เนฮะมี 3:25 - ้พระคัมภีร์ละว้า

²⁵ ปาลัน ป มัฮ กวน อุไซ เยอ เพรียง ฆรุง เซ เน่อึม นึง โจง อื ฮอยจ ละ ปอม ตฮัน ป อาวต รเตือป เญือะ กซัต, ซดิ ไม่ ก อาวต โม ป มอง ญัม. ทัต ปุย เซ มัฮ เปด่ายา ป มัฮ กวน ปาโรต ป เพรียง เงอ.

เนฮะมี 3:25 ပူးပေါင်းရင်းမြစ်များ

เอซรา 2:3

ซฆลาวม ปาโรต 2,172 ปุย ซฆลาวม เชฟาทิยา 372 ปุย ซฆลาวม อารา 775 ปุย ซฆลาวม ปาฮัต-โมอัป ป มัฮ จัตเจือ เยชูอา ไม่ โยอัป 2,812 ปุย. ซฆลาวม เอลัม 1,254 ปุย ซฆลาวม ซัตทู 945 ปุย. ซฆลาวม ซักไค 760 ปุย. ซฆลาวม บ่านี 642 ปุย. ซฆลาวม เบ่ไบ่ 623 ปุย. ซฆลาวม อัตกัต 1,222 ปุย. ซฆลาวม อาโด่นิคัม 666 ปุย. ซฆลาวม บิ่กไว 2,056 ปุย. ซฆลาวม อาดิ่น 454 ปุย. ซฆลาวม อาเทอ ป อัฮ ปุย เฮเซคียา ไม่ เซ 98 ปุย. ซฆลาวม เบ่ไซ 323 ปุย. ซฆลาวม โยรา 112 ปุย. ซฆลาวม ฮาชุม 223 ปุย. ซฆลาวม กิปบ่า 95 ปุย.

เนฮะมี 12:39

โอก เน่อึม นา เซ, เอะ โฮว พา แม โตะ รเวือะ เอฟราอิม, โตะ รเวือะ ไพรม, โตะ รเวือะ กะ, ไม่ ปอม ฮลาวง ฮานันเอน, ไม่ ปอม ฮลาวง กองลอยะ, ฮอยจ ละ โตะ รเวือะ แกะ. โฮว ลโล่ะ นึง โตะ รเวือะ มอง ญัม.

เนฮะมี 7:8

โม เฮี มัฮ มอยฮ โม อิซราเอน ป เอีญ เน่อึม แปน แตะ ครา ไม่ เมาะ ไก เซน อื ตัม ซฆลาวม อื เตือง ไพ เตือง มัน. ซฆลาวม ปาโรต นึง อื ไก 2,172 ปุย ซฆลาวม เชฟาทิยา ไก 372 ปุย ซฆลาวม อารา ไก 652 ปุย ซฆลาวม ปาฮัต-โมอัป ป มัฮ จัตเจือ เยชูวา ไม่ โยอัป ไก 2,818 ปุย ซฆลาวม เอลัม ไก 1,254 ปุย ซฆลาวม ซัตทู ไก 845 ปุย ซฆลาวม ซักไค ไก 760 ปุย ซฆลาวม บิ่นนุย ไก 648 ปุย ซฆลาวม เบ่ไบ่ ไก 628 ปุย ซฆลาวม อัตกัต ไก 2,322 ปุย ซฆลาวม อาโด่นีคัม 667 ปุย ซฆลาวม บิ่กไว ไก 2,067 ปุย ซฆลาวม อาดิ่น ไก 655 ปุย ซฆลาวม อาเทอ (มอยฮ อื ติ อื มัฮ เฮเซคียา) ไก 98 ปุย ซฆลาวม ฮาชุม ไก 328 ปุย ซฆลาวม เบ่ไซ ไก 324 ปุย ซฆลาวม ฮาริป ไก 112 ปุย ซฆลาวม กิเบ่โอน ไก 95 ปุย

เนฮะมี 8:4

เอซรา ป มัฮ คู เพอึก พะทัม เซ ชุง นึง เวที ป ยุฮ ปุย นึง โคะ ละ โกว อื นึง กัน เซ. ป มัฮ มัตทีทิยา, เชมา, อานายา, อุรีอา, ฮินคียา, ไม่ มาอาเซอา, ชุง ลวง เฆียง ลั่ก ดอม อื. ป มัฮ เปด่ายา, มิชาเอน, มันคิยา, ฮาชุม, ฮัตบั่ตด่านา, เซคาริยา, ไม่ เมชุนลัม, ชุง ลวง เฆียง ลั่ก วิ อื.

เยเรมี 22:14

ปุย เซ อัฮ เฮี, ‘อาึ ซ ยุฮ เญือะ ระ เญือะ คึ ติ. ซ ยุฮ คัก ฮลาวง อื ไม่ ฮอง ลเบือฮ โฮวน ฮอง,’ อัฮ เซ. ปุย เซ เยอ ยุฮ แม นาตัง นึง อื เลี่ป อื. ยุฮ เดีญ อื นึง โคะ โซน ซีด่า. ตา แม ซี ซครัก นึง อื.

เยเรมี 32:2

เญือม เซ ตฮัน เมือง บ่าบี่โลน กัมลัง แวต เวียง เยรูซาเลม. เยเรมี ป ซึป ลปุง พะจาว เซ เอีจ คัง ปุย อาึง นึง โฮง พัก นา ก อาวต โม ตฮัน มอง กซัต ป ไก นึง ควง เญือะ กซัต เมือง ยูด่า เซ.

เยเรมี 33:1

ลไล คัง ลั่ง ปุย เยเรมี นึง ควง อาวต ตฮัน มอง กซัต เซ, ลปุง พะจาว ฮอยจ แม ละ อื ติ โฮน แม.

เยเรมี 37:21

กซัต เซเด่คียา ดวน ปุย คัง อาึง เยเรมี นึง ควง ตฮัน ป มอง โซะโกะ ฮรักซา นึง กซัต ฆาื อื. ดวน โรฮ ปุย ตาว คโนมปัง ละ อื ติ ซเงะ ติ โม่ว, เน่อึม นึง ก อาวต โม ป ยุฮ คโนมปัง นึง อื, ฮอยจ ละ โอยจ คโนมปัง นึง เวียง เซ. เยเรมี ลอต โฮลฮ อาวต ฆาื อื นึง ควง ตฮัน ป มอง โซะโกะ ฮรักซา นึง กซัต เซ.

เยเรมี 38:13

ฟวยจ เซ โม เซ เมือะ เยเรมี เกือฮ โอก ฮา นัมโม่ นึง โม่ะ เซ. ฟวยจ เซ เยเรมี โฮลฮ ลั่ง อาวต นึง ควง อาวต ตฮัน ป มอง กซัต เซ.

เยเรมี 39:8

โม บ่าบี่โลน โตก เญือะ กซัต นึง เวียง เยรูซาเลม เซ ไม่ เญือะ โม ลัปซด่อน นึง อื. เญื่อฮ โรฮ ฆรุง เวียง เยรูซาเลม เซ เกือฮ ไลจ โอยจ.

มีคา 4:8

เออ, เยรูซาเลม. ปะ ตอก เปอะ เญือะ ฮลาวง มอง ปุย แกะ ยุฮ แตะ โฮ. พะจาว อาวต นึง ปะ ละ แลน แก อื ปุย ไน แตะ. ซ โฮลฮ แม เปอะ แปน เมือง กาวะ ตอก ไพรม แตะ. ซ ไก แม กซัต ยุฮ เปอะ ตอก ไพรม อื.