ซตอกรเง่อึม 15:25 - ้พระคัมภีร์ละว้า

²⁵ พะจาว ซ ยุฮ ไลจ ไม่ เญือะ อาวต โม ป อวต ติ แตะ. เญือะ ม่า ยุฮ แมฮัง เงอ, ปังเมอ ซ เฆีญ ฆรัง รัง ดู อื.

ซตอกรเง่อึม 15:25 ပူးပေါင်းရင်းမြစ်များ

โยป 24:21

ปุย โม เซ ซาวป แนฮ คัม ตุง โม ปรโปวน โอ เกียฮ ไก กวน เฌือต ไม่ โอ อื เลียก พาวม นึง โม แมฮัง แมไม เซ เฟือฮ เอิน.

ลืลาว 10:14

โอ พะจาว, ปะ ปังเมอ เอีจ ยุ เอีจ ฮมอง เปอะ ป โซะ ป ไซญ ป ยุฮ ปุย ละ ป ตุก ป ญัก เกอ, เอีจ แลน ที เปอะ ละ ซ โรก เปอะ เวน ละ ปุย. ปะ เอีจ มัฮ เปอะ ตัว เปิง ละ โม ป โอ ไก ตัว เปิง. เอีจ มัฮ โรฮ เปอะ เปือะ ละ โม กวน ดอย ม่อย เบีย.

ลืลาว 138:6

ปะ อา, ปัง มัฮ โกะ เปอะ ป ตึก นึง ระ นัน นึง ฮลาวง แตะ, โตก แนฮ ลั่ง เปอะ ละ โม ปุย ตุ ปุย เตียม ลั่ง. โม ปุย เกียฮ ฮุน ไม่ อวต อื ติ แตะ เซ, ปะ ปังเมอ โอ เปอะ ซ เกือฮ โปน ฮา เตะ แตะ.

ลืลาว 146:9

พะจาว แลน แก โรฮ โม ป มัฮ ปุย ตังเมือง ตังด่าว โรฮ. เรอึม โรฮ โม กวน ดอย ม่อย เบีย, ไม่ โม แมฮัง แมไม โรฮ. พะจาว ปังเมอ ซ ยุฮ ไลจ ไม่ แพนกัน ยุฮ ปุย ฆอก ปุย เบร.

ลืลาว 52:1

ปะ ป มัฮ ปุย ระ ไกญ ติญ มอยฮ แฮ, เมอยุ อวต เปอะ ติ แตะ นึง กัน ฆอก กัน เบร เยอ? อัม มัฮ โอ เปอะ ยุง, รพาวม ฮรัก ยุฮ พะจาว เยอ มัฮ ป ไก ลอป โอ เญาะ ไก ลอยจ.

ลืลาว 52:5

พะจาว ปังเมอ ซ เมือะ ปะ โอก ฮา พากัง ยุฮ เปอะ, ไม่ ซ ตอยจ อื ปะ ตอก ตอยจ ปุย ไรป โฮ, เกือฮ ปะ ไลจโลม ปอ ไฆร ลอป เอิน เปอะ ฮา เมือง ป ไอม.

ซตอกรเง่อึม 12:7

ปุย ฆอก ปุย เบร ซ ไลจ ซ โลม ฮอยจ ละ ลอยจ จัต ดุต เจือ แตะ. จัตเจือ ปุย ซืไซ ปังเมอ ไก แนฮ ลั่ง. ไฆร โตว ติ ชวง.

ซตอกรเง่อึม 14:11

เญือะ คึ อาวต ปุย ฆอก ปุย เบร เยอ, ซ ไลจ ซ โลม. เตอึป อาวต ปุย ซื ปุย ไซ เยอ, ปังเมอ ซ จเลิน.

ซตอกรเง่อึม 15:26

ป คิต ป ง่อต ปุย ฆอก ปุย เบร เยอ, มัฮ เนอึม ป เกละ พะจาว ยุ. ลปุง ไมจ มวน เนอ ปังเมอ มัฮ ป ปุก เนอึม รพาวม อื.

ซตอกรเง่อึม 23:10

ปุ เฌาะ ม่าื พริ โตฮ โกลง ไพรม เมอ. ปุ ลู พริ เตะ เบระ เบรอึม ยุฮ กวน ดอย เยอ.

อิซยา 1:17

ไมจ เปอะ เพอึก ติ แตะ ยุฮ ป ไมจ. ซาวป ยุฮ กัน ปุก กัน ลอก เกอ. เรอึม โม ป ตุก ป โฮลฮ ปุย โคมเฮง เซ. เฆีญ โม กวนดอย ฮา ป คัม ตุง อื. โฮว ฆรอ ลปุง ตัง โม แมฮัง แมไม เยอ. มัฮ เซ ป ปุก รพาวม เมอะ,” อัฮ เซ พะจาว.

อิซยา 2:12

ไน ซเงะ เซ พะจาว กุม ตฮัน มะลอง ซ เกือฮ โม ป ระ ป คาว ไม่ โม ป อวต ติ แตะ, ไม่ โม ป ระ ไกญ ติญ มอยฮ โฮลฮ ตื แปน ปุย ตุ ปุย เตียม.

เยเรมี 5:28

แปน ปุย โกลยญ โม่ว, ยุฮ ลอป กันไฮะ กันฮอน. ยุง โตว เคราะ ปอ อื ติ ชวง. รเตีฮ โตว โอเอีฮ ตัม ซื อื ละ กวน ดอย. ยุฮ โตว โรฮ ป ปุก ป ลอก ละ ป อาวต ไม่ เม่ะมั่ก รพาวม ตุก แตะ.

ด่านีเอน 5:20

กัง เคะ เอ รพาวม เตะ เปอะ เซ ปังเมอ โพรยฮ ติ แตะ ฆาื อื. เกือฮ รพาวม แตะ กอ บุ่ง. ยุฮ โอเอีฮ ไม่ รพาวม อวต อื ติ แตะ. เคียง เมอ ตอก อื เซ พะจาว ทอต อื โอก ฮา แปน อื กซัต ฆาื อื. ตุย โรฮ อัมนัต ไม่ โญตซัก ยุฮ อื ฮา อื.

5 โมเซ 19:14

ปุ เฌาะ ลัก ป มัฮ ม่าื เตะ ยุฮ ปุ ย่วง เปอะ, ป มัฮ ลัก โบลวง ปุย เน่อึม เจน โฆะ ลั่ง, นึง มัฮ อื บั่นเมือง ป เกือฮ พะจาว ยุฮ เปอะ ละ เปอะ ละ ซ เกือฮ อื แปน คอง เปอะ เซ.

ยาโคโบ่ 1:27

ละ ง่อต พะจาว ป มัฮ เปือะ เอะ อื เซ, ไล ทื เนอึม ปุย พะจาว ไม่ รพาวม ซง่ะ ซงอม แตะ มัฮ ตอก เฮี. มัฮ กัน โฮว แลน แก โม กวน ดอย ไม่ แมฮัง แมไม เญือม อาวต อื ไม่ เม่ะมั่ก แตะ, ไม่ ปุน แฮน อื ติ แตะ ฮา ป ฆอก ป เบร นึง ปลัฮเตะ เฮี โครยญ เจือ.

1 เปโตร 5:5

ตอก โรฮ เซ, โม เปะ ป โอ มัฮ ป กวต เตอ, ไมจ โรฮ เปอะ เนอึง ป อัฮ โม ป กวต ยุฮ แตะ. โม เปะ เตือง โอยจ เปอะ ไมจ เปอะ ญิงญอม ละ ปุ แตะ ไม่ เรอึมชวย ตูเตอึม เปอะ ปุ แตะ. พะทัม อัฮ เฮี, “พะจาว ซ ตอซู ไม่ โม ป อวต ติ แตะ. ซ เกือฮ กุนมุ่น ละ โม ป ญอม เกือฮ ติ แตะ ตุเตียม,” อัฮ เซ.