ซตอกรเง่อึม 25:6 - ้พระคัมภีร์ละว้า

⁶ ปุ อวต ลื ติ เปอะ ซองนา กซัต, ปุ โรฮ เลียก อาวต นา ก อาวต โม ป ระ ป คาว เยอ.

ซตอกรเง่อึม 25:6 ပူးပေါင်းရင်းမြစ်များ

ลืลาว 131:1

โอ พะจาว, รพาวม อาึ อื โพรยฮ โตว ติ แตะ. ไง่ เยอะ ปุ โรฮ เกียฮ ฮุน โรฮ. อาึ เกือฮ โตว ติ แตะ ซาวป ง่อต โอเอีฮ ป ระ ป ฮลาวง, ไม่ โฮฮ เกิน อื ฮา โกะ แตะ.

2 โมเซ 3:11

ไอ โมเซ โลยฮ อื ละ พะจาว ตอก เฮี, “อาึ โรวต โตว โฮว เคะ ฟาโร เซ. โปง โตว อาึ. อาึ อัม ซ เกียฮ ตาว โม อิซราเอน โอก ฮา เมือง อียิป?” อัฮ เซ.

ซตอกรเง่อึม 16:19

ปุย ปุน เกือฮ ติ แตะ ตุเตียม, ไม่ โฮมว ดิ อื ไม่ โม ป ตุก ป ญัก เกอ, ไมจ ฮา เลียก ดิ อื นึง คาวคอง บระ โม ป เกียฮ ฮุน.

ซตอกรเง่อึม 25:27

ปุย ดัฮ โซม ลอน โกะ แฮ โฮ, มัฮ โตว โรฮ ป ไมจ. ป ซาวป ลอน ตอก ซ เกือฮ แตะ ปุย ลื แตะ, ปุ โรฮ มัฮ ป ไมจ ตอก เซ โรฮ.

ซตอกรเง่อึม 25:5

ตอก โรฮ เซ, ดัฮ ปุย ปุน รกัฮ ปุ ซิงซา ฆอก ไล ยุฮ กซัต เกือฮ โอก ฮา อื โฮ, บั่นเมือง ยุฮ อื ซ ตอน ฮมัน ไม่ ไก กัน ซื กัน ไซ นึง ฆาื อื.

ซตอกรเง่อึม 25:7

ดัฮ ปุย ดวน เปอะ ฮาวก งาวม ก ล่าวง อื โฮ, ซ ไมจ ละ เปอะ ฮา ดวน ปุย เปอะ เลีฮ งาวม ก เตียม อื ซองนา โม ป ระ ป คาว เซ. เญือม โอ ปุย่วง เปอะ ยุฮ ป ปุก ไง่ ซลอง เปอะ,

ซตอกรเง่อึม 27:2

ทัน โตว อวต ลื ไอฮ ติ เปอะ. ฮา เซ เกือฮ ปุย ไฮญ อวต เปอะ. เกือฮ ปุย ซไง ลื เปอะ, โกะ ฮา ซ ลื เปอะ โกะ แตะ ไอฮ.

ลูกา 14:10

ฮา เซ เญือม กอก ปุย เปอะ โฮว โซม, ไมจ เปอะ เลียก งาวม ก เตียม อื ฮา ปุย, เดอึม ป กอก เปอะ โซม เซ ซ โฮลฮ ฮอยจ อัฮ เฮี ละ เปอะ, ‘เอียก, เอีญ งาวม ก ล่าวง เฮี,’ ซ อัฮ เซ ละ เปอะ. เญือม เซ โม ป ฮอยจ โซม ไม่ เปอะ เซ ซ ยุ เมาะ นัปทื ปุย ปะ.

ลูกา 14:8

“เญือม กอก ปุย เปอะ โฮว โซมญุ นึง เญือะ ป เญือะ, ปุ ซาวป งาวม ก ฮลาวง อื. เมือ เตือง อื ไก แม ป ระ ไล ฮา โกะ เปอะ ยุ่ง ป กอก อื โซมญุ เซ.

1 ซามูเอน 15:17

ซามูเอน อัฮ เฮี, “ไพรม อื ปะ อาวม เปอะ มัฮ แตะ ปุย ตุ เตียม. พะจาว ปังเมอ เกือฮ ปะ แปน ไกญ โม อิซราเอน โครยญ เจอ อื, โม่ เกือฮ อื? พะจาว เอีจ ดุฮ ปะ แปน กซัต เมือง อิซราเอน.