Korintoƒuɔ 1 1:2 - Katɔti Ɔku Kedee

² Búnweni ɔku ɔmɛni buute Korintoƒuɔ baƒɔtaadine bani na ɔkɛnku Yesu Kristo lɛlɔ na Katɔti údie úse na ɔ́lɔ-ma ɔnii babla nwuna bekyuli kedee. Lɛni na ɔ́bla bekyuli bani ƒui lɛnɔ mɔɔkpali Blɔti Yesu Kristo. Anwu ndi Blɔti ute abu ku-ma ƒui.

Korintoƒuɔ 1 1:2 ပူးပေါင်းရင်းမြစ်များ

Ala Kalɔ Buse 12:8

Ka ɔ́si mmɔ ni, údi úsie abi ammɔ kudɔ na Betel ɔƒɛ katukɔ kakɛ na ɔ́lɛ nwuna adi kevo na mmɔ na Betel ku Ai lɛma ntɛ. Anwuɔsu Betel ɔkya ɔƒɛ kanukɔ na Ai ɔkya ɔƒɛ katukɔ. Mmɔ lɛnɔ ɔ́lɛ lɛkpabi na ɔ́kpali Unwoti.

Ala Kalɔ Buse 4:26

Set lɛnɔ úbawɔ ubi ɔnanabi na ɔ́sia-nwu lɛnyi ɔnii Enos. Na uwi ɔmmɔ kemmo ni, bekyuli bése kalɔ ku Unwoti lɛnyi bɔkpali.

Kɔgya 45:11

Na aya na ƒula bɔdia ƒui bɔda ɔga ebiti. Ɔsika anwu ndi ƒula Unwoti. Boku lɛlɔ kalɔ na ete-nwu ɔbu.

Batalane Kabla 10:36

Lɛ́ƒɔ lɛ́di ka bínu litemi buni lɛni na básu béte Israelƒuɔ ka ni, ɔkɛ Yesu Kristo lɛlɔ ni, badubɔkɛ keyi buɛɛ. Na anwu ndi Ukyuli Ɔƒunadi ɔni lɛnɔ ndi bayawine ƒui Ɔti.

Batalane Kabla 15:9

Útakya kavumana kadi na abu ku-ma ntɛ, ɔsika ɔ́ƒɔ-ma na bana bɔƒɔtaadi ɔsu. Na úti bana ekpidi ɔ́kyiɛ-ma aani abu kalɛ.

Batalane Kabla 18:1

Amu na ɔmmɔ kama ni, Paulo ɔ́tɔlɔ Atene úsie Korinto.

Batalane Kabla 22:16

Na ɔƒaani ni, lɛla lɛdi lɛ́sɔ lítebu. Ta, na aƒɔ ntu bɔkpila ɔdi. Na akpali Blɔti lɛnyi, na ɔdubɔƒɔ ƒula ekpidi udie-ɔ lɛlɔ.’

Batalane Kabla 26:18

Na ndubɔya-a na etébimi-ma anumi na balɛ Satan ɔyikun kemmo na kasuudikɔ mmɔ bebo Katɔti ɔyikun ku bukeye kemmo. Na Katɔti ɔdubuti bana ekpidi ɔkyiɛ-ma na wabla-ma katɔ ala badine aani bani na ɔ́ƒuna úte nwuna lɛlɔ ka báƒɔ-mi bádi ɔsu.’

Batalane Kabla 9:13

Mmɔ na Anania údie kenye ɔnini, “Blɔti, línu na kesii biala kalala kani udu na ukyuli ɔmɛni ɔɔbla baƒɔtaadine na Yerusalem!

Batalane Kabla 9:14

Na búunu ka ɔ́ƒɔ ɔku ɔ́siku ɔkpane unengudi kudɔ banii ubeƒie baƒɔtaadine bani nkya Damasko ƒui!”

Batalane Kabla 9:21

Amu na bekyuli bani ƒui nénu-nwu litemi lɛmɛni ni, ɔ́bla-ma dɛye dɛye. Na béye lɛlɔ banini, “Ɔɔɔdi ukyuli ɔmɛni nkɛ mɔɔdú Yesu kama basiakune na Yerusalem uwi ɔni yoo? Na búnu lɛnɔ ka nka baƒɔtaadine na úbo úbeƒie úsienku bakpane benengu.”

Romaƒuɔ 1:7

Ɔmɛni ɔsu na muunweni ɔku ɔmɛni lite amii bani ƒui nkya Roma na Katɔti ɔɔyɔ́-mii, na ɔ́lɔ-mii ka bɛbla nwuna badi. Katɔti ku Blɔti Yesu Kristo lɛƒɔndia ku keyi buɛɛ kasiaku-mii.

Romaƒuɔ 10:12

Ɔmɛni ɔɔtina ka ni, kavumana kadi keeebo Yudaƒuɔ ku bani naaadi Yudaƒuɔ ntɛ. Na Blɔti ɔdi bula ƒui Ɔti, na uute bekyuli bani ƒui mɔɔkpali-nwu ala abuni.

Romaƒuɔ 3:22

Katɔti ɔɔyá na bekyuli baabla siin si báƒɔ Yesu Kristo bádi. Ɔɔbla ɔmɛni teete bekyuli bani ƒui náƒɔ Kristo bádi. Na ulákya kavumana kadi na bekyuli bammɔ ntɛ.

Romaƒuɔ 8:28

Bɔgyi ka lɛla biala na Katɔti ɔɔbla ni, lɛdi lɛbuni lite bekyuli bani mɔɔyɔ́-nwu na ɔ́lɔ-ma ka babla nwuna kabla.

Korintoƒuɔ 1 1:30

Katɔti náya na bɛ́bla unwi ku Yesu Kristo. Na Kristo ɔmmɔ ndi bula lɛnunda lɛni na Katɔti úti úte-bu. Na ɔkɛnku Kristo ɔmmɔ lɛlɔ ɔsu na Katɔti ɔɔnu-bu ka buse siin. Na búnwini Katɔti bekyuli kedee. Na ɔ́ƒɔ-bu lili kayu ɔ́lɛku ekpidi kemmo.

Korintoƒuɔ 1 10:32

Bitabla lɛla lɛni maya na Yudaƒuɔ iye bani naaadi Yudaƒuɔ iye baƒɔtaadine belebo Katɔti kudɔ.

Korintoƒuɔ 1 12:27

Anwuɔsu bina ƒui násala bɛ́bla Kristo ɔlɔna ugyii ɔmmɔ na bɛdi-nwu lɛlɔ ekpo unwi unwi.

Korintoƒuɔ 1 8:6

abu bɔgyi ka Katɔti unwi pɛ na bubo. Anwu ndi Ati ɔni nédie ala ana ƒui. Na anwu na bulie ngba bute. Na Blɔti unwi pɛ kani nkya, na anwu ndi Yesu Kristo ɔni lɛlɔ na Katɔti ɔkɛ údie ala ƒui. Na ɔkɛ anwu ɔsu na buli ngba.

Korintoƒuɔ 2 1:1

Ami Paulo ɔni nkɛnku Katɔti lɛƒɔyɔ lɛlɔ na ndi Blɔti Yesu Kristo ɔtalane ni, ami ku Ɔnwa Timoteo muunweni ɔku ɔmɛni bute amii Korintoƒuɔ bani néti lɛlɔ bíte Katɔti ku bekyuli bani ƒui mɔɔbla Katɔti kabla na Akaia kalɛkɛ lɛlɔ mmɔ.

Korintoƒuɔ 2 4:5

Bulakɔ abu alati lɛlɔ lɛsa teete-mii, mmomu Yesu Kristo lɛlɔ lɛsa na bɔɔkɔ́ teete-mii ka ɔdi Blɔti. Na abu bɔdi kabla bablane bute-mii na Kristo ɔsu.

Galatiƒuɔ 1:2

Ami ɔmmɔ nénweni ɔku ɔmɛni na ami ku mina banwa bani nkya mɛni buugyele amii Katɔti baƒɔtaadine bani ƒui nkya Galatia.

Eƒesoƒuɔ 5:26

Ɔ́bla ɔmɛni kalɛ na ɔbla nwuna ɔyɔne ɔmmɔ kedee. Na etemila ani na ɔ́su-nwu ɔsu ni, ɔ́bla-nwu sɛɛn aani kalɛ na beeti ntu taakpila ukyuli.

Tesalonikaƒuɔ 1 1:1

Ami Paulo ku Silivano ku Timoteo búnweni ɔku ɔmɛni buute amii bani ndi Katɔti ku Blɔti Yesu Kristo badi na Tesalonika. Na bɔɔkpali katɔ bɔnii Blɔti lɛƒɔndia ku keyi buɛɛ kasiaku-mii.

Tesalonikaƒuɔ 1 4:7

Katɔti ɔ́lɔ-bu ka bɔbla bekyuli kedee. Anwuɔsu bɛya bɔda lɛlɔ budie kɔbɔ ala bɔbla kemmo.

Tesalonikaƒuɔ 2 1:1

Ami Paulo ku Silivano ku Timoteo búnweni ɔku ɔmɛni buute amii bani ndi bula Unwoti Katɔti ku Blɔti Yesu Kristo badi na Tesalonika.

Timoteo 1 2:8

Na baƒɔtaadine kasalakɔ biala ni, mɔɔwia ka banana bataakpali katɔ ku kayi kedee kalɛ na si Katɔti ɔɔnu bina enu katɔ ni, na ɔti ka bɛ́da lɛlɔ bídie likpidi kemmo. Na kɔnyi iye unyeƒi ɔdi uuubo-mii akɔ.

Timoteo 2 1:9

Blɔti ɔmmɔ náƒɔ-bu ngba na ɔ́lɔ-bu ɔnii bunwini nwuna bekyuli. Ɔɔɔdi bula lɛbuni lɛni na bɔ́bla ɔsu. Mmomu ni, Katɔti ɔmmɔ ɔlati kasusu ku lɛƒɔndia lɛni na ubo ute-bu ɔsu. Na ɔkɛ Yesu Kristo lɛlɔ na bɔ́kɛ Katɔti lɛƒɔndia lɛmɛni asa na údie kayawi.

Timoteo 2 2:19

Nsu ni, Katɔti ɔtɔ kalɔ lɛtabi lɛni na ɔ́kya ni, lɛla biala lilakana-ni bɔkunku. Na lɛtabi lɛmɛni lɛlɔ ni, únweni etemila amɛni ɔ́sia ɔnini, “Blɔti ɔgyi bekyuli bani ndi anwu badi,” ku “Ukyuli ɔni masu ɔnii ɔsiaku Blɔti ni, ɔlɛka unwini kama ɔkya ekpidi bɔbla.”

Timoteo 2 2:22

Da atu die lɛkloƒu bɔdi ala keeke kama bɔsiaku kemmo. Na abla lɛla biala ulu lɛlɔ, na elie ɔƒɔtaadine ngba buni, na ataayɔ bekyuli, na elieku-ma ku keyi buɛɛ. Siaku ala amɛni ku bekyuli bani ƒui mɔɔkpali Blɔti ku kayi sɛɛn kama.

Hebriƒuɔ 10:10

Na Katɔti ɔ́bla-bu kedee na nwuna bɔyɔ kenye ɔkɛnku kalɛ na Yesu Kristo úti nwuna ɔlɔna ɔ́kpa úte-nwu kunwi pɛ kani úte uwi ƒui ɔsu.

Hebriƒuɔ 13:12

Lɛni kani na Kristo lɛnɔ úbo abi na ɔma kabanye kalɛ na ɔbla nwuna badi kedee ɔkɛnku nwuna ubugya lɛlɔ.

Hebriƒuɔ 2:11

Anwu ɔni nábla bekyuli kedee ku bekyuli bani na ɔ́bla kedee ƒui ni, badi bekyuli benwi. Ɔmɛni ɔsu na kɔƒa kulekpo Yesu ka ɔlɔ-ma ɔnii banwa.

Yuda 1:1

Ami Yuda ɔni ndi Yesu Kristo kabla ɔblane na ndi Yakobo ɔnwani ni, muunweni ɔku ɔmɛni lite amii bani nénu Katɔti bɔlɔ. Na ka bɛ́siaku-nwu ɔsu ni, ɔɔyɔ́-mii. Na Blɔti Yesu Kristo lɛnɔ ɔɔgyumana-mii geen.

Budie Taatina 19:16

Na bénweni lɛnyi lɛdi básia nwuna awu lɛlɔ ku nwuna libuili kakɛ banii BAGA ƑUI ƆGA KU BATI ƑUI ƆTI