ซตอกรเง่อึม 2:22 - ้พระคัมภีร์ละว้า

²² พะจาว ปังเมอ ซ ตุย โปวฮ ปุย ฆอก ปุย เบร ฮา บั่นเมือง ยุฮ อื. ซ ตอยจ โปวฮ ปุย โอ เนอึม รพาวม ตอก ตอยจ ปุย ไรป โฮ.

ซตอกรเง่อึม 2:22 ပူးပေါင်းရင်းမြစ်များ

1 กซัต 14:14

โฮฮ ฮา เซ แม, พะจาว เอีจ เลือก แม โรฮ ปุย ติ ละ ซ เกือฮ อื แปน กซัต ละ โม อิซราเอน แม. ซ เกือฮ โรฮ อื ยุฮ ไลจ ไม่ จัตเจือ เยโรโบ่อัม เซ เน่อึม ซเงะ เนาะ เฮี.

3 กซัต 10:13

ซาอุน เซ มัฮ ยุม อื ฆาื โอ แตะ เนอึม รพาวม ละ พะจาว. ยุฮ โตว โอเอีฮ ตัม ลปุง ซตอก พะจาว อาึง ละ แตะ. ฮา ซ ไฮมญ แตะ โอเอีฮ เน่อึม นึง พะจาว เยอ, โฮว ซาวป ไฮมญ อื นึง โฮม พี ตีนัง ฮา อื. เกือฮ โตว พะจาว แปน ป นัม แตะ. มัฮ เซ ป ยุฮ พะจาว ยุม ไม่ อื ฆาื อื. ฟวยจ เซ พะจาว เกือฮ ด่าวิต กวน เจซี แปน กซัต รโตง อื.

โยป 21:30

ตอก เญือม เกิต ป โตะ ป ตอง ละ ปุย โฮ, ปุย ฆอก ปุย เบร กอ โปน เดียก อื, เญือม ฮอยจ รพาวม ฮาวก ยุฮ พะจาว ละ ปุย กอ โอ เดียก โรฮ ยุ อื.

ลืลาว 104:35

ปัว เปอะ ยุฮ ไลจ ไม่ โม ปุย มั่ป ปอ ไฆร เอิน อื ฮา ปลัฮเตะ. โม ปุย ฆอก ปุย เบร ปัว โรฮ เปอะ โอ เญือะ เกือฮ ไก. โอ รพาวม รโม่ยฮ อาึ, ไมจ เนอึม เปอะ ลืลาว พะจาว. ไมจ เนอึม เปอะ ทไว รซอม ลืลาว ละ พะจาว.

ลืลาว 145:20

พะจาว โซะโกะ ฮรักซา นึง โม ป ฮรัก แตะ โครยญ โฆะ อื. ปุย ฆอก ปุย เบร ปังเมอ ซ ยุฮ ไลจ ไม่ อื เตือง โอยจ อื.

ลืลาว 37:20

ปุย ฆอก ปุย เบร เยอ ซ ฮอยจ เนอึม ละ คระ ไลจ คระ โลม แตะ. ป เกละยุ พะจาว เยอ เอีจ ตอก เตีย ไรป นึง กัง เด่น โฮ. ซ ไฆร พราวป เอิน ตอก ม่าึต งอ โฮ.

ลืลาว 37:22

โม ป ปิฮ พะจาว มุ่น ละ อื, ซ โฮลฮ อาวต ไมจ อาวต มวน นึง บั่นเมือง ยุฮ แตะ. โม ป โปง พะจาว ป โซะ ละ อื, ซ ไลจ โลม เนอึม ฆาื อื.

ลืลาว 37:28

พะจาว ฮรัก กัน ซื กัน ไซ. ละ โปวฮ โตว ปุย ไน แตะ ติ ชวง. เฆีญ ลอป อื ฮา ป โอ ไมจ. จัตเจือ ปุย ฆอก ปุย เบร พะจาว ปังเมอ ซ ตุย แปฮ โปวฮ อื.

ลืลาว 52:5

พะจาว ปังเมอ ซ เมือะ ปะ โอก ฮา พากัง ยุฮ เปอะ, ไม่ ซ ตอยจ อื ปะ ตอก ตอยจ ปุย ไรป โฮ, เกือฮ ปะ ไลจโลม ปอ ไฆร ลอป เอิน เปอะ ฮา เมือง ป ไอม.

ลืลาว 52:7

“แก แลน เมอะ ปุย โอ ญอม เกือฮ พะจาว แปน ตัว เปิง แตะ เซ. เอีจ มัฮ อาึง อื รพาวม แตะ นึง คาวคอง โฮวน ยุฮ แตะ, ซาวป ยุฮ กัน ฆอก กัน เบร นึง แกต อื ติ แตะ ซ โฮลฮ เปิง คาวคอง ยุฮ แตะ เซ.”

ซตอกรเง่อึม 10:30

ปุย ซื ปุย ไซ เยอ, ซ โฮลฮ อาวต ตอน ฮมัน ลอป. ปุย ฆอก ปุย เบร เยอ ปังเมอ โอ ซ โฮลฮ อาวต นึง บั่นเมือง.

ซตอกรเง่อึม 11:3

กัน ซื กัน ไซ นัม คระ ละ ปุย เนอึม รพาวม. ปุย โอ เนอึม รพาวม ปังเมอ ซ ไลจ ซ โลม โกวต กัน บ่วก ยุฮ โกะ แตะ ไอฮ.

5 โมเซ 29:20

พะจาว ซ เกียฮ ยวก โตว มั่ป ยุฮ ปุย ตอก เซ เฟือฮ เอิน. พะจาว ซ ฮาวก รพาวม ละ อื ตอก ฮาวก งอ ฮะ ยุฮ โอเอีฮ โฮ. รซอม ซะ ซม่อต ยุฮ พะจาว, เมาะ ป ไซฮ ปุย นึง นังซื ติ ปัป เฮี, ซ ฮอยจ ละ ปุย เซ. พะจาว ซ ยุฮ ไลจ ไม่ อื ฮอยจ ละ ชิป ไฆร อื.

5 โมเซ 29:28

พะจาว ฮาวก รพาวม เนอึม ฮาวก รพาวม แนม ละ อื, ปอ เอิน ตอยจ อื เกือฮ โอก ฮา เมือง อาวต อื ตอก ตอยจ ปุย โคะ โฮ. พะจาว เอีจ น่าึก อื ฮอยจ นึง เมือง ไฮญ, ตอก ยุ เปอะ ปเลี่ย เฮี,” อัฮ เซ.

5 โมเซ 7:22

พะจาว ยุฮ เปอะ ซ โครฮ ปุย เมือง โม เซ โอก ละ เปอะ ติ โฮน เญี่ยะ, ติ โฮน เญี่ยะ. ซ เกือฮ โตว โม เปะ ยุฮ เอิน ไลจ ไม่ อื เตือง โอยจ อื ไน ติ โฮน โน่ง. ฮอ นึง ซ พรุฮ ลอน โกะพริ ซวก ละ เปอะ.