ซตอกรเง่อึม 17:19 - ้พระคัมภีร์ละว้า

¹⁹ ปุย ดัฮ ฮรัก กัน พิต กัน มั่ป โฮ, ซ เกิต กัน รเจ รไซญ ละ ฆาื อื. ปุย ฮลาวง ลปุง เงอ, ซ ฮอยจ เม่ะมั่ก ละ ฆาื อื.

ซตอกรเง่อึม 17:19 ပူးပေါင်းရင်းမြစ်များ

2 ซามูเอน 15:1

กัง เคะ เอ อัปซาโลม เพรียง อาึง เลาะ รุป เซิก ไม่ บรอง ละ โกะ แตะ. เกือฮ แม โรฮ โม ตฮัน โฮว ลั่กกา แตะ รฮอน ปุย.

1 กซัต 1:5

ป มัฮ อาโด่นียา เยอ, มัฮ โรฮ กวน รเมะ กซัต ด่าวิต, ไม่ มัฮ แตะ ปุย ไมจ ฮุนฮัง. มอยฮ มะ อื มัฮ ฮักกิต. อาโด่นียา เซ เมีญ ติ แตะ มัฮ ป ระ ป คาว. อัฮ เฮี, “มัฮ อาึ ป ซ แปน กซัต เตอ,” อัฮ เซ. อาโด่นียา เซ มัฮ ปุทัต อัปซาโลม. เคียง เอีจ ยุม อัปซาโลม เมอ, มัฮ อาโด่นียา เซ ป กวต นึง อื ฮา ปุย ไฮญ ไน โม ป มัฮ กวน ด่าวิต เซ เตือง โอยจ อื. ปุย เซ เพรียง โรฮ เลาะ รุป เซิก, ไม่ โม ตฮัน บุก บรอง, ไม่ ตฮัน โฮว รกา แตะ รฮอน ปุย เอิน. กซัต ด่าวิต ไฮมญ โตว โรฮ ป ยุฮ ป อัฮ อื เซ ไม่ โอ โรฮ อื คัต เวียน ติ ชวง เนอึม.

ซตอกรเง่อึม 16:18

ไลลวง เกียฮ ฮุน ปุย มัฮ ป นัม ปุย ฮอยจ ละ ไลจ โลม อื. ป อวต ติ แตะ ซดิ ไม่ ซ ฆลาื แตะ.

ซตอกรเง่อึม 17:14

เญือม ซ รเจ รไซญ โรง ปุย ไม่ ปุ แตะ, มัฮ โรฮ ตอก รอาวม ป ดอฮ โอก เน่อึม โตะ ตุง โฮ. มัฮ ตอก เซ ป ไมจ ปุย ลโล่ะ เอิน เก แตะ ปุ แตะ ฆาื อื, กา เฆียง แปน อื รเจ รไซญ ระ อา.

ซตอกรเง่อึม 18:12

รพาวม ฆวต เกียฮ ฮุน ปุย เยอ, ซ แปน ป นัม โกะ อื ฮอยจ ละ คระ ไลจ คระ โลม อื. รพาวม ญอม ตุเตียม เมอ, ปังเมอ นัม ปุย ฮอยจ ละ โฮลฮ อื โญตซัก แตะ.

ซตอกรเง่อึม 24:27

ไมจ เปอะ เพรียง ชิจ ม่า ยุฮ แตะ ละ ฮัม. ฟวยจ เซ เดอึม เปอะ ไมจ ยุฮ เญือะ อาวต คราว โซม แตะ.

ซตอกรเง่อึม 29:9

ปุย เฮียง ปุย ยุง, ดัฮ ฟู มวยญ เดือ โครวน ไม่ ปุย งาว โฮ, ปุย งาว เซ ตึน ซ ฮาวก รพาวม ซาวม ไง่ ไม่ โล่ อื ญวยฮ ปุย เซ. แจง โอ อื ซ เกียฮ อาวต เฮน ฮลอง ไม่ ปุ แตะ.

2 โคริน 12:20

เญือม ฮอยจ เจอะ เคะ โม เปะ อาึ ฮอ นึง ซ ตัง ไล ยุฮ โม เปะ ฮา ป ฆวต เกือฮ เอะ เปอะ ยุฮ. ฮอ โรฮ นึง ซ ตัง ไล ยุฮ เอะ ฮา ป ฆวต เกือฮ เปอะ เอะ ยุฮ ละ แตะ โรฮ. อาึ ฮลัต ติ แตะ ซ ยุ รเจ รไซญ โม เปะ ไม่ ปุ แตะ, ไม่ วัว เปอะ ละ ปุ แตะ, ไม่ ฮาวก รพาวม ซาวม ไง่ เปอะ ละ ปุ แตะ. ฮลัต โม เปะ ตัง โคน ตัง ง่อต ไลลวง โกะ แตะ โน่ง, ไม่ เพียก แฮม เปอะ ปุ แตะ ไม่ โฮว เปอะ โบ ปุ แตะ. ฮลัต โม เปะ อวต ติ แตะ ระ ไม่ อาวต เปอะ ไม่ ซุกซัก แตะ โครยญ เจือ.

ยาโคโบ่ 1:20

รพาวม ฮาวก ยุฮ ปุย ปลัฮเตะ แจง โอ อื ซ ปุน เกือฮ ปุย ยุฮ ตัม กัน ซืไซ ยุฮ พะจาว เยอ.