ลืลาว 25:2 - ้พระคัมภีร์ละว้า

² โอ พะจาว ยุฮ อาึ, อาึ วุก เปละ อาึง พาวม แตะ นึง เปอะ. ปุ เกือฮ อาึ โซะกิจ ปิญไง่. ปุ เกือฮ โม ป เกละยุ อาึ เซ โฮลฮ ฟวยจ พาวม นึง เป แตะ อาึ.

ลืลาว 25:2 ပူးပေါင်းရင်းမြစ်များ

4 กซัต 13:18

มัฮ ตอก เซ ตอก ไป โม อิซราเอน เญือม เซ. โม ยูด่า เซ เป เนอึม เบือ เปิง อื เยโฮวา พะจาว ยุฮ จัตเจือ ไพรม แตะ เซ.

ลืลาว 13:5

อาึ ปังเมอ อาึง รพาวม แตะ นึง รพาวม ฮรัก ตอน ฮมัน ยุฮ ปะ. อาึ เกือฮ รพาวม แตะ มวน นึง มัฮ ปะ พะจาว ป เรอึม อาึ เกือฮ โปน ฮา ลั่ก ยุม แตะ.

ลืลาว 142:6

ปัว เปอะ ง่อต รซอม ปัว อาึ นึง เปอะ, อาึ เอีจ ชุมเช ลัมเลือ เอิน รพาวม เมอะ. ปัว เปอะ เรอึม อาึ เกือฮ โปน ฮา โม ป โคมเฮง เงอะ เซ, นึง ระ ลัมเลือ เอิน เรียง โม เซ ฮา เยอะ.

ลืลาว 18:2

พะจาว มัฮ ซโมะ เปิง รอัง เดีย เนิ. มัฮ ตอก ปอม ตอน ฮมัน ยุฮ ฮุ. มัฮ โรฮ ป เกือฮ อาึ โปน ฮา ป โอ ไมจ โครยญ เจือ. พะจาว ยุฮ อาึ มัฮ ตัว เปิง อาึ. อาึ โปน ป กอยจ ป ราวม เบือ อื. มัฮ ป ปุน เฆีญ อาึ. มัฮ ป แลน แก อาึ ไม่ ระ เรียง แด่น แตะ. มัฮ ป โฮลฮ อาึ เปิง ฮลอง รอง ซโอว อื.

ลืลาว 22:1

พะจาว ยุฮ อาึ, พะจาว ยุฮ อาึ, เมอยุ ละ โปวฮ เปอะ อาึ อื? อาึ ปัว เนอึม ปัว แนม ปะ เรอึม แตะ. เมอยุ โอ เปอะ เครอึง นึง เงอ?

ลืลาว 22:5

เญือม ไววอน อื ปัว นึง เปอะ ปะ เอีจ เกือฮ เปอะ โปน ฮา ป โตะ ป ตอง. เญือม อาึง อื รพาวม แตะ นึง เปอะ โฮลฮ โตว โซะกิจ ปิญไง่ ฆาื อื.

ลืลาว 22:8

อัฮ เฮี เนิ, “ปุย เฮี เอีจ อัฮ ติ แตะ มอป โกะ ทไว ตัว แตะ ละ พะจาว. เกือฮ พะจาว เรอึม แปฮ เกือฮ โปน อื เมิฮ. ดัฮ มัฮ เนอึม ปุย ปุก รพาวม พะจาว โฮ, เกือฮ พะจาว เรอึม เกือฮ เอะ ยุ เอิน,” เพียก แฮม อาึ ตอก เซ.

ลืลาว 31:1

โอ พะจาว, อาึ ฮอยจ เปิง ปะ, ปัว เปอะ โอ เกือฮ อาึ โซะกิจ ปิญไง่ เฟือฮ เอิน. ปัว ปะ เรอึม แตะ เกือฮ โปน ฮา ป โอ ไมจ เบือ รพาวม ซืไซ ยุฮ เปอะ.

ลืลาว 31:15

จีวิต อาึ เอีจ อาวต นึง รดุม ซบราวก ปะ. ปัว ปะ เรอึม แตะ เกือฮ โปน ฮา โม ป ตอซู ไม่ เยอะ ไม่ โม ป โคมเฮง คาเคียน เนอะ เซ.

ลืลาว 31:2

ปัว ปะ ง่อต ฮมอง ป ปัว อาึ นึง เปอะ, ปัว เปอะ ซไจ ฮอยจ เรอึม อาึ ปเลี่ย เฮี เอิน. ปัว ปะ แปน ลอป ซโมะ เปิง รอัง เดีย ละ แตะ, ไม่ แปน โรฮ เปอะ ตอก ปอม ตอน ฮมัน ป เกือฮ อาึ โปน ฮา ป โอ ไมจ โรฮ.

ลืลาว 34:8

ลอง แลน เจือ เดอึม เปอะ ซ ยุง มัฮ เนอึม พะจาว ป ไมจ. โม ป อาึง รพาวม แตะ นึง อื ซ โฮลฮ เนอึม รพาวม ไมจ มวน แตะ เบือ อื.

ลืลาว 37:40

พะจาว เรอึมชวย ตูเตอึม อื, เกือฮ อื โปน ฮา ปุย ฆอก ปุย เบร. มัฮ ยุฮ อื ละ อื ตอก เซ นึง เกือฮ อื พะจาว แปน ตัว เปิง แตะ.

ลืลาว 41:11

ตอก ซ ยุง เงอะ มัฮ แตะ ปุย ปุก รพาวม ปะ อา มัฮ ตอก เฮี, มัฮ กัน โอ โม ป เกละยุ อาึ เซ โฮลฮ เป อาึ.

ลืลาว 56:1

โอ พะจาว, ปัว ปะ เลียก พาวม นึง อาึ นึง พลิฮ บึน ลอน ปุย เยอะ. โม ป เกละยุ อาึ เซ ตอซู ปุ แตะ ไม่ อาึ เตือง ซเง่ะ รซาวม.

ลืลาว 7:1

โอ เยโฮวา พะจาว ยุฮ อาึ, อาึ เปิง ฮลอง รอง ซโอว ปะ. ปัว ปะ เรอึม เนอึม อาึ เกือฮ อาึ โปน ฮา โม ป อาื ยุฮ ป โซะ ละ แตะ เซ.

ลืลาว 71:1

โอ พะจาว, อาึ เปิง อิง นั่กเนี่ ปะ. ปุ เกือฮ อาึ โซะกิจ ปิญไง่ นึง ปุย.

ลืลาว 91:2

ปุย เซ ซ อัฮ อื ละ พะจาว ตอก เฮี, “ปะ มัฮ เปอะ ตัว เปิง อาึ, มัฮ โรฮ เปอะ ปอม ตอน ฮมัน เนิ. มัฮ เปอะ พะจาว ยุฮ ฮุ. อาึ อาึง รพาวม แตะ นึง ปะ,” อัฮ เซ ละ อื.

ลืลาว 94:3

โอ พะจาว, ปะ ซ พลวย ลั่ง เปอะ โม ปุย ฆอก ปุย เบร เซ เกือฮ อาวต เลี่ญ เมาะ เมอ? ซ เกือฮ ลั่ง เปอะ มวน โมฮ รโอฮ รออง เลี่ญ เมาะ เมอ?

อิซยา 26:3

โอ พะจาว, ปะ เกือฮ เปอะ ปุย เนอึม รพาวม โฮลฮ อาวต ไม่ ไมจ เปละ ลโลวง พาวม แตะ กุมปอ นึง อาึง อื รพาวม แตะ นึง ปะ.”

อิซยา 28:16

มัฮ ฆาื เซ ป อัฮ พะจาว เยโฮวา อื ตอก เฮี ฆาื อื, “อาึ เอีจ ละ อาึง ซโมะ ระ นึง เมือง ซีโยน ติ, ละ ซ เกือฮ แปน เน่อึม ละ อื. มัฮ ซโมะ กอ ไม่ แจง ตอน ฮมัน อื, มัฮ โรฮ ตอก ด่อง โรง โฮ ละ ซ เกือฮ แปน ป ตอน ป ฮมัน. ซโมะ เซ ไก รซอม ป ไซฮ ปุย นึง ตอก เฮี, ‘ป อาึง รพาวม แตะ นึง อื ซ โฮลฮ โตว เดื่อต เนือะ ฮอน ไจ ฆาื อื,’ อัฮ เซ.

อิซยา 37:10

“ปุ เกือฮ พะจาว เปิง เปอะ เซ ปุน จุ เปอะ นึง อัฮ อื อาึ โอ ซ ปุน เวียง เยรูซาเลม เซ.

อิซยา 37:20

โอ เยโฮวา ป มัฮ พะจาว ยุฮ เอะ, ปเลี่ย เฮี เอะ ปัว เปอะ เกือฮ เอะ โปน ฮา อัมนัต อื เดอึม ปุย ปลัฮเตะ โครยญ ปะเทต ซ ยุง มัฮ ปะ เยโฮวา พะจาว เนอึม ติ โตน โน่ง,” อัฮ เซ เฮเซคียา เซ.

อิซยา 37:35

อาึ ซ เฆีญ เมือง เฮี เบือ ฮัน แตะ นึง โญตซัก โกะ แตะ. มัฮ โรฮ เบือ โตก เกอะ ละ ด่าวิต ป มัฮ กวนไจ ยุฮ แตะ เซ.” เอีจ มัฮ เอิน อาึ ป มัฮ พะจาว ป อัฮ เซ เยอ.

อิซยา 41:16

โม เปะ ซ โฮลฮ เปอะ กึม เกือฮ ปอย, บลาวง โม เซ ซ แทต เอิน กาื ระ ปอ เฮียไฮ อื. ฟวยจ เซ โม เปะ ซ ไมจ มวน รพาวม เปอะ เบือ พะจาว, ซ โฮลฮ เปอะ อวต ลื พะจาว ซง่ะ ซงอม ยุฮ โม อิซราเอน เบือ อื.

อิซยา 49:23

โม กซัต ซ แปน ตอก เปือะ เปอะ, โม กซัต รโปวน เซ ซ แปน โรฮ ตอก มะ เปอะ โรฮ. ปุย โม เซ ซ นุ่ม ปอ จิ ไกญ แตะ เตะ ละ ไว แตะ โม เปะ, ไม่ ซ เกือฮ โรฮ อื ติ แตะ ตุเตียม ละ ซ เปลีฮ อื กัน นัปทื แตะ โม เปะ. ฟวยจ เซ โม เปะ ซ ยุง เปอะ มัฮ อาึ พะจาว. โม ป ปุน มอง อาึ อื ซ โฮลฮ โตว โซะกิจ ปิญไง่ ติ ตื เนอึม,” อัฮ เซ พะจาว.

เยเรมี 17:18

ปัว เปอะ เกือฮ โม ป คัม ตุง อาึ เซ โฮลฮ โซะกิจ ปิญไง่, ปังเมอ โอ เกือฮ ลอก อาึ. เกือฮ โม เซ ฮลัต เตีจ โตวฮ ฆราึง นึง โอเอีฮ ป ซ เกิต ละ แตะ. ละ อาึ เฮี ปังเมอ ปัว เปอะ โอ เกือฮ อาึ ฮลัต. ปัว เปอะ เกือฮ ป โตะ ป ตอง ฮอยจ ละ โม เซ ตัม เวลา ยุฮ โกะ เปอะ ไอฮ. เกือฮ เอิน ไลจ ลอป โอ เญาะ เกียฮ โกฮ เอิน.

นังซื รโปะ ปาวโล ละ คริตซจัก เวียง โรม 10:11

พะทัม อัฮ เฮี, “โม ป อาึง รพาวม แตะ นึง อื แจง โอ อื ซ โซะกิจ ปิญไง่ ติ ตื เนอึม,” อัฮ เซ.

นังซื รโปะ ปาวโล ละ คริตซจัก เวียง โรม 5:5

ซโอว รพาวม ตอก เซ แจง โอ อื ซ มัฮ ป ปลาว เยอ, นึง เอีจ เลียก ฟา เลี่ป รพาวม ฮรัก ยุฮ พะจาว โตะ กไน รพาวม เอะ, เบือ ลปุ พะจาว ป เอีจ เกือฮ อื ละ เอะ เซ.

1 เปโตร 2:6

พะทัม อัฮ อื ตอก เฮี, “อาึ เอีจ โซวต ด่อง ซโมะ ระ งวยฮ ระ ตุง ติ. อาึ เอีจ เกือฮ แปน ด่อง โรง นึง เมือง ซีโยน. เมาะ ป อาึง รพาวม แตะ นึง อื ซ โฮลฮ โตว โซะ กิจ ปิญ ไง่,” อัฮ เซ.