ลืลาว 74:16 - ้พระคัมภีร์ละว้า

¹⁶ เมือ ซเง่ะ ไม่ เมือ ก ซาวม อื เอีจ มัฮ ปะ ป ยุฮ ฮู. ซเงะ ไม่ เคิ เอีจ มัฮ ปะ ป เกือฮ อื อาวต นึง เบือง แตะ.

ลืลาว 74:16 ပူးပေါင်းရင်းမြစ်များ

ลืลาว 104:19

โอ พะจาว, ปะ เกือฮ โรฮ เปอะ เคิ มะลอง แปน ควน ยุง ปุย เวลา นึง. ซเงะ ยุง โรฮ เวลา เญือม ลัง เลียก แตะ.

ลืลาว 104:20

ปะ เอีจ เกือฮ เปอะ เฟียก ไก, เอีจ มัฮ ป อัฮ ปุย เมือ ก ซาวม อื ไม่ เซ. โม ซัตซิง ป อาวต เพระด่าวก โอก ไร นึง อื.

ลืลาว 8:3

เญือม แก อาึ มะลอง ยุฮ เปอะ, เตือง เคิ ไม่ ซโมยญ ป เกือฮ ปะ อื อาวต เบือง แตะ เซ อาึ เงอึต เนอึม ฆาื.

อิซยา 45:7

อาึ มัฮ ป ยุฮ ซเปีย ไม่ เฟียก, มัฮ ป เกือฮ ปุย โฮลฮ ป ไมจ ป มวน, ไม่ เกือฮ โรฮ เยอะ โฮลฮ เม่ะมั่ก รพาวม ตุก แตะ. อาึ มัฮ พะจาว ป ยุฮ โอเอีฮ โม เซ โครยญ เจือ,” อัฮ เซ.

เยเรมี 33:25

อาึ ป มัฮ พะจาว ปังเมอ เอีจ เกือฮ ลปุง ซันญา ยุฮ แตะ ละ เมือ ซเง่ะ ไม่ เมือ ก ซาวม อื ไม่ ดุฮ อาึง โกต ลเบี่ยป ละ ปลัฮเตะ ไม่ ปลัฮ มะลอง. แจง เกือฮ อาึ โกต ลเบี่ยป ตอน ฮมัน ละ โอเอีฮ เซ ตอก ออฮ, อาึ แจง โรฮ ซ เกือฮ ลปุง ซันญา ยุฮ แตะ ตอน ฮมัน ละ จัตเจือ ยาโคป ตอก เซ โรฮ. ละ ด่าวิต ป มัฮ กวนไจ ยุฮ ฮุ อาึ ซ เกือฮ ตอน ฮมัน ละ อื ตอก เซ โรฮ. อาึ ซ เลือก เนอึม โม จัตเจือ ด่าวิต ติ ปุย ละ ซ ตัตเตียง อื จัตเจือ อัปราฮัม, ยิซฮัก, ไม่ ยาโคป. อาึ ซ เลียก พาวม เนอึม นึง ปุย ไน แตะ. ซ เกือฮ เยอะ โฮลฮ อาวต ไมจ มวน แม ตอก ไพรม แตะ,” อัฮ เซ พะจาว.

มัตไท 5:45

เดอึม เปอะ ซ แปน เนอึม กวน เปือะ อาวต แตะ เมือง มะลอง. พะจาว ยุฮ ซเงะ เกือฮ อื รัง ละ ป ยุฮ ป ไมจ ไม่ ป ยุฮ ป ฆอก ตอก ปุ แตะ. เกือฮ โรฮ พริ เฮละ รโตง ป ซื ป ไซ ไม่ ป โอ ซื โอ ไซ ตอก ปุ แตะ.