ลืลาว 95:3 - ้พระคัมภีร์ละว้า

³ เยโฮวา มัฮ พะจาว ระ เนอึม. มัฮ กซัต ตัตเตียง พะ ตัตเตียง จาว เตือง โอยจ อื.

ลืลาว 95:3 ပူးပေါင်းရင်းမြစ်များ

เนฮะมี 8:6

เอซรา อัฮ เฮี, “ลืลาว เยโฮวา ป มัฮ พะจาว ป ตึก นึง ระ นัน นึง ฮลาวง แตะ,” อัฮ เซ. เญือม เซ ปุย เตือง โอยจ อื ยวก เตะ แตะ อัฮ เฮี ไม่ อื, “อาเมน, อาเมน,” อัฮ เซ. ฟวยจ เซ นุ่ม ไว พะจาว ปอ จิ ไกญ แตะ เตะ.

ลืลาว 104:1

โอ รพาวม รโม่ยฮ อาึ, ไมจ เนอึม เปอะ ลืลาว พะจาว. โอ เยโฮวา พะจาว ยุฮ อาึ, ปะ มัฮ เปอะ ป ตึก นึง ระ แตะ. มัฮ เปอะ ป อาวต ไม่ อัมนัต โญตซัก คึนัก ยุฮ แตะ.

ลืลาว 135:5

อาึ ยุง เงอะ มัฮ พะจาว ยุฮ เอะ เซ ป ตึก นึง ระ อัมนัต แตะ. มัฮ เนอึม ป ระ ฮา พะ ฮา จาว ไฮญ เตือง โอยจ อื.

ลืลาว 145:3

พะจาว มัฮ ป ระ ไล. โปง เนอึม ปุย ลืลาว. ไก โตว ป เกียฮ คาวไจ เมาะ ระ ไล อื ติ ปุย เนอึม.

ลืลาว 47:2

ไมจ ปุย ฮลัต นึง พะจาว, นึง มัฮ อื ป ตึก นึง ระ นัน นึง ฮลาวง แตะ. มัฮ โรฮ กซัต ระ ป ตัตเตียง ปุย ติ ปลัฮเตะ.

ลืลาว 47:3

เอีจ เกือฮ เอะ เป ปุย โฮวน เมือง ไม่ เกือฮ อื เอะ โฮลฮ ตัตเตียง ปุย โฮวน ปะเทต.

ลืลาว 96:4

พะจาว มัฮ เนอึม ป ระ ไล. โปง เนอึม ปุย ลืลาว มอยฮ อื. ไมจ โรฮ ปุย ฮลัต นึง ไม่ นัปทื แตะ, โฮฮ ฮา โอเอีฮ ป อัฮ ปุย มัฮ พะ มัฮ จาว เตือง โอยจ อื.

ลืลาว 97:9

โอ พะจาว, มัฮ ปะ ป ตัตเตียง ปลัฮเตะ เฮี เยอ. มัฮ ปะ ป ระ ป ฮลาวง ฮา โม พะ ไฮญ เตือง โอยจ อื.

2 โมเซ 12:12

พะจาว อัฮ โรฮ เฮี, “ซาวม เซ อาึ ซ โฌ เลี่ป เมือง อียิป. ซ ยุฮ ยุม ไม่ กวน รเมะ โรง ปุย ไม่ กวน โรง ซัตซิง ยุฮ อื, โครยญ เญือะ โครยญ ม่า. อาึ ซ ตัตซิน โม พะ โม จาว ป ทื โม อียิป เกือฮ ลอก ตุต เตือง โอยจ อื. อาึ มัฮ เยโฮวา.

2 โมเซ 18:11

พะจาว มัฮ ยุฮ อื ตอก เซ นึง ยุฮ โม อียิป ป โซะ ลอน ละ โม อิซราเอน. ปเลี่ย เฮี อาึ ยุง เนอึม เมอะ มัฮ เยโฮวา พะจาว ป ระ เนอึม ฮา พะจาว ไฮญ เตือง โอยจ อื,” อัฮ เซ.

อิซยา 44:8

โม เปะ ปุ ฮลัต, อาึ โม่ เอีจ รโฮงะ โอเอีฮ ละ เปอะ เน่อึม เมือ โรง อื? ปุ เกือฮ ติ เปอะ รไจจ นึง. โม เปะ เอีจ มัฮ เปอะ ซกิ พีญัน ยุฮ อาึ. อัม ไก พะจาว ไฮญ โนก ฮา อาึ อื ป มัฮ ซโมะ เปิง รอัง เดีย ละ เปอะ? ไก โตว เฟือฮ, อาึ ฮมอง โตว ไก อื,” อัฮ เซ พะจาว.

เยเรมี 46:18

“กซัต ป มัฮ เยโฮวา กุม ตฮัน มะลอง อัฮ เฮี ละ เปอะ, แจง ไอม อาึ ตอก ออฮ, แจง โรฮ ซ ไก ป ฮอยจ ตอซู ไม่ เปอะ ตอก เซ โรฮ. ป ซ ฮอยจ เซ มัฮ ป ระ ป ฮลาวง ฮา ปุย, ตอก ฮลาวง บลาวง ทาโบ่ ฮา บลาวง ไฮญ. ตอก โรฮ บลาวง คาระเมน ป อาวต โบ ปลัฮ รอาวม โฮ.

เยเรมี 48:15

เมือง โมอัป เอีจ ไลจ เตือง ย่วง ระ ย่วง แตวะ นึง อื. ปรเมะ นุม ป ตึก นึง เกง แตะ เอีจ โฮลฮ ตื ปุย ยุฮ ยุม ไม่,” อัฮ เซ กซัต ระ ป มัฮ พะจาว กุม ตฮัน มะลอง.

ด่านีเอน 4:37

ปเลี่ย เฮี, อาึ ป มัฮ เนบู่คัตเนซา เยอ, ปัว ลืลาว พะจาว, ปัว วุฮ ระ จอง ฮลาวง ไม่ ปัว ทไว โญตซัก ละ กซัต ป ตึก นึง ระ แตะ ป อาวต เมือง มะลอง เซ. กัน ยุฮ อื มัฮ เนอึม ป ปุก ป ลอก โครยญ เจือ. คระ โครง ยุฮ อื มัฮ เนอึม ป ซื ป ไซ. โม ป อวต ติ แตะ พะจาว เกียฮ เกือฮ อื แปน ปุย ตุ ปุย เตียม,” อัฮ เซ.

มาลาคี 1:11

“เน่อึม นึง ลั่ก โอก ซเงะ ฮอยจ ละ ลั่ก เลียก ซเงะ เอ มอยฮ อาึ มัฮ ป ระ ไล ละ ปุย โครยญ เมือง. เอีจ ไก ป ทไว ป ซออย ฮงาื ละ อาึ อื ไม่ ป ซง่ะ ซงอม ละ ทื อื มอยฮ อาึ โครยญ โดฮ. มอยฮ อาึ อื มัฮ เนอึม ป ระ ไล ละ ปุย โครยญ เมือง,” อัฮ เซ พะจาว กุม ตฮัน มะลอง.

มาลาคี 1:14

“อาึ มัฮ กซัต ระ. เญือม ซันญา ปุย อาึง ละ ซ ทไว แตะ แกะ ปิ โปก ไมจ ยุฮ แตะ ละ อาึ, ดัฮ ลเตือฮ แม โรวก ป ไก ตอก โละพริ อื, ปุย บ่วก ตอก เซ ซ ลอก ป โอยจ นึง โซะ แตะ ฆาื อื. ปุย โครยญ เมือง ไมจ อื ฮลัต นึง อาึ ไม่ นัปทื เนอึม แตะ อาึ,” อัฮ เซ พะจาว กุม ตฮัน มะลอง.

มัตไท 5:35

ปุ ปัว โอเอีฮ ป อาวต นึง ปลัฮเตะ เฮี ยุฮ ป โซะ ละ เปอะ, นึง มัฮ ปลัฮเตะ เฮี ก พรอก พะจาว ชวง แตะ. ปุ โรฮ เกือฮ โอเอีฮ นึง เวียง เยรูซาเลม แปน ควน ตอน ยุฮ ลปุง ซันญา เปอะ, นึง มัฮ อื เวียง อาวต กซัต ระ ฮา กซัต ไฮญ เตือง โอยจ อื.

5 โมเซ 7:21

ปุ เกือฮ ติ เปอะ ฮลัต เตีจ. เยโฮวา พะจาว ยุฮ เปอะ ป อาวต ลลาึง โม เปะ เซ, มัฮ พะจาว ป ตึก นึง ระ แตะ ไม่ ป ตึก นึง ฮลัต ปุย นึง.