ซตอกรเง่อึม 20:10 - ้พระคัมภีร์ละว้า

¹⁰ ควน แฆ โอเอีฮ โอ ซื, ไม่ ควน ซมอย โอเอีฮ โอ แปน มอก แตะ มัฮ ป เกละ ลัมเลือ พะจาว ยุ.

ซตอกรเง่อึม 20:10 ပူးပေါင်းရင်းမြစ်များ

ซตอกรเง่อึม 11:1

พะจาว เกละยุ ลุ่น โอ ซเมอ. ป แฆ ซืไซ โอเอีฮ มัฮ ป เกือฮ พะจาว มวน รพาวม.

ซตอกรเง่อึม 16:11

พะจาว ฆวต เกือฮ ควน แฆ ปุย โอเอีฮ แปน ป ซืไซ. ฆวต เกือฮ ควน ซมอย ปุย โอเอีฮ แปน ป ปุก ป ลอก.

ซตอกรเง่อึม 20:23

เมาะ ป โกว ควน แฆ ควน ซมอย โอ ซื โอ ไซ เยอ, พะจาว เกละ ลัมเลือ เอิน ยุ อื.

3 โมเซ 19:35

“เญือม เตะ เญือม แนต เปอะ โอเอีฮ ญุ่ก, เญือม แฆ เปอะ ป ชาวง ป เชียน ญุ่ก, เญือม ซมอย เปอะ โอเอีฮ ญุ่ก, ปุ บ่วก ปุ โจวง นึง ติ เจือ เนอึม.

3 โมเซ 19:36

โอเอีฮ โกว เปอะ โครยญ เจือ เยอ, ลุ่น ญุ่ก, ลุก ตุม ญุ่ก, ทัง ญุ่ก, ลิต ญุ่ก, ไมจ อื ซเมอ โครยญ เจือ. อาึ มัฮ เยโฮวา พะจาว ยุฮ เปอะ. เอีจ มัฮ อาึ ป นัม โม เปะ โอก ฮา เมือง อียิป เปอ.

รโฮงะ 21:8

โม ป ฮลัต นึง ปุย ไม่ โม ป โอ เจือ, โม ป โอ เนอึม รพาวม ละ พะจาว, โม ป ยุฮ ยุม ไม่ ปุย, โม ป เลนจุ, โม ป โกว อัมนัต พี, โม ป ไว ฮุป, ไม่ โม ป อัฮ ป โอ เนอึม เตือง โอยจ อื, รโตง อื เอีจ มัฮ ตุง งอ รเออึป ไม่ มัต. เอีจ มัฮ เซ ป มัฮ ยุม โฮน ลอา เยอ,” อัฮ เซ.