami muubile ɔkɔ kenye bediene ala bɔsu na mɔɔyá na bekebone baadɔlɔ na banundane lɛlati liinwíni kɔdɔlɔ lɛla lɛni kemmo na kasusu keeebo.

Yesaia 53:1

Ɔma náƒɔ-bu ɔ́di? Na ɔma bene na Blɔti údie nwuna ɔyikun ɔ́tina?

Yeremia 10:7

Awɔ ndi kadi bekyuli ƒui ɔga. Na awɔ na ɔlɛka ukyuli biala ɔbu. Ɔsika ukyuli ɔyawine ɔdi uuubo kalɔ kamɛni lɛlɔ kesii kadi na ɔ́da anu utulo-ɔ.

Mateo 13:22

Na edula ani néduo ákya liyu livo akɔ ni, anya ndi bekyuli bani muunú litemi lɛmmɔ. Nsu ka béti kasusu pii básia kayawi kamɛni ala lɛlɔ ku lɛlakɛ ɔsu ni, litemi lɛmmɔ lílaƒɔ bana lɛlɔ kemmo na babla ala abuni.

Yohane 12:31

“Ɔƒɛni na uwi údu ka Katɔti ɔdu kayawi kamɛni bekyuli kɔtɔ. Na Katɔti ɔdubɔbɔku kayawi kamɛni lɛlɔ ɔdine ɔlɛku nwuna lɛga kadikɔ.

Batalane Kabla 17:18

Amu na uwi ɔdi ni, anwu ku bekyuli lisu lɛdi bani ndi Epikuroƒuɔ ku Stoaƒuɔ bani nlie nte kayawi lɛnunda bákya ku Paulo unyeƒi na básu banini, “Bi na ɔnana ɔmɛni uutemi taasu?” Amu na babambadi lɛnɔ básu banini, “Use aani kalɔ bamba baƒiɔ badi lɛlɔ kɔtɛ na ɔɔtɛmi.” Na bekyuli bammɔ básu lɛni ɔsika bénu ka Paulo ɔ́su litemi buni ɔ́siku Yesu ku nwuna bɔsɔ taata lɛlɔ ɔsu.

Romaƒuɔ 1:20

Ɔsika ɔ́si uwi ɔni na Katɔti údie kayawi ni, ala ani ƒui na ɔ́bla ɔ́kya kayawi lɛlɔ muudie Katɔti ɔni na bulánu ku bula anumi ɔyikun ku nwuna udu keyi. Anwuɔsu ukyuli biala ɔsɔ ulakana bɔsu ɔnii útaƒɔ Katɔti útadi.

Romaƒuɔ 1:22

Na baanu lɛlɔ aani bekyuli bani na báda anu, nsu bénwini badɔlɔdi.

Korintoƒuɔ 1 1:19

Na Bunweni Kedee Ɔku kemmo ni, Katɔti ɔ́su ɔnini, “Ndubo banundane lɛnunda udu bɔyila. Na lídie lɛ́tina ka bakutine lɛnunda lɛɛɛdi lɛla lɛdi.”

Korintoƒuɔ 1 1:26

Banwa, asa na Katɔti waƒuna-mii ni, binyimo kalɛ na bíse na bekyuli anumi! Bina pii biiibo lɛnunda ku ɔyikun. Iye bítasi kaba kani náƒɔ kuye kadi kemmo.

Korintoƒuɔ 1 1:27

Mmomu Katɔti úse ɔ́ƒuna bekyuli badɔlɔdi na bayawine anumi kalɛ na uti-ma ɔkya kayawi kamɛni banundane kɔƒa. Na ɔ́ƒuna bekyuli bani neeebo ɔyikun ɔdi na bayawine anumi kalɛ na uti ɔkya kayawi kamɛni bayikune kɔƒa.

Korintoƒuɔ 1 1:28

Katɔti ɔ́ƒuna bekyuli bani neeebo kenyekɔ kadi na bayawine anumi, na balábu-ma lɛnɔ taakya lɛla lɛdi kemmo kalɛ na uti ɔyila bekyuli bani na bayawine baabu na báƒɔ kuye udu.

Korintoƒuɔ 1 11:32

Nsu Blɔti ɔɔtɛku abu litemi na ɔɔní-bu kɔtu kalɛ na Katɔti ulayila-bu udu ku bekyuli bani nátaƒɔ bátadi.

Korintoƒuɔ 1 2:6

Nsu ni, mina kenye kani na mɔɔsu ni, kadanku bekyuli bani náda anu na béesie anumi na kɔyu kemmo ala kalɔ bunu kemmo. Na kaaadanku kayawi kamɛni kemmo lɛnunda iye bayikune bani mɔɔdi kayawi kamɛni lɛlɔ na baayii ku udu lɛlɔ.

Korintoƒuɔ 1 2:8

Kayawi kamɛni bayikune ɔdi biala útati lɛnunda lɛmɛni. Ɔsika si bɔti na báti-ni ni, nka bátakana Blɔti bátamana ugyii lɛlɔ.

Korintoƒuɔ 1 3:18

Bina akɔ ɔdi utatɔlɔ lɛlɔ. Si bina akɔ ɔdi ɔɔnu lɛlɔ aani kayawi kamɛni ɔnundane ni, ɔbla lɛlɔ ɔdɔlɔdi mmomu na bekyuli anumi kalɛ na wenwini ɔnundane geen sɔsɔ na Katɔti anumi.

Korintoƒuɔ 1 3:19

Ɔsika lɛla lɛni na bayawine baanu aani lɛnunda na kayawi ni, ani ndi kɔdɔlɔ na Katɔti anumi. Na lɛni na Bunweni Kedee Ɔku ɔ́su ɔnini, “Banundane kakwɛ na Katɔti uuti taakywɛ ama alati kakpagyuɛ.”

Korintoƒuɔ 1 6:2

Bɛgyi ka Katɔti bekyuli ndubɔtɛku kayawi bekyuli litemi. Na si bɛgyi ka amii ndubɔtɛku kayawi bekyuli litemi ni, ɔdi ka bɛkana na bɛtɛ etemila wɛlɛ wɛlɛ.

Yakobo 4:4

Bɛdi bekyuli bani na biládi Katɔti ɔda bubo lɛlɔ. Bɛɛɛgyi ka si bɛ́bi bɛsiaku kayawi ala ni, bíti lɛlɔ bínwini Katɔti bekisine? Na ukyuli biala ɔni meti kayawi ala aani nwuna ɔkpana ni, ɔdi ukisine ute Katɔti.