ลืลาว 134:1 - ้พระคัมภีร์ละว้า

¹ โม เปะ ป มัฮ กวนไจ ยุฮ พะจาว เยอ, โม เปะ ป รซอฮ นึง วิฮัน ยุฮ พะจาว เมือ ก ซาวม อื, เอีญ ลืลาว ดิ พะจาว เตือง โอยจ เปอะ.

ลืลาว 134:1 ပူးပေါင်းရင်းမြစ်များ

3 กซัต 9:23

ปุย โม เซ มัฮ โม ป โฮลฮ แลน แก โตะ รเวือะ วิฮัน เน่อึม เจน โฆะ ฮอยจ ละ จัตเจือ อื เจน ปเลี่ย.

3 กซัต 9:27

ปุย โม เซ อาวต กไน ควง วิฮัน เซ ฆาื อื นึง มัฮ อื ป ลัง แลน แก วิฮัน เซ, ไม่ มัฮ อื ป โปฮ รเวือะ วิฮัน เซ โครยญ ซะ.

3 กซัต 9:33

ไก โรฮ โม เลวี ง่อน ป เพรียง รซอม เชีย ละ เชีย ปุย นึง วิฮัน เซ. มัฮ โม ฮัวนา ครอปครัว ป อาวต เอิน นึง ควง วิฮัน, ไม่ โอ อื ไปญ กัน ไฮญ ติ เจือ เนอึม. ลัง เชีย ลืลาว พะจาว เญือม เติง เวลา อื เตือง เมือ ซเง่ะ เมือ ก ซาวม อื.

4 กซัต 29:11

โม เปะ ป มัฮ กวน เนอะ, ปุ เญือะ ซลัฮ นึง กัน ลัง ยุฮ เปอะ. พะจาว เอีจ มัฮ เลือก อื โม เปะ เกือฮ ชุง ซองนา แตะ ละ ซ รซอฮ เปอะ ละ อื, ไม่ นัม โรฮ เปอะ ปุย ไฮญ นึง กัน ลืลาว พะจาว. มัฮ โรฮ เกือฮ อื โม เปะ แปน ป ตอง ทไว ป ซออย ฮงาื ละ แตะ โรฮ,” อัฮ เซ ละ อื.

4 กซัต 35:5

“ไมจ เปอะ รฆุ ปุ แตะ อาวต แปน มูๆ แตะ, ไม่ ชุง เปอะ นึง นาตี ซง่ะ ซงอม เซ แปน ไล แตะ, ละ ซ โฮลฮ เปอะ เรอึม โม อิซราเอน ป มัฮ เอียกปุ เปอะ เซ โครยญ เจอ โครยญ ซฆลาวม อื.

เนฮะมี 12:9

โม ป ชุง รเตือป อื ละ ซ โลยฮ แตะ รซอม เชีย เซ มัฮ ตอก เฮี มอยฮ อื, มัฮ บั่กบู่คียา, อุนโน ไม่ โม เอียกปุ เลวี อื.

ลืลาว 103:21

โม เปะ ป มัฮ ตฮัน มะลอง เตือง โอยจ เปอะ, ป รซอฮ ละ อื ตัม รพาวม โกะ อื, ไมจ เปอะ ลืลาว พะจาว.

ลืลาว 113:1

ไมจ เปอะ ลืลาว พะจาว. โม เปะ ป มัฮ กวนไจ ยุฮ พะจาว เยอ, ไมจ เปอะ ลืลาว พะจาว. ไมจ เนอึม เปอะ ลืลาว มอยฮ อื.

ลืลาว 120:1

เญือม อาวต เตอะ ไม่ ตุก รพาวม แตะ, อาึ กอก ปัว พะจาว เรอึม แตะ. พะจาว โลยฮ เนอึม อื เนิ.

ลืลาว 121:1

อาึ แก แนฮ บลาวง ฌื ก ซไง อื, ป ซ เรอึม อาึ เซ ซ ฮอยจ เน่อึม ก เมอ แล?

ลืลาว 122:1

อาึ มวน เนอึม รพาวม เมอะ เญือม บะ ปุย แตะ ตอก เฮี, “ฮาวก ดิ นึง วิฮัน ยุฮ พะจาว และ.”

ลืลาว 123:1

โอ พะจาว, ป อาวต เมือง มะลอง, อาึ แก แนฮ ปะ ไม่ ไววอน แตะ.

ลืลาว 124:1

มัฮ โอ พะจาว อาวต บลัฮ ลั่ก เอะ, ซ แปน ตอก เมอ? โม อิซราเอน โลยฮ แลน เมอะ.

ลืลาว 125:1

ปุย เมาะ ป อาึง รพาวม แตะ นึง พะจาว เยอ, ซ ตอก โรฮ บลาวง ซีโยน โฮ. ซ รยุ่ ดุงเดียง โตว, ซ อาวต ตอน ฮมัน ลอป โอ เญาะ ไก ลอยจ.

ลืลาว 126:1

เญือม เกือฮ พะจาว เอะ แม อาวต แม นึง เมือง ซีโยน ตอก ไพรม อื เซ, เอะ ตอก เยือ ป มัฮ รโมะ รมาว เนิ โฮ.

ลืลาว 127:1

ดัฮ โอ มัฮ พะจาว ป ยุฮ เญือะ อา, ปุย ปัง ลบุ่ฮ ด่อง จอง โน่วก อื, มัฮ โซะไมญ ปลาว โอ ไก ป มัฮ. ดัฮ โอ มัฮ พะจาว ป มอง เวียง เงอ, ป มอง ญัม มัฮ โรฮ เปลียง ปลาว โอ ไก ป มัฮ โรฮ.

ลืลาว 128:1

ปุย เมาะ ป นัปทื เนอึม พะจาว เยอ, โฮลฮ เนอึม รพาวม ไมจ มวน แตะ เบือ อื. ปุย ตอก เซ มัฮ ปุย โฮว ลอป นึง คระ โครง ยุฮ พะจาว.

ลืลาว 129:1

เกือฮ โม อิซราเอน อัฮ ตอก เฮี, “โม ป เกละยุ อาึ เซ เอีจ ยุฮ ลอป ป โซะ ป ไซญ ละ อาึ เน่อึม เญือม กวนดุ ลั่ง เงอะ.

ลืลาว 130:1

โอ พะจาว, อาึ เอีจ ซ โจม ก โด่ะ อื นึง ตุก รพาวม แตะ. อาึ กอก ปัว ปะ เรอึม แตะ ฆาื อื.

ลืลาว 130:6

อาึ รกวน ยุ ฮอยจ พะจาว โฮฮ ฮา รกวน ป มอง ญัม พริ ปวยฮ. โฮฮ เนอึม ฮา รกวน ปุย พริ ปวยฮ โฮ.

ลืลาว 131:1

โอ พะจาว, รพาวม อาึ อื โพรยฮ โตว ติ แตะ. ไง่ เยอะ ปุ โรฮ เกียฮ ฮุน โรฮ. อาึ เกือฮ โตว ติ แตะ ซาวป ง่อต โอเอีฮ ป ระ ป ฮลาวง, ไม่ โฮฮ เกิน อื ฮา โกะ แตะ.

ลืลาว 132:1

โอ พะจาว, ปัว ปะ โอ เบีย ด่าวิต ไม่ เม่ะมั่ก ซักคระ ป เอีจ โฮลฮ อื โอต เซ.

ลืลาว 133:1

เญือม อาวต โม เอียกปุ ไน พะจาว ไม่ รพาวม ติ โดฮ แตะ มัฮ เนอึม ป ตึก นึง ไมจ นัน นึง มวน แตะ.

ลืลาว 84:5

โม ป โฮลฮ เรียง แด่น แตะ เบือ รโจะ ดิ อื รพาวม แตะ ไม่ ปะ อา, ซ โฮลฮ โรฮ รพาวม ไมจ มวน แตะ เบือ อื. มัฮ โม ป ไก ลอป รพาวม ฆวต ฮาวก ไววอน นึง เมือง ซีโยน.

3 โมเซ 8:35

ไมจ เปอะ อาวต กไน โตะ รเวือะ พากัง เฮี ฆาื อื อาแลฮ ซเงะ อาแลฮ ซาวม, ไม่ ยุฮ เปอะ ตัม ป ดวน พะจาว แตะ ยุฮ เดอึม เปอะ โอ ซ ยุม ฆาื. เฮี มัฮ ลปุง ซตอก พะจาว ละ เปอะ,” อัฮ เซ ไอ โมเซ.

ลูกา 2:37

อาวต ไม่ ปุย เญือะ แตะ อาแลฮ เนอึม โน่ง. ฟวยจ เซ ไก รเตะ โรฮ ปาวน เนอึม มัฮ อื แม ฮัง เงอ. โอก โตว ฮา ควง วิฮัน เซ ติ ชวง. กอ เออึป ป โซม แตะ ไม่ ไววอน แตะ นึง ทื เนอึม แตะ พะจาว เตือง ซเง่ะ รซาวม.

5 โมเซ 10:8

เญือม เซ พะจาว เลือก พิเซต โม เลวี ละ ซ เกือฮ อื แปน ป กลอม โรวก ฮิต ลปุง ซันญา ยุฮ พะจาว. เกือฮ อื แปน ป รซอฮ ละ พะจาว, เกือฮ อื เกียฮ ปิฮ มุ่น ละ ปุย เบือ มอยฮ พะจาว, ตอก เอีจ ยุฮ ลอป อื ฮอยจ ละ ซเงะ เนาะ เฮี.

รโฮงะ 19:5

เญือม เซ โอก เซียง เน่อึม ก งาวม คึ เซ. อัฮ เฮี, “โม เปะ เมาะ ป มัฮ กวนไจ ปุย โจฮ ยุฮ พะจาว, ไม่ โม ป นัปทื เนอึม อื เตือง ป ระ ป แตวะ, ไมจ เปอะ ลืลาว พะจาว ยุฮ เอะ,” อัฮ เซ.

รโฮงะ 7:15

มัฮ เซ ป โฮลฮ อื อาวต ฆาื อื ลั่กกา ก งาวม คึ ยุฮ พะจาว, ไม่ โฮลฮ อื รซอฮ ละ อื นึง วิฮัน ยุฮ อื เตือง ซเง่ะ รซาวม. ป งาวม นา ก งาวม คึ อื เซ ซ แปน ป เฆีญ ป เดีย อื.