ลืลาว 22:26 - ้พระคัมภีร์ละว้า

²⁶ ปุย ตุ ปุย เตียม ซ โฮลฮ โซม ซัก กุก เตือ. เมาะ ป ซาวป เนอึม ยุ พะจาว ซ โฮลฮ เนอึม ลืลาว อื. ปัว เกือฮ โม เซ จเลิน ลอป โอ เญาะ ไก ลอยจ.

ลืลาว 22:26 ပူးပေါင်းရင်းမြစ်များ

3 กซัต 29:10

เญือม เซ กซัต ด่าวิต ลืลาว พะจาว ซองนา โม ลัปซด่อน เตือง โอยจ อื. อัฮ เฮี, “โอ เยโฮวา พะจาว นัปทื ยาโคป ป มัฮ จัตเจือ ไพรม เอะ เซ โฆะ, ปัว โรฮ ปุย เตือง โอยจ อื ลืลาว ลอป ปะ โอ เญาะ ไก ลอยจ.

ลืลาว 107:9

โม ป ฆวต ญุ รอาวม เมอ พะจาว เอีจ เกือฮ เนอึม อื โฮลฮ ญุ อื ปอ ซัก แตะ. โม ป ฆวต โซม, เอีจ เกือฮ โรฮ อื ซัก นึง โอเอีฮ ป ไมจ ป ญุ่ก ยุฮ แตะ.

ลืลาว 116:14

เญือม โพรม ปุย ไน พะจาว ไม่ ปุ แตะ อาึ ซ ทไว โอเอีฮ ละ พะจาว ซองนา ปุย โฮวน เซ ตัม ป เอีจ ซันญา แตะ อาึง.

ลืลาว 116:18

เญือม โพรม ปุย ไน พะจาว ไม่ ปุ แตะ นึง ควง วิฮัน นึง เวียง เยรูซาเลม เมอ, อาึ ซ ทไว โอเอีฮ ละ เปอะ ตัม ป เอีจ ซันญา แตะ อาึง โครยญ เจือ. ไมจ เนอึม เปอะ ลืลาว พะจาว.

ลืลาว 40:10

อาึ เม่าะ โตว กัน ซืไซ ยุฮ เปอะ โตะ รพาวม แตะ. อาึ อู เยอะ ละ ปุย เกือฮ ฮมอง ตอก เนอึม รพาวม เปอะ, ไม่ ตอก เกือฮ เปอะ ปุย โปน ฮา ป โอ ไมจ. อาึ เม่าะ โตว ไลลวง รพาวม ฮรัก ตอน ฮมัน ยุฮ เปอะ ไม่ ลปุง เนอึม ยุฮ เปอะ ฮา โม ป โพรม เซ.

ลืลาว 40:16

โม ป ซาวป เนอึม ยุ ปะ อา, เกือฮ โฮลฮ รพาวม ไมจ มวน แตะ เบือ เปอะ, โม ป เกือฮ ติ แตะ มวน รพาวม นึง อาวม อื เรอึม ปะ แตะ, เกือฮ โฮลฮ อัฮ ลอป เฮี, “พะจาว มัฮ เนอึม ป ตึก นึง ระ นัน นึง ฮลาวง แตะ,” เกือฮ โฮลฮ อัฮ เซ.

ลืลาว 50:14

มัฮ รซอม ญันดี่ ป ไมจ เปอะ ทไว ละ พะจาว เยอ. ไมจ เปอะ ยุฮ เนอึม ตัม ป เอีจ ซันญา เปอะ อาึง ละ พะจาว ป ตึก นึง ฮลาวง แตะ เซ.

ลืลาว 69:32

เญือม ยุ โม ปุย ตุก เปละ นัน พาวม โอเอีฮ ไล เซ, ซ มวน เนอึม รพาวม เบือ อื. โม ป ซาวป เนอึม เปิง พะจาว ซ โฮลฮ แม เรียง แด่น แตะ เบือ อื.

อิซยา 25:6

พะจาว กุม ตฮัน มะลอง ซ จัต กัน เลียง ละ ปุย โครยญ เจือ ปุย นึง ไกญ บลาวง ซีโยน เฮี. ซ เลียง ปุย นึง ป โซม ป ปอน ตึก นึง ญึม แตะ, ซ โกว โรฮ รอาวม อะงุน ป ตึก นึง ไมจ แตะ ป เอีจ เลี่ญ แฮรน แตะ อาึง ละ อื.

อิซยา 65:13

พะจาว เยโฮวา อัฮ โรฮ เฮี, “เคียง มัฮ อื ตอก เซ, โม ป มัฮ กวนไจ ยุฮ อาึ ซ โฮลฮ โซม โฮลฮ ญุ ปอ ซัก แตะ, โม เปะ ปังเมอ ซ อาวต เปอะ ไม่ วิต โซม ม่อยญ จัน แตะ. ป มัฮ กวนไจ ยุฮ อาึ ซ โฮลฮ อาวต ไม่ ไมจ เปละ ลโลวง พาวม แตะ. โม เปะ ปังเมอ ซ โฮลฮ เปอะ อาวต ไม่ โซะกิจ ปิญไง่ แตะ.

โยนา 2:10

เญือม เซ พะจาว เกือฮ รซอม ดวน แตะ ฮอยจ ละ กะ เซ. กะ เซ โอก ฮาว โยนา เซ นึง เฆียง รอง ฆาื อื.

โยฮัน 4:14

เมาะ ป ญุ รอาวม เกือฮ อาึ ละ แตะ ปังเมอ โอ เญาะ ซ ฆวต ญุ แม อื ติ ชวง. รอาวม เกือฮ อาึ ละ อื เซ ซ แปน รอาวม ปลาึฮ ป ปัต ลอป กไน โกะ อื. เอีจ มัฮ รอาวม เซ ป แปน จีวิต โอ เญาะ ไก ลอยจ ละ อื,” อัฮ เซ.