ลืลาว 52:8 - ้พระคัมภีร์ละว้า

⁸ อาึ อื ปังเมอ มัฮ เยอะ ตอก โคะ กาวก เกลอึม ฮละ ป อาวต นึง เญือะ ยุฮ พะจาว โฮ. อาึ อาึง ลอป รพาวม แตะ นึง รพาวม ฮรัก ตอน ฮมัน ยุฮ พะจาว โอ เญาะ ไก ลอยจ.

ลืลาว 52:8 ပူးပေါင်းရင်းမြစ်များ

ลืลาว 1:3

ปุย เซ มัฮ ตอก อื โคะ กวยฮ โบ โกลง โฮ. เปลิ เญือม เคราะ เปลิ แตะ โครยญ ลบลอก. ฮละ อื ไก โตว เญือม ตูไต อื. ปุย ตอก เซ กัน ยุฮ อื โครยญ เจือ จเลิน ปุ โฮว ปุๆ.

ลืลาว 128:3

ปรโปวน เญือะ เปอะ ซ โฮวน กวน ตอก โคะ อะงุน เกลอึม เปลิ โฮ. โม กวน เปอะ ซ รวิต เอิน ตวก โซม เปอะ ตอก ฆอย โคะ กาวก โฮ.

ลืลาว 13:5

อาึ ปังเมอ อาึง รพาวม แตะ นึง รพาวม ฮรัก ตอน ฮมัน ยุฮ ปะ. อาึ เกือฮ รพาวม แตะ มวน นึง มัฮ ปะ พะจาว ป เรอึม อาึ เกือฮ โปน ฮา ลั่ก ยุม แตะ.

ลืลาว 147:11

ป ปุก เนอึม รพาวม พะจาว เยอ มัฮ โม ป นัปทื เนอึม พะจาว ไม่ ไก รพาวม ฮลัต อื นึง. มัฮ โรฮ โม ป ซโอว รพาวม ไม่ รพาวม ฮรัก ตอน ฮมัน ยุฮ อื, ป ปุก เนอึม รพาวม อื.

ลืลาว 33:18

มัฮ พะจาว ป แลน แก โม ป นัปทื เนอึม แตะ. พะจาว โซะโกะ ฮรักซา นึง โม ป อุนไจ ไม่ รพาวม ฮรัก ตอน ฮมัน ยุฮ แตะ.

ลืลาว 58:11

เญือม เซ ซ ไก ป อัฮ ตอก เฮี, “โม ปุย ซื ปุย ไซ เยอ โฮลฮ เนอึม ลังวัน ไมจ แตะ, เอีจ ที นึง เซ ไก พะจาว ป รเตีฮ โอเอีฮ ละ ปุย ปลัฮเตะ เอ,” ซ อัฮ อื ตอก เซ.

เยเรมี 11:16

ไพรม อื อาึ อัฮ โม เซ มัฮ โคะ กาวก เกลอึม ฮละ นาวก นึง เปลิ ตึก นึง ไมจ แตะ. ปเลี่ย เฮี อาึ ซ เกือฮ กาื ระ กาื กอ ฮอยจ ละ, กัก อื ซ เฆลฮ, ฮละ อื ซ ฮะ นึง งอ.

นังซื รโปะ ปาวโล ละ คริตซจัก เวียง โรม 11:24

โม เปะ ปุย ตัง เมือง, มัฮ เปอะ ตอก กัก โคะ กาวก พริ ป เรียก พะจาว โรวก กอป ไม่ กาวก ย่วง โฮ. มัฮ เปอะ โตว ป เกิต ไอฮ นึง แตะ. โม ยิว มัฮ ตอก กาวก ย่วง. พะจาว ดัฮ ฆวต เกือฮ กัก ไพรม เรียก แตะ โปวฮ เซ อาวต แม เบือง ไพรม แตะ, โม่ ซ เยือ ละ อื ฮา ยุฮ อื ละ โม เปะ เซ แม?