ลืลาว 42:6 - ้พระคัมภีร์ละว้า

^6-7 อาึ อาวต ก ซไง อื ฮา เมือง ไพรม แตะ. ตุก เปละ นัน พาวม ฆาื. รพาวม ตุก เกอะ ตอก เอิน รอาวม ระ พุกเพียก ปอ ซ เลอึป อื ไกญ อาึ. ตอก รอาวม นึง จาื ระ โฮ. ตอก โรฮ รอาวม โด่ะ ไม่ เรียง แตะ โฮ. อาึ โตก ละ เมือง แตะ ฆาื อื. โตก ละ ฮอง โกลง จอแด่น. ซฆลอย โรฮ เปือง โม เฮอโมน ไม่ บลาวง มิซา เตือง โอยจ อื. เซ ป เกือฮ ติ แตะ โตก ละ พะจาว ฆาื อื.

ลืลาว 42:6 ပူးပေါင်းရင်းမြစ်များ

2 ซามูเอน 17:22

กซัต ด่าวิต โกฮ เตือง เนอึม โกลง จอแด่น เซ ไม่ โม ลุกนอง แตะ เซ. เญือม เอีจ ปวยฮ พริ อี เอีจ ฟวยจ เตือง อื โกลง เซ เตือง โอยจ แตะ.

2 ซามูเอน 17:27

เญือม เอีจ ฮอยจ กซัต ด่าวิต นึง ย่วง มาฮะนาอิม เซ, เญือม เซ โชบี่ กวน นาฮัต ปุย ย่วง รัปบ่า ป มัฮ โม อัมโมน, ไม่ มาคี กวน อัมมีเอน ป มัฮ ปุย ย่วง โลเด่บ่า, ไม่ บ่าซีไล ป อาวต นึง กิเลอัต ป ฮอยจ เน่อึม นึง ย่วง โรเกลิม, ฮอยจ โรฮ เคะ อื.

ลืลาว 133:3

มัฮ โรฮ ตอก รอาวม รน่ะ นึง บลาวง เฮอโมน, ป ราื ฮอยจ นึง บลาวง ซีโยน โฮ. มัฮ นา เซ ก ซ ปิฮ พะจาว มุ่น ละ ปุย. มุ่น เซ เอีจ มัฮ จีวิต โอ เญาะ ไก ลอยจ.

ลืลาว 22:1

พะจาว ยุฮ อาึ, พะจาว ยุฮ อาึ, เมอยุ ละ โปวฮ เปอะ อาึ อื? อาึ ปัว เนอึม ปัว แนม ปะ เรอึม แตะ. เมอยุ โอ เปอะ เครอึง นึง เงอ?

ลืลาว 43:4

เญือม เซ อาึ ซ ฮาวก ฮอยจ นึง คัน ทไว ยุฮ เปอะ, ฮอยจ เคะ พะจาว ยุฮ แตะ ป มัฮ เนอึม ควน มวน รพาวม เมอะ. โอ พะจาว, ป มัฮ พะจาว ยุฮ อาึ, อาึ ซ ทไว รซอม ลืลาว ละ เปอะ ไม่ เตียต แตะ พิน ไม่.

ลืลาว 43:5

อาึ อัฮ ละ โกะ แตะ ตอก เฮี, “เมอยุ เกือฮ ติ แตะ อาวต แนฮ ไม่ ตุก เปละ นัน พาวม แตะ? เมอยุ เกือฮ ติ แตะ ไลจ ลอป รพาวม เมอ? ไมจ อาึ เกือฮ ติ แตะ ซโอว รพาวม ไม่ พะจาว. ซ ไก ติ ซเงะ เญือม ซ โฮลฮ แม เยอะ ลืลาว พะจาว ยุฮ แตะ ป เกือฮ อาึ โปน ป โอ ไมจ เซ,” อาึ อัฮ เซ โตะ รพาวม แตะ.

ลืลาว 61:2

อาึ กอก ปัว นึง ปะ เน่อึม ก ซไง อื ฮา เญือะ ฮา ย่วง แตะ. เญือม อาวต อาึ ไม่ ชุม โกะ ลปิ พาวม แตะ, ปัว ปะ ตาว อาึ ฮอยจ นึง ซโมะ เปิง รอัง เดีย เยอะ.

โยนา 2:7

“เญือม อาวม เมอะ เอีจ ซ โอยจ ลอป รพาวม แตะ อาึ โตก ละ ปะ ป มัฮ พะจาว ยุฮ แตะ. รซอม ไววอน ยุฮ อาึ เอีจ ฮอยจ ละ ปะ ก อาวต เปอะ นึง วิฮัน ซง่ะ ซงอม ยุฮ เปอะ เซ.

มัตไท 26:39

โฮว ฮา อื เญี่ยะ, ฆลาื รเคอึป ติ แตะ ลังเตะ, ไววอน. อัฮ เฮี, “เปือะ, ปัว ปะ ตุย แปฮ เปียง เฮี ฮา อาึ ดัฮ แปน โฮ. ปัง อัฮ ฮะ ตอก เซ, ปุ เกือฮ มัฮ ตัม รพาวม อาึ, ปัว เกือฮ มัฮ ตัม รพาวม ปะ,” อัฮ เซ ละ เปือะ แตะ.

มัตไท 27:46

เญือม เอีจ ฮอยจ อื ลอวย โมง เงอ พะเยซู อัฮ เฮี เรียง, “เอลี, เอลี, ลามา ซบ่าทานี,” อัฮ เซ. มัฮ อัฮ อื เฮี, “พะจาว ยุฮ อาึ, พะจาว ยุฮ อาึ, เมอยุ ละ โปวฮ เปอะ อาึ อื?” มัฮ อัฮ อื เซ.