ลืลาว 13:2 - ้พระคัมภีร์ละว้า

² อาึ ซ โฮลฮ ลั่ง โอต เม่ะมั่ก รพาวม ตุก แตะ เฮี เลี่ญ เมาะ เมอ แล? อาึ อาวต ลอป ไม่ รพาวม ตุก แตะ โครยญ ไกลป ซเงะ. โม ป เกละยุ อาึ เซ ซ โฮลฮ ลั่ง โคมเฮง อาึ เลี่ญ เมาะ เมอ แล?

ลืลาว 13:2 ပူးပေါင်းရင်းမြစ်များ

เนฮะมี 2:2

เญือม เซ กซัต เซ ไฮมญ อาึ ฆาื อื ตอก เฮี, “เมอยุ นา มึต นา มอง เปอะ เตือง โอ เปอะ โซะ โอ? มัฮ โตว ตอก ไฮญ, ปะ มัฮ ไก ตอก ตุก เปละ นัน พาวม เปอะ,” อัฮ เซ เนิ. อาึ ฮลัต ฆาื.

เอซเทอ 7:6

เอซเทอ เซ โลยฮ อื, “ป เกละยุ เอะ นึง ฆวต ยุฮ อื ยุม ไม่ เยอะ เซ เอีจ มัฮ เอิน ฮามัน ปุย ฆอก ปุย เบร เฮี,” อัฮ เซ. เญือม เซ ฮามัน อาวต ซองนา กซัต ไม่ เอซเทอ เซ, ไม่ ฮลัต เตีจ เอิน แตะ.

โยป 10:15

ดัฮ อาึ ยุฮ ป ฆอก ป เบร มัฮ เม่ะมั่ก ซ เกิต ละ อาึ ฆาื อื. ปัง ยุฮ อาึ ป ปุก ป ลอก ปุ โรฮ โฮลฮ ป ไมจ นึง โรฮ. อาึ อาวต ลอป ไม่ โซะกิจ ปิญไง่ แตะ ฆาื ตุก รพาวม แตะ.

ลืลาว 10:18

เญือม รเตีฮ เปอะ ปุย ปะ ซ เปลีฮ เปอะ รพาวม ซืไซ ยุฮ แตะ ละ โม กวน ดอย ม่อย เบีย, ไม่ ละ โม ป ลอก กัน โคมเฮง คาเคียน ปุย แตะ, เดอึม ปุย ปลัฮเตะ เฮี โอ เญือะ ซ ปุน เกือฮ อื ฮลัต เตีจ.

ลืลาว 116:3

ลั่ก ยุม ตอก ป ซ ฮอยจ ริ โฮมวต ปุก อาึ. รพาวม ฮลัต ฮอยจ เน่อึม เมือง ป ยุม ตอก ป ซ ริ โจก อาึ. อาึ อาวต ไม่ โซะ แตะ ไม่ ตุก รพาวม แตะ.

ลืลาว 17:9

ปัว เปอะ เกือฮ อาึ โปน ฮา ปุย ฆอก ปุย เบร ป ซาวป ยุฮ ไลจ ไม่ เยอะ เซ. โม เซ อาวต รวิต อาึ โครยญ ลวง อื ละ ซ มอง อื ยุฮ ยุม ไม่ เยอะ.

ลืลาว 31:18

โม ป กอ อัฮ ลปุง โอ เนอึม ไม่ ระ ตวก ซวก ซฮาว แตะ ละ ปุย ซื ปุย ไซ เยอ, ปัว ปะ เกือฮ อื ดุต ดัก.

ลืลาว 38:17

อาึ เอีจ ซ ฆลาื เนอึม เมอะ, นึง โซะ ลอป ป อาวม แตะ.

ลืลาว 42:4

เญือม โตก อาึ ละ ไล ไพรม ยุฮ แตะ อาึ โซะ รพาวม ฆาื. ไพรม อื อาึ กอ ฮาวก ดิ ไม่ ปุย ฮอยจ นึง วิฮัน ยุฮ พะจาว. กอ นัม โรฮ ปุย โฮวน เซ เชีย ลืลาว พะจาว. เชีย ดิ ปุ ฮาวก ไม่ รพาวม ไมจ มวน แตะ เตือง โอยจ แตะ.

ลืลาว 6:4

ปัว เปอะ ฮอยจ เรอึม อาึ เกือฮ โปน ฮา ลั่ก ยุม. ปัว เปอะ เรอึม อาึ เบือ รพาวม ฮรัก ตอน ฮมัน ยุฮ เปอะ.

ลืลาว 7:2

อาึ ฮอ นึง ซ บั่ว อื โรวก แตะ, ไม่ ซ แจฮ อื อาึ ตอก แจฮ รเวีย ซิงโต โอเอีฮ ปุน แตะ โฮ. ไก โตว ป ซ เกียฮ เรอึม อาึ เกือฮ โปน ฮา อื.

ลืลาว 74:10

โอ พะจาว, โม ป เกละยุ เอะ เซ ซ โล่ ลั่ง ญวยฮ เอะ เลี่ญ เมาะ เมอ แล? อัม มัฮ ซ เกือฮ เปอะ โม เซ เพียก แฮม ลอป เอิน มอยฮ เปอะ?

ลืลาว 74:18

โอ พะจาว, ปัว ปะ โตก ละ ไล เฮี, โม ป ตอซู ปุ แตะ ไม่ ปะ เซ เอีจ โฮว โบ โล่ ญวยฮ ปะ เมาะ เมอ? โม เมือง ป โอ ยุง พะจาว เซ เอีจ เพียก แฮม ปะ เมาะ เมอ?

ลืลาว 8:2

ปะ เอีจ เกือฮ เปอะ โม กวนดุ ไม่ กวนงัก แตวะ ลืลาว แตะ. เอีจ เป เปอะ โม ป ฆวต ตอซู ปุ แตะ ไม่ เปอะ เตือง โอยจ อื เบือ อัมนัต ระ ยุฮ แตะ. โม ป ตอซู ไม่ เปอะ ไม่ โม ป ยุฮ ปไฮะ ปฮอน, ปะ เอีจ ปุน เกือฮ เปอะ อาวต โฆย.

ลืลาว 9:6

โม ป ตอซู ไม่ เยอะ, ปะ เอีจ เกือฮ เปอะ ไลจ ปอ ไฆร โอยจ อื เอิน. บั่นเมือง อาวต อื เอีจ ยุฮ ตื โรฮ เปอะ ไลจ ไม่, เญือะ ไก โตว ป โตก ละ ติ ตื เนอึม ปุย โม เซ.

ซตอกรเง่อึม 15:13

รพาวม ไมจ มวน มัฮ ป ซเปีย ยุฮ นา ตา ปุย. รพาวม โซะ ปังเมอ มัฮ ป เฟียก ดาวม ยุฮ ปุย.

คูไมจพันญา 5:17

จีวิต ปุย มัฮ ป อาวต ลอป ก เฟียก อื. อาวต ลอป ไม่ ตุก เปละ นัน พาวม แตะ. อาวต ไม่ โซะ ปวย แตะ, อาวต แนฮ ไม่ รพาวม รอก แตะ.

เยเรมี 15:18

รพาวม โซะ อาึ เฮี เมอยุ โอ อื ไฆร ติ ชวง? เบราะ บั่ต อาวม อาึ เฮี เมอยุ โอ อื เกียฮ ไฮ เฟือฮ ฮา, ปะ อัม มัฮ ซ แปน เปอะ ตอก โกลง ไฮจ เมือ แลง เนิ? อัม มัฮ ซ แปน เปอะ ตอก นัมโม่ ไฮจ รอาวม นึง?

เยเรมี 45:3

‘ปะ อัฮ เปอะ ติ แตะ โซะ ลอน ป อาวม, อัฮ เปอะ มัฮ พะจาว ป บุ รพาวม ตุก แตะ ไม่ กัน โซะ ป อาวม แตะ เซ. อัฮ เปอะ ติ แตะ โซะไมญ โซะ ปี ไม่ แงงัฮ แตะ, โอ ไก ลโล่ะ ลโลวน นึง เฟือฮ เอิน.’ ”

เยเรมี 8:18

รพาวม ตุก อาวม อาึ อื เญือะ ไก โตว ป เกียฮ เกือฮ อื ไฮ เนิ อี. ชุม ลัมเลือ รพาวม เมอะ ฆาื.

รซอมเยือม 1:5

โม ป เกละยุ อื เอีจ โฮลฮ แปน ป ตัตเตียง อื. โม ป ตอซู ปุ แตะ ไม่ อื เอีจ โฮลฮ แปน ป ระ ฮา อื. มัฮ พะจาว ป เกือฮ อื โฮลฮ อาวม เม่ะมั่ก รพาวม ตุก แตะ ตอก เซ, มัฮ ฆาื มั่ป พิต โฮวน ยุฮ อื เซ. โม ลุกจุ ไพเมือง อื โฮลฮ ปุย โฮมวต โรวก เกือฮ โฮว แปน ครา ฆาื อื.

รซอมเยือม 1:9

กัน ฆอก กัน เบร ยุฮ อื เซ โฮวน ลัมเลือ เอิน, ปอ เอิน ที อื ละ ปุย, โกะ อื ปังเมอ โอ เญือะ ยุง ง่อต ตอก ซ มัฮ ลั่กกา แตะ. กัน ไลจ โลม ป เกิต ละ อื เซ ระ เนอึม, ปอ เอิน โอยจ รพาวม ปุย ฆาื. ไก โตว ป เรอึม เกาะ โลม รพาวม อื. เญือม เซ เยรูซาเลม กอก ปัว นึง พะจาว ตอก เฮี, “โอ พะจาว, ปัว ปะ เลียก พาวม นึง แตะ, นึง เอีจ เป โม ป เกละยุ อุ เซ อาึ,” อัฮ เซ.

รซอมเยือม 5:20

ปะ เมอยุ เกือฮ เปอะ ติ แตะ เบีย ลอป เอะ เอ? เกียฮ ละ โปวฮ โน่ง เปอะ เอะ เลี่ญ ลัมเลือ ตอก เฮี เมอ?

มัตไท 26:38

อัฮ เฮี ละ อื, “ตุก รพาวม เมอะ ปอ ซ ยุม แตะ. อาวต เปลียง ดิ ไม่ อาึ นา เฮี,” อัฮ เซ ละ อื.

ลูกา 22:53

อาึ อาวต ไม่ โม เปะ โตะ ควง วิฮัน โครยญ ซเง่ะ. โม เปะ โฮมวต เปอะ โตว อาึ เมอ. ปเลี่ย เฮี เอีจ มัฮ เวลา โฮลฮ โม เปะ ยุฮ ป ฆวต ยุฮ แตะ. มัฮ โรฮ เวลา ยุฮ อัมนัต ลวง ก เฟียก อื,” อัฮ เซ ละ อื.

โยฮัน 16:6

เคียง อัฮ อาึ ไล เซ ละ เปอะ ตุก รพาวม เปอะ ฆาื.

นังซื รโปะ ปาวโล ละ คริตซจัก เวียง โรม 9:2

รพาวม อาึ ตุก เนอึม, อาวม แนฮ โซะ รพาวม แตะ รโตง จัตเจือ แตะ ป มัฮ โกะ เนะ คระ เฌือต แตะ. มัฮ ซ ไก ป มัฮ อื ละ อื, อาึ ปอ เอิน ปุน ปัว ติ แตะ ลอก ป โอยจ นึง โซะ แตะ เน่อึม นึง พะจาว, ไม่ เกือฮ ติ แตะ รกัฮ ฮา พะคริต ละ ซ เรอึม แตะ โม เอียกปุ แตะ ป มัฮ โม ยิว เซ.

ฟีลิปปี 2:27

โซะ ระ ลัมเลือ เนอึม ชวง เฮี. ซเปี เอิน ยุม. พะจาว ปังเมอ เลียก พาวม นึง อื. เลียก พาวม โรฮ นึง อาึ ติ โรฮ, นึง โอ อื ซ เกือฮ อาึ ตุก รพาวม โฮฮ ฮา เซ แม.

1 ซามูเอน 18:29

ซาอุน เซ โฮว ละ ฮลัต แตะ นึง ด่าวิต เซ ฆาื อื. มัฮ เซ ป เกละ ลอป อื ยุ ด่าวิต เซ ฆาื อื ฮอยจ ละ ซเงะ ยุม แตะ เอิน.

1 ซามูเอน 24:19

ปุย, ดัฮ รโตฮ ยุ ป ตอซู ไม่ แตะ, อัม ซ พลวย อื โฮว ไอฮ พาวม แตะ? แจง โอ อื ซ พลวย เยอ. ปัว พะจาว ปิฮ มุ่น ละ ปะ นึง ยุฮ เปอะ ป ไมจ ละ อาึ ซเงะ เนาะ เฮี.