นังซื รโปะ ปาวโล ละ คริตซจัก เวียง โรม 14:5 - ้พระคัมภีร์ละว้า

⁵ ง่อน อื ทื ซเงะ ติ แปน ป ระ ไล ละ แตะ ฮา ซเงะ ไฮญ. ง่อน อื แกต อื มัฮ ป ตอก โอยจ ปุ แตะ ซเงะ เอ. ปุย ไมจ อื ยุง แจง แน ไลลวง ป แกต แตะ นึง ไลลวง เฮี โครยญ โฆะ แตะ เตือง ไพ เตือง มัน.

นังซื รโปะ ปาวโล ละ คริตซจัก เวียง โรม 14:5 ပူးပေါင်းရင်းမြစ်များ

ลูกา 1:1

เทโอฟีโล, ป มัฮ ป นัปทื เนอึม เมอะ. เอีจ ไก โฮวน ปุย ป เอีจ ลอง แลน ไซฮ อาึง ไลลวง โอเอีฮ ป เอีจ เกิต ลลาึง เอะ เฮี.

นังซื รโปะ ปาวโล ละ คริตซจัก เวียง โรม 14:14

อาึ ยุง แจง แน เบือ อาวต แตะ ไน พะเยซู จาว โอ อื เกว ไม่ ป ปอน ปุย ติ เจือ เนอึม ป แปน ป รแอม ไล ละ พะจาว. ดัฮ ไก ป แกต ติ แตะ โอ ไมจ ปอน เฮี ปอน เซ, ดัฮ ปอน อื ปังเมอ แปน เนอึม ป พิต ละ โกะ อื ฆาื อื.

นังซื รโปะ ปาวโล ละ คริตซจัก เวียง โรม 14:23

ปุย, ดัฮ โซม ปอน โอเอีฮ เตือง ซองไซ รพาวม แตะ นึง, พะจาว ซ เกือฮ อื ลอก ตุต ฆาื โซม ปอน แตะ โอเอีฮ เซ นึง โอ อื ยุฮ ตัม รพาวม เจือ แตะ. โอเอีฮ เมาะ ป ยุฮ ปุย, ดัฮ โอ ยุฮ อื ตัม รพาวม เจือ แตะ, มัฮ ตื มั่ป โครยญ เจือ.

นังซื รโปะ ปาวโล ละ คริตซจัก เวียง โรม 4:21

รพาวม อื แจง แน นึง ซ ปุน ยุฮ พะจาว อื ตัม ป เอีจ ซันญา แตะ อาึง.

1 โคริน 8:11

ฟวยจ เซ เอียกปุ เปอะ ป โอ ตอน รพาวม ป เอีจ ยุม พะคริต ฆรอ อื เซ, ซ ไลจ โกวต อัฮ โม เปะ ติ แตะ ยุง โอเอีฮ.

1 โคริน 8:7

ปุย ปังเมอ โอ ยุง อื เตือง โอยจ แตะ โอเอีฮ ตอก เซ เยอ. ปุย ง่อน อื มัฮ ป โกย นัปทื แตะ ฮุป, เญือม โซม อื ตอก ลั่ง ป มัฮ ป ตัน ปุย ละ ฮุป ละ อื ป โซม อื เซ. ลอต แกต ติ แตะ พิต ฆาื ป โซม แตะ เซ, นึง โอ อื ดิ ตอน เนอึม นึง รพาวม เจือ แตะ, ลอต แปน ป เบรีญ ละ อื ฆาื อื.