ซตอกรเง่อึม 21:27 - ้พระคัมภีร์ละว้า

²⁷ โอเอีฮ ป ตอง ปุย ฆอก ปุย เบร ทไว เยอ, มัฮ เนอึม ป ฆอก ละ แลน พะจาว อื. เญือม เคียต อื ยุฮ ตอก เซ ไม่ รพาวม บ่วก โจวง แตะ, โฮว ละ มัฮ แตะ ป รแอม ละ อื.

ซตอกรเง่อึม 21:27 ပူးပေါင်းရင်းမြစ်များ

ซตอกรเง่อึม 15:8

โอเอีฮ ป ทไว ปุย ฆอก ปุย เบร เยอ มัฮ ป เกละ พะจาว ยุ. รซอม ไววอน ปุย ซื ปุย ไซ ปังเมอ มัฮ ป ไมจ ป มวน ละ พะจาว.

ซตอกรเง่อึม 28:9

ปุย ดัฮ โอ เนอึง ป อัฮ โกตไม โฮ, ปัง มัฮ รซอม ไววอน อื รแอม ตื ละ พะจาว.

ซตอกรเง่อึม 7:14

“อาึ เอีจ ฟวยจ ทไว เยอะ โอเอีฮ ป ลัง เกือฮ แตะ เนาะ เฮี. โตะ ป ทไว เยอะ เซ อาวต ลั่ง นึง เญือะ อะ ง่อน.

คูไมจพันญา 5:1

เญือม ฮาวก เปอะ นึง วิฮัน ยุฮ พะจาว, ไมจ เปอะ แฮน เนอึม ติ แตะ. กัน เลียก ปุย ซดิ ไม่ พะจาว ละ ซ ง่อต แตะ ป อัฮ อื, ไมจ ฮา กัน เคียต ปุย ทไว โอเอีฮ ละ อื ตอก ปุย งาว โฮ. ปุย ตอก เซ ยุง โตว มัฮ อื กัน พิต ป ยุฮ แตะ เซ.

อิซยา 66:3

“ปุย โม เฮี ปังเมอ ยุฮ แนฮ โอเอีฮ ตอก ปุก อื รพาวม โกะ แตะ ไอฮ. เคียง มัฮ อื ตอก เซ ปัง มอก โมวก โปก ละ ทไว อื ละ อาึ เญาะ ตัง โตว เนิ ฮา มอก อื ปุย. ปัง มอก กวน แกะ เนิ, ตัง โตว โรฮ เนิ ฮา ปุฮ อื เซาะ ไม่ โปวก อื โงก อื ละ ซ โนก แตะ. ปัง ทไว เฮงาะ เนิ ตัง โตว ฮา ทไว อื ฮนัม เลีจ เนิ. ปัง ตอง ป ซออย ฮงาื เนิ ตัง โตว โรฮ เนิ ฮา ไว อื ฮุป. ปุย โม เฮี มัฮ ป เกือฮ แนฮ ติ แตะ มวน รพาวม นึง ยุฮ แตะ ป พังไฮะ ลัมเลือ เนิ.

เยเรมี 6:20

ลออยฮ ซออย ฮงาื ป โรวก อื ละ อาึ เน่อึม นึง เมือง เชบ่า เซ อัม ไก ป มัฮ อื ละ อาึ อื? ป ซออย ฮงาื โพง ป โรวก อื เน่อึม นึง ปะเทต ซไง เซ อัม แปน อื กุน ละ อาึ อื? อาึ ญอม โตว รัป ป ทไว อื เนิ เซ. ซัตซิง ตอง อื ทไว เซ ปุก โตว รพาวม เมอะ.

4 โมเซ 16:15

เญือม เซ ไอ โมเซ รอก ลัมเลือ พาวม ฆาื อื. อัฮ เฮี ละ พะจาว, “ปุ รัป ป ทไว อื ละ เปอะ. อาึ ยุฮ โตว ป พิต ละ โม เซ. บรัง ติ ตัว บ่ได่ะ, อาึ ปุ ตุย ฮา อื,” อัฮ เซ.

มัตไท 23:13

โม เปะ ป มัฮ คู เพอึก พะทัม ไม่ โม ฟาริซี ป มัฮ ปุย ไล โกะ ไล เอียง เงอ, ซ เม่ะมั่ก เนอึม เปอะ นึง ซอง เปอะ รเวือะ บั่นเมือง ยุฮ พะจาว ฮา ปุย. โม โกะ เปอะ ไอฮ ปุ เปอะ เลียก นึง. ปุย ไฮญ ป ฆวต เลียก นึง อื คัต เวียน แม เปอะ.