ลืลาว 38:4 - ้พระคัมภีร์ละว้า

⁴ มั่ป พิต ยุฮ อาึ อื โฮวน ลัมเลือ ปอ เอิน ไฆลป อื ยุฮ โกะ โอะ. เชียน โรฮ ตอก รบุยฮ ระ ป โฮฮ ฮา ปุน ปุยฮ เยอะ.

ลืลาว 38:4 ပူးပေါင်းရင်းမြစ်များ

เอซรา 9:6

อาึ ไววอน ปัว นึง พะจาว ตอก เฮี, “โอ พะจาว ยุฮ อาึ, อาึ โซะกิจ ลัมเลือ เอิน นึง ซ เลียก แตะ เคะ ปะ. อาึ เญาะ โรวต โตว งัน แลน ปะ ป มัฮ พะจาว ยุฮ แตะ, นึง เอีจ โฮวน ลัมเลือ มั่ป พิต ยุฮ โม เอะ ละ เปอะ. เอีจ ฮลาวง เอิน ฮา ไกญ เญอะ, พิต โฌวะ ยุฮ เอะ เซ เอีจ รชุก เอิน เบรียง ไม่ มะลอง เอิน.

โยป 33:19

“ติ ติ เลีฮ อื พะจาว เพอึก เฟียต ปุย เกือฮ อื อาวม ป โซะ. เนะซอัง อื อาวม ป โซะ เตือง โม่ว แตะ.

ลืลาว 107:17

ปุย ง่อน อื แปน ปุย งาว ฆาื มั่ป ยุฮ แตะ. มัฮ ฆาื มั่ป พิต ยุฮ อื เซ ป โฮลฮ อื โอต เม่ะมั่ก แตะ ฆาื อื.

ลืลาว 40:12

เม่ะมั่ก ป เกิต ละ อาึ เฮี โฮวน ปอ แวต เอิน อื อาึ, ปอ โรฮ โอ ปุย เญาะ ปุน เมีญ. มั่ป พิต ยุฮ อาึ อื เอีจ อาื อาึ โจน เครอึป อื อาึ, ปอ เอิน โอ เยอะ เญาะ เกียฮ ชวน โอเอีฮ นึง โฮวน ลอน อื, โฮวน เอิน ฮา ฮาึก นึง ไกญ เญอะ. มัฮ เซ ป ชุม รพาวม เมอะ ฆาื อื.

อิซยา 53:11

ปุย เซ ซ ยุ ป ไมจ ป ซ เกิต เบือ อาวม แตะ ป โซะ ป คระ. ซ ปอ นึง รพาวม อื. พะจาว อัฮ เฮี, “กวนไจ ซืไซ ยุฮ อาึ ป ปุก เนอึม รพาวม เมอะ เซ, ซ เกือฮ ปุย โฮวน โฮลฮ รพาวม ซืไซ แตะ. ซ ปุยฮ กลอม มั่ป ยุฮ ปุย โฮวน เซ ฆรอ อื.

รซอมเยือม 1:14

เมาะ ป มัฮ กัน พิต กัน มั่ป ยุฮ ฮุ เตือง โอยจ อื, พะจาว เอีจ รโจะ ดิ อื, เกือฮ อื แปน รบุยฮ ระ ลกลอม เชียน เนิ. โม่ะ แอก เซ เอีจ รวต โงก อาึ, เรียง แด่น อาึ เอีจ โอยจ เนอึม ปุ ปุ. พะจาว เอีจ มอป อาึ เกือฮ อาวต ฆรึม อัมนัต โม ป ฮอยจ ตอซู ไม่ เยอะ. มัฮ โม ป โอ เยอะ เญาะ ปุน ตอซู ไม่.

3 โมเซ 7:18

ดัฮ ไก ป ปอน ลั่ง โตะ เซ เยอ, พะจาว เกียฮ รัป โตว ป ทไว ปุย เซ นึง มัฮ อื ป รแอม ไล ละ อื. เมีญ โตว ป ทไว ปุย เซ แปน กุน ละ ปุย เซ. ป ปอน โตะ เซ ซ ลอก โรฮ ตุต ฆาื อื.

มัตไท 11:28

“โม เปะ ป โซะไมญ โซะ ปี ฆาื ระ รบุยฮ เชียน ลกลอม เปอะ เตือง โอยจ เปอะ, เอีญ เคะ อาึ อื เมิฮ, อาึ ซ เกือฮ โม เปะ อาวต เฮน อาวต ฮลอง.

1 เปโตร 2:24

พะคริต เอีจ รัป มั่ป ยุฮ โม เอะ นึง โกะ แตะ ไอฮ นึง ไมะซาวแควง, ละ ซ เกือฮ อื เอะ ยุม แปฮ ละ มั่ป เซ, ไม่ ซ โฮลฮ แม ไอม ละ ยุฮ แตะ กัน ซืไซ. โม เปะ เอีจ ไฮ ป โซะ นึง เปอะ เบือ เบราะ อาวม อื เซ.