ซตอกรเง่อึม 8:1 - ้พระคัมภีร์ละว้า

¹ ป มัฮ กัมกึต วิไซ ไมจ เซ, เอีจ ตอก โรฮ ป รโอง ละ ปุย โฮ. ซติ พันญา เซ เอีจ ตอก โรฮ ป อัฮ โอเอีฮ นึง ลเลาะ รโปยญ แตะ โฮ.

ซตอกรเง่อึม 8:1 ပူးပေါင်းရင်းမြစ်များ

ซตอกรเง่อึม 2:1

กวน, ดัฮ เปอะ ง่อต ลปุง ซตอก รเง่อึม อาึ ไม่ ไตม เปอะ ลปุง เซ ฮอยจ โตะ รพาวม เปอะ โฮ, ซ ไมจ เนอึม ละ เปอะ.

ซตอกรเง่อึม 3:1

กวน, ปุ เบีย ลปุง เพอึก ตอม อาึ ละ เปอะ. ไมจ เปอะ ไตม ลปุง ซตอก อาึ เปอะ เฮี โตะ รพาวม รโม่ยฮ เปอะ.

มัตไท 3:3

เอีจ มัฮ โยฮัน เซ ป อัฮ อิซยา ป ซึป ลปุง พะจาว อาึง ไลลวง อื โฆะ โอ. มัฮ อัฮ อื เฮี, “ไก ป ครอฮ เน่อึม นึง ลาึน เวือฮ ติ ปุย, อัฮ อื ตอก เฮี, เพรียง อาึง คระ ยุฮ พะจาว เมิฮ. เกือฮ ซื คระ ยุฮ อื เซ,” อัฮ เซ.

มัตไท 4:17

เคียง เซ เยอ พะเยซู โฮว ครอฮ อื ละ ปุย ตอก เฮี, “ไมจ เปอะ โปวฮ รพาวม ไพรม ไอฮ รพาวม โคระ แตะ. พะจาว เอีจ ซดิ ซ ฮอยจ ตัตเตียง อื ปุย ปลัฮเตะ เอ,” อัฮ เซ ละ อื.

มาระโก 13:10

กา เกิต โอเอีฮ ตอก เซ ไมจ อื ไก ป โฮว ครอฮ ไลลวง กัน ระ ไล ยุฮ พะจาว ละ ปุย โครยญ เจือ ปุย.

ลูกา 24:47

ไลลวง เฌาะ ปุย รพาวม ไพรม แตะ, ไม่ ไลลวง ยวก พะจาว มั่ป ยุฮ ปุย, ไมจ ปุย ครอฮ ละ ปุย โครยญ เมือง ปุย เบือ อัมนัต พะคริต เซ. ไมจ อื ครอฮ นึง เวียง เยรูซาเลม รกา.

โยฮัน 7:37

ซเงะ ลอยจ กัน เลียง ปุย ปุ แตะ เซ มัฮ ซเงะ ระ ไล นึง อื. ซเงะ เซ พะเยซู โกฮ ชุง. อัฮ เฮี เรียง, “ดัฮ ไก ป ฆวต ญุ รอาวม เมอ เกือฮ ฮอยจ เคะ อาึ เดอึม ซ โฮลฮ ญุ อื. ป อาึง รพาวม แตะ นึง อาึ อื โกลง รอาวม จีวิต ซ ปัต โอก เน่อึม นึง ปุย เซ, ตอก อัฮ พะทัม อื โฮ.”

กันไกญกอ 1:8

ปัง มัฮ ตอก เซ, โม เปะ ซ โฮลฮ เปอะ อัมนัต แตะ เญือม เอีจ ฮอยจ อาวต ลปุ พะจาว นึง เปอะ. ซ โฮลฮ เปอะ แปน ซกิ พีญัน ละ อาึ นึง เวียง เยรูซาเลม, นึง จังวัต ยูเดี่ย, ไม่ จังวัต ซามาเรีย เตือง โอยจ อื, ฮอยจ ลอยจ เตะ เตือ มะลอง โครยญ โดฮ,” อัฮ เซ.

กันไกญกอ 22:21

“พะโองจาว อัฮ แม เฮี เนิ, ‘โฮว เมิฮ, อาึ ซ เกือฮ ปะ โฮว เคะ ปุย ตังเมือง ก ซไง อื,’ อัฮ เซ.”

1 โคริน 1:24

ละ โม ป กอก พะจาว เอีญ เคะ แตะ, เตือง โม ยิว เตือง ปุย ตัง เมือง, ไลลวง พะคริต เซ ปังเมอ มัฮ เนอึม อัมนัต ไม่ พันญา ไมจ ยุฮ พะจาว ละ อื.