ลืลาว 148:6 - ้พระคัมภีร์ละว้า

⁶ พะจาว เอีจ เกือฮ อื อาวต ตอน ฮมัน นึง เบือง อื โอ เญาะ ไก ลอยจ. เอีจ กัมโนต อาึง ม่าื เคต ละ อื, เกือฮ โตว อื โฮว โปน ฮา เคต เซ.

ลืลาว 148:6 ပူးပေါင်းရင်းမြစ်များ

โยป 38:33

อัม ยุง เปอะ โกตไม ป บั่งคัป โอเอีฮ อาวต มะลอง เงอ? อัม เกียฮ เกือฮ เปอะ โกตไม เซ แปน ป โกว นึง ปลัฮเตะ เฮี? แจง นึง โอ เปอะ ซ เกียฮ ฮา.

ลืลาว 89:37

อาึ ซ เกือฮ โรฮ โฮะ อาวต ตอน ฮมัน ลอป ตอก เคิ ป อาวต นึง มะลอง โฮ. พีญัน ป อาวต นึง มะลอง เซ มัฮ ป แจง ป แน,” ปะ เอีจ อัฮ เปอะ ตอก เซ.

ลืลาว 93:1

พะจาว มัฮ กซัต ป ตัตเตียง โอเอีฮ เตือง โอยจ อื. อาวต ลอป ไม่ อัมนัต คึนัก แตะ. อัมนัต ระ รที เรียง ตึน มัฮ ป ไก ลอป ไม่ อื. ปลัฮเตะ เฮี เอีจ เกือฮ อื อาวต ตอน อาวต ฮมัน นึง เบือง แตะ, มัฮ ป โอ เญาะ เกียฮ เปียน ติ แตะ.

อิซยา 54:9

“ละ ง่อต อาึ อื ไลลวง โอเอีฮ เฮี มัฮ ตอก เจน โนอา เนิ. เญือม เซ อาึ ซันญา ซโตฮ ละ โนอา นึง โอ แตะ เญือะ ซ เกือฮ รอาวม เลอึป ปลัฮเตะ. อาึ ซันญา อาึง ละ โนอา ตอก ออฮ, ปเลี่ย เฮี ซันญา โรฮ อาึง ละ โม เปะ ตอก เซ โรฮ, นึง โอ แตะ เญือะ ซ ฮาวก รพาวม ละ โม เปะ ไม่ โอ แตะ เญือะ ซ เติ เปอะ.

เยเรมี 33:25

อาึ ป มัฮ พะจาว ปังเมอ เอีจ เกือฮ ลปุง ซันญา ยุฮ แตะ ละ เมือ ซเง่ะ ไม่ เมือ ก ซาวม อื ไม่ ดุฮ อาึง โกต ลเบี่ยป ละ ปลัฮเตะ ไม่ ปลัฮ มะลอง. แจง เกือฮ อาึ โกต ลเบี่ยป ตอน ฮมัน ละ โอเอีฮ เซ ตอก ออฮ, อาึ แจง โรฮ ซ เกือฮ ลปุง ซันญา ยุฮ แตะ ตอน ฮมัน ละ จัตเจือ ยาโคป ตอก เซ โรฮ. ละ ด่าวิต ป มัฮ กวนไจ ยุฮ ฮุ อาึ ซ เกือฮ ตอน ฮมัน ละ อื ตอก เซ โรฮ. อาึ ซ เลือก เนอึม โม จัตเจือ ด่าวิต ติ ปุย ละ ซ ตัตเตียง อื จัตเจือ อัปราฮัม, ยิซฮัก, ไม่ ยาโคป. อาึ ซ เลียก พาวม เนอึม นึง ปุย ไน แตะ. ซ เกือฮ เยอะ โฮลฮ อาวต ไมจ มวน แม ตอก ไพรม แตะ,” อัฮ เซ พะจาว.