ลืลาว 74:9 - ้พระคัมภีร์ละว้า

⁹ เอะ เญือะ โฮลฮ โตว ยุ ป มัฮ เคืองไม ซัมคัน ยุฮ แตะ, ป ซึป ลปุง พะจาว ลลาึง โม เอะ ปุ โรฮ เญือะ ไก. ซ มัฮ ลั่ง ตอก เซ เลี่ญ เมาะ เมอ, ไก โตว ป ยุง เงอ.

ลืลาว 74:9 ပူးပေါင်းရင်းမြစ်များ

2 โมเซ 12:13

ฮนัม เซ ซ แปน ป ซัมคัน ละ โม เปะ โครยญ เญือะ อาวต เปอะ. เญือม ยุ อาึ ฮนัม นึง มะ รเวือะ เญือะ เปอะ อาึ ซ เวีย โม เปะ. เญือม ยุฮ อาึ ยุม ไม่ ปุย เมือง อียิป เปอ, เม่ะมั่ก เซ ซ ลอก โตว โม เปะ.

รซอมเยือม 2:9

รเวือะ ระ เมือง ซีโยน เนอ เอีจ พลวน เลียก โตะ เตะ เตือง โอยจ อื. ป มัฮ โคะ ซแก รเวือะ เตือง โอยจ อื เอีจ โปวก พะจาว เกือฮ โบวก. กซัต เมือง ซีโยน ไม่ โม ป มัฮ จาวไน นึง อื, เอีจ โฮลฮ โฮว อาวต ลลาึง ปุย ตัง เมือง. เญือะ ไก โตว ป เพอึก ตอม โกตไม ยุฮ พะจาว นึง อื. โม ป มัฮ ป ซึป ลปุง พะจาว นึง เมือง ซีโยน เนอ, พะจาว เญือะ เปลีฮ โตว โรฮ ป ซัมคัน ละ อื.

เอเซเคียน 20:12

โฮฮ ฮา เซ แม, อาึ เกือฮ โรฮ ซเงะ ลโล่ะ ยุฮ แตะ ละ โม เซ โรฮ, ละ ซ เกือฮ แปน ป ซัมคัน ชน่ะ อาึ ไม่ โม เซ. มัฮ โรฮ ละ ซ เกือฮ เยอะ โม เซ ยุง มัฮ อาึ พะจาว ป เกือฮ โม เซ แปน ปุย ซง่ะ ซงอม ละ แตะ.

เอเซเคียน 7:26

เม่ะมั่ก โซะ ลอน เซ ฮอยจ เลาะ ฮอยจ ลาึน เนอึม. ไลลวง ป แปน ควน โตวฮ ควน ฆราึง ปุย เยอ ฮอยจ เลิง โรฮ. ปุย ซ ฮอยจ ปัว โม ป ซึป ลปุง พะจาว รโฮงะ ป ซ เกิต ลั่กกา แตะ ละ แตะ. โม ป มัฮ ซตุ อู เญาะ โฮลฮ โตว เพอึก ปุย. โม ป กวต ป เฮียง เงอ เญาะ เกียฮ ชิงชา โตว ปุย โอเอีฮ ไม่.

อาโมต 8:11

พะจาว เยโฮวา อัฮ โรฮ เฮี, “เอีจ ซ เติง เวลา อื, เญือม เซ อาึ ซ เกือฮ เมือง เฮี ไปลญ โครยญ โดฮ. มัฮ โตว ไปลญ อื อาวป. มัฮ โตว ไปลญ โอ โฮลฮ ญุ รอาวม. ปุย มัฮ ซ ไปลญ อื นึง โอ แตะ เญือะ ฮมอง ลปุง พะจาว.

มีคา 3:6

“โม เปะ ป โคะ ติ แตะ มัฮ ป ซึป ลปุง อาึ อื, เอีจ นัม เปอะ ปุย ไน อาึ เกือฮ โฮว นึง คระ พิต. อาึ เญาะ ซ เกือฮ โตว โม เปะ โฮลฮ ยุ บลอง โอเอีฮ ฆาื อื, ไม่ โอ เปอะ เญาะ ซ เกียฮ รโฮงะ ป ซ เกิต ลั่กกา ปุย. เอีจ ซดิ เนอึม ซ ไลจ โญต เซีย ซัก เปอะ, ตอก ซดิ ซ ไฆร ซเปีย เญือม เอีจ เลียก ซเงะ โฮ,” อัฮ เซ ละ อื.

มีคา 3:7

เญือม เซ โม ป เกียฮ รโฮงะ ป ซ เกิต ลั่กกา ปุย เซ, ซ อาวต ไม่ โซะกิจ ปิญไง่ แตะ นึง โอ อื ปุก ยุฮ ป อัฮ ป อู แตะ. ซ โฮลฮ โชะ นา แตะ นึง โอ พะจาว เญาะ โลยฮ รซอม ปัว อื เซ.

ฮีบรู 2:4

เญือม เซ พะจาว เกือฮ โรฮ ปุย ยุง มัฮ อื ป เนอึม นึง เปลีฮ อื ป ซัมคัน ไม่ อัมนัต ระ แตะ ปอ เงอึต ปุย นึง, ไม่ ยุฮ อื ป ซัมคัน ไฮญ โฮวน เจือ. เกือฮ โรฮ ป ปละ ป ซาึต แตะ ละ ปุย เบือ ลปุ แตะ โฮวน เจือ ตัม รพาวม โกะ แตะ.

ปรเตีฮรตุม 6:17

กิเด่โอน อัฮ แม เฮี, “ดัฮ อาึ ปุก เนอึม รพาวม เปอะ โฮ, ปัว เปอะ เปลีฮ ป ซัมคัน เนิ, เดอึม อาึ ซ ยุง มัฮ เนอึม อื พะจาว ป ลปุง ไม่ เยอะ เฮี.

1 ซามูเอน 3:1

เญือม เซ ซามูเอน รซอฮ ละ พะจาว. ญอม ง่อต ป อัฮ เอลี โครยญ เจือ. เจน เซ กอ ไก โตว เญือม ฮอยจ ลปุง พะจาว ละ ปุย. พะจาว กอ เปลีฮ โตว ติ แตะ ละ ปุย นึง ป ซัมคัน.