ลืลาว 7:13 - ้พระคัมภีร์ละว้า

¹³ พะจาว เอีจ เพรียง อาึง เครอึง รุป ยุฮ แตะ. เครอึง รุป ยุฮ อื เซ มัฮ ป ระ รที, ตี ทนู ยุฮ อื มัฮ เอิน ตี งอ.

ลืลาว 7:13 ပူးပေါင်းရင်းမြစ်များ

โยป 6:4

ตี ทนู ยุฮ พะจาว ป ระ อัมนัต เซ เอีจ ลอก อาึ. รอาวม เยื่อ ปิต นึง อื เซ เอีจ เลียก ฮอยจ กไน เยอะ. พะจาว เอีจ เกือฮ ป ฮลัต อาึ นึง ฮอยจ แวต เตอะ ตอก โม ตฮัน โฮ.

ลืลาว 11:2

แก แลน เมอะ, ปุย ฆอก ปุย เบร ววยฮ อาึง ทนู ยุฮ แตะ. เอีจ ฟวยจ ดุฮ อื อาึง ตี นึง อื ละ ซ โปยญ แตะ เน่อึม ก เฟียก อื, ละ ซ เกือฮ อื ลอก ปุย ซื ปุย ไซ.

ลืลาว 144:6

เกือฮ ปลุกปลัก ยุฮ เปอะ ฮอยจ ละ โม ป ตอซู ไม่ เปอะ เซ, ปอ แตกฟุง อื เอิน. เกือฮ ตี ทนู ยุฮ เปอะ ฮอยจ ละ ปอ เฮียไฮ เอิน อื.

ลืลาว 18:14

ตี ทนู ยุฮ พะจาว เกือฮ โม ป รุป ไม่ อื แตกฟุง เฮียไฮ. ปลุกปลัก เรียง ยุฮ อื เกือฮ โม เซ ตอ เง่าะ ตอ วู.

ลืลาว 45:5

ตี ทนู ยุฮ เปอะ ลอม, ลล่อน เอิน ฮอยจ ละ ไกญ พาวม โม ป รุป ไม่ เปอะ. ปุย โฮวน เมือง ฆลาื เนฮ ฆลาื ไนจ โบ ชวง เปอะ.

ลืลาว 64:3

โม เซ เกลียง ดัก แตะ เกือฮ ลอม ตอก เกลียง ปุย วิจ แตะ โฮ, ลปุง โซะ ป โอก ฮา ดักดอย อื ตอก ตี ทนู ป แน ปุย ละ ซ โปยญ อื อาึ นึง.

ลืลาว 64:7

พะจาว ปังเมอ ยุง โอยจ อื. ซ โปยญ โรฮ โม เซ นึง ตี ทนู ยุฮ แตะ, เญือม เซ โม เซ ซ บั่ต ซ เบราะ พราวป เอิน ฆาื อื.

รซอมเยือม 2:4

พะจาว เอีจ แน ทนู ยุฮ แตะ ลั่ก เอะ ตอก ยุฮ โม ป ตอซู ไม่ เยอะ เนิ โฮ. เอีจ กอยฮ เตะ แตะ เนิ ตอก ยุฮ โม ป เกละยุ เอะ เนิ โฮ. โนก ฮา เซ เอีจ ยุฮ โรฮ ยุม ไม่ โม ป ฮรัก เกอะ ฮา เยอะ นึง เมือง ซีโยน เซ. พะจาว เอีจ พลวย รพาวม ฮาวก แตะ โอก ละ เอะ ตอก งอ โฮ.

ฮาบ่ากุก 3:11

เญือม เอีจ โอก รฌิญ ซเปีย ตี ทนู ยุฮ เปอะ, ไม่ ตอฮ เฌียป เลียป เอิน เพลียฮ ยุฮ เปอะ เซ, ปัง มัฮ ซเงะ ไม่ เคิ อาวต ตื เอิน นา ก อาวต แตะ ฆาื อื.

ฮาบ่ากุก 3:13

ปะ เอีจ มัฮ ฮอยจ เรอึม เปอะ โม ป มัฮ ปุย ไน แตะ เกือฮ โปน ฮา ป โอ ไมจ, ไม่ เรอึม เปอะ กซัต ป เอีจ เลือก แตะ อาึง เซ. ปะ เอีจ ยุฮ เปอะ ยุม ไม่ ฮัวนา จัตเจือ ปุย ฆอก ปุย เบร, ไม่ ยุฮ เปอะ ไลจ ไม่ โม ป มัฮ ไม่ อื.

5 โมเซ 32:23

อาึ ซ เกือฮ ปไฮะ ปฮอน เกิต ละ ปุย โม เซ, ไม่ ซ พลวย เยอะ ตี อัก เออึม ยุฮ แตะ เกือฮ ฮอยจ บวก อื.

5 โมเซ 32:42

“อาึ ซ เกือฮ ตี ทนู ยุฮ แตะ ฮาวม ฮนัม. ซ เกือฮ โรฮ วิจ แตะ โซม เนะ ฮนัม โม ป ตอซู ไม่ เยอะ, ไม่ โม ป ญอม ไป นึง เงอะ, เกือฮ โรฮ ฮนัม อื ปัต เตือง โม ป มัฮ ฮัวนา ยุฮ ป ฮอยจ รุป ไม่ เยอะ เซ,” อัฮ เซ.

2 เทซะโลนิกา 1:6

พะจาว ซ ยุฮ อื ตัม ซื ตัม ไซ อื. ซ เกือฮ โม ป คัม ตุง โม เปะ เซ ลอก ตุต แตะ ฆาื อื.

รโฮงะ 16:6

“โม เซ เอีจ มอก ปุย ไน เปอะ ไม่ โม ป ซึป ลปุง เปอะ เกือฮ ฮนัม อื ปัต. ปะ เกือฮ เอิน เปอะ โม เซ โฮลฮ ญุ ฮนัม ฆาื อื. เอีจ โปง เนอึม ไม่ โฮลฮ แตะ โอเอีฮ ตอก เซ,” อัฮ เซ.

รโฮงะ 6:10

โม เซ อัฮ เฮี เรียง, “โอ พะโองจาว, ป ตึก นึง ระ อัมนัต แตะ. ปะ เอีจ มัฮ เปอะ ป ซง่ะ ซงอม ไม่ เนอึม รพาวม เปอะ. ซ เลี่ญ ลั่ง เมาะ เมอ ซ รเตีฮ รตุม เปอะ ไม่ โรก เปอะ เวน ละ ปุย ปลัฮเตะ ฆาื ยุฮ อื ยุม ไม่ เอะ เอ?” อัฮ เซ.