เนฮะมี 13:15 - ้พระคัมภีร์ละว้า

¹⁵ เญือม เซ อาึ ยุ โม ยูด่า บึน รอาวม อะงุน ยุฮ แตะ ซเงะ ลโล่ะ ง่อน, ตัง เฮงาะ ไม่ เปลิ อะงุน ไม่ รอาวม อะงุน ไม่ เปลิ เม นึง บรัง ยุฮ แตะ, ไม่ โรวก อื รบุยฮ ลกลอม แตะ, โฮว ไม่ อื นึง เยรูซาเลม ง่อน. อาึ เอีจ ซตอก ปุย โม เซ ละ โอ ซ เกือฮ โชะ โอเอีฮ ไน ซเงะ ลโล่ะ เซ.

เนฮะมี 13:15 ပူးပေါင်းရင်းမြစ်များ

4 กซัต 24:19

พะจาว ปังเมอ เกือฮ โรฮ ลั่ง โม ป ซึป ลปุง แตะ ฮอยจ เคะ อื ละ ซตอก รเง่อึม แตะ โม เซ เกือฮ เอีญ แม เคะ พะจาว. ปุย โม เซ ปังเมอ โอ ญอม เนอึง ป อัฮ อื.

เนฮะมี 10:31

“ดัฮ ปุย ตังเมือง เซ ฮอยจ โชะ เฮงาะ รโกะ เนิ ไม่ โอเอีฮ ไฮญ ไน ซเงะ ลโล่ะ ญุ่ก, ซเงะ ซัมคัน ตอก ไฮญ ญุ่ก, เอะ ซ รวี โตว ละ อื เฟือฮ เอิน. ดัฮ เอีจ เติง เนอึม อาแลฮ เซ โครยญ โฮน, เอะ เญาะ ซ ซมา ลโลวง โตว โอเอีฮ, ไม่ ซ เกือฮ รมะ ปุย นึง แตะ ฟวยจ เยือ ละ อื.

เนฮะมี 10:32

“เอะ ซ เกือฮ มาื ยุฮ แตะ โครยญ เนอึม, ลอวย ปุย ตอ ติ เชเคน ละ ซ โกว ปุย อื นึง กัน รซอฮ แตะ นึง วิฮัน ยุฮ พะจาว เซ.

เนฮะมี 13:16

ไก โรฮ ปุย เมือง ไทระ ง่อน ป อาวต นึง เยรูซาเลม เซ. ปุย โม เซ โรวก กะ ไม่ โอเอีฮ ไฮญ โฮวน เจือ ฮอยจ โตะ เวียง เซ, โชะ อื ละ ปุย ไน โม เอะ ไน ซเงะ ลโล่ะ.

เนฮะมี 13:21

อาึ บวยจ ละ โม เซ ตอก เฮี, “โม เปะ เกียฮ ไอจ โน่ง เปอะ ลั่กกา ฆรุง เวียง เฮี เมอ? ดัฮ เปอะ ยุฮ แนฮ ตอก เซ โฮ, อาึ ซ โฮมวต โม เปะ,” อัฮ เซ ละ. เคียง เซ โม เซ เญาะ ฮอยจ โตว เนอึม ฆาื อื ไน ซเงะ ลโล่ะ เซ.

เนฮะมี 9:29

“ปะ เอีจ ซตอก รเง่อึม เปอะ ละ ซ เกือฮ เปอะ แม ยุฮ อื ตัม ลปุง ไก นึง โกตไม ยุฮ เปอะ เซ. โม เซ ปังเมอ เกียฮ ฮุน, ฆวต อวต ลั่ง ติ แตะ, เนอึง โตว ป อัฮ ปะ ละ แตะ, ยุฮ แนฮ ป พิต โกตไม ยุฮ เปอะ. โม เซ เกือฮ แนฮ ติ แตะ ลึง รพาวม. ญอม โตว ง่อต ป อัฮ ปะ ละ แตะ. โกตไม ยุฮ เปอะ เซ มัฮ ลปุง ไมจ ปุย ยุฮ เดอึม ซ เกียฮ โฮลฮ จีวิต แตะ เบือ อื.

โยป 39:12

อัม เกียฮ เกือฮ เปอะ ตัง เฮงาะ ละ แตะ เน่อึม นึง รบุฮ ฮอยจ นึง ย่วง? แจง โอ เปอะ เกียฮ ฮา.

ลืลาว 50:7

พะจาว อัฮ เฮี, “โม เปะ ป มัฮ ปุย ไน อาึ อื, ง่อต เมิฮ. อาึ ซ รโฮงะ ละ เปอะ. โม อิซราเอน, อาึ ซ รโฮงะ พิต โฌวะ ยุฮ เปอะ ละ เปอะ. อาึ มัฮ พะจาว, มัฮ เนอึม พะจาว ยุฮ เปอะ.

2 โมเซ 31:12

เญือม เซ พะจาว ลปุง แม ไม่ ไอ โมเซ.

2 โมเซ 31:16

โม อิซราเอน ไมจ อื ทื ซเงะ ลโล่ะ เซ แปน ควน ไตม อื ลปุง ซันญา อาึ ไม่ แตะ. ไมจ อื ทื ฮอยจ ละ เจน โคระ เฆียง เฮี โอ เญาะ ไก ลอยจ. อาึ ป มัฮ เยโฮวา เอีจ ยุฮ ปลัฮเตะ ไม่ ปลัฮ มะลอง ไน แลฮ ซเงะ. ซเงะ อาแลฮ นึง อื อาึ ลโล่ะ โอะ, เญือะ ยุฮ โตว กัน นึง. เซ ป ไมจ โม เปะ ทื ซเงะ เซ ฆาื อื แปน ป ซัมคัน ซน่ะ อาึ ไม่ โม เปะ ป มัฮ อิซราเอน เนอ,” อัฮ เซ พะจาว.

2 โมเซ 34:21

“ไน แลฮ ซเงะ เอ โม เปะ ไมจ เปอะ ยุฮ กัน แตะ เตือง โอยจ อื. ซเงะ อาแลฮ นึง อื ไมจ เปอะ ลโล่ะ นึง. ปัง มัฮ เญือม ไท เปอะ ชิจ ญุ่ก, ปัง มัฮ เมือ ปุน เฮงาะ ญุ่ก, ไมจ โรฮ เปอะ ลโล่ะ นึง.”

2 โมเซ 35:2

ไมจ เปอะ ยุฮ กัน ยุฮ แตะ ไน แลฮ ซเงะ. ซเงะ อาแลฮ นึง อื มัฮ ซเงะ ซัมคัน. ไมจ เปอะ ลโล่ะ กัน ยุฮ แตะ ละ ซ เปลีฮ เปอะ นัปทื แตะ พะจาว นึง. ดัฮ ไก ป ยุฮ กัน นึง ซเงะ เซ ไมจ ปุย ไฮญ ยุฮ ยุม ไม่ ปุย เซ.

ซตอกรเง่อึม 28:4

โม ป ซลัฮ ซโลง นึง โกตไม เยอ, กอ พาวม ไม่ ปุย ฆอก ปุย เบร. โม ป ยุฮ ตัม โกตไม เยอ, ปังเมอ ตอซู ไม่ ปุย ฆอก ตอก เซ.

อิซยา 58:13

“ดัฮ เปอะ ปุน ทื เนอึม ซเงะ ลโล่ะ แปน ป ซัมคัน ละ แตะ, ดัฮ เปอะ โอ เญาะ ยุฮ โอเอีฮ ตัม รพาวม โกะ แตะ ไน ซเงะ ซัมคัน ยุฮ อาึ เซ, ไม่ เมีญ เปอะ ซเงะ ลโล่ะ เซ มัฮ ซเงะ ไมจ มวน, ไม่ เกือฮ เปอะ ซเงะ ยุฮ พะจาว เซ แปน ซเงะ ระ ไล ละ แตะ, ดัฮ เปอะ นัปทื เนอึม ไม่ โอ เปอะ โฮว นึง คระ ฆวต โฮว โกะ แตะ, ดัฮ เปอะ โอ ยุฮ โอเอีฮ นึง ตัม รพาวม โกะ แตะ ไน ซเงะ เซ, ไม่ โอ เปอะ เญาะ อัฮ ลปุง ไอฮ พาวม แตะ นึง,

เยเรมี 17:24

“อาึ ป มัฮ พะจาว อัฮ เฮี ละ เปอะ, ดัฮ โม เปะ ง่อต ป อัฮ อาึ เฮี, ดัฮ เปอะ โอ เญือะ โรวก รบุยฮ ลกลอม แตะ ไม่ เลียก เปอะ โตะ รเวือะ เวียง เฮี ไน ซเงะ ลโล่ะ เปอะ, ดัฮ เปอะ โอ ยุฮ กัน ซเงะ ลโล่ะ เซ ไม่ ทื เปอะ แปน ซเงะ ซัมคัน เนอึม โฮ,

เยเรมี 17:27

ดัฮ โม เปะ โอ เนอึง ป อัฮ อาึ ไม่ โอ เปอะ เมีญ ซเงะ ลโล่ะ เซ แปน ป ซัมคัน ละ แตะ โฮ, ปังเมอ โอ ซ แปน ตอก เซ. ดัฮ ปุย โอ แฮน ติ แตะ ฮา โรวก แตะ รบุยฮ ลกลอม ไม่ เลียก อื โตะ รเวือะ เวียง เยรูซาเลม ซเงะ ลโล่ะ แตะ โฮ, ไม่ โอ แตะ เนอึง ป อัฮ ฮะ, อาึ ซ เกือฮ โตะ รเวือะ เวียง เฮี ฮะ นึง งอ. งอ เซ จาึฮ ฮอยจ ละ เญือะ ไมจ ยุฮ กซัต ไม่ เญือะ ยุฮ โม จาวไน เตือง โอยจ อื ติ เวียง เยรูซาเลม เฮี. ซ ไก โตว ป ปุน เกือฮ ญึ่ต,” อัฮ เซ.

เยเรมี 42:19

เยเรมี อัฮ โรฮ เฮี, “พะจาว เอีจ ซตอก โม เปะ ป โฮฮ ลั่ง นึง เมือง ยูด่า โอ ตอ โฮว อาวต นึง เมือง อียิป. ปเลี่ย เฮี อาึ ซตอก โรฮ โม เปะ ตอก เซ โรฮ.

เอเซเคียน 20:13

“โม อิซราเอน เนอ ปังเมอ เลฮ เตียง ป อัฮ อาึ เญือม อาวต แตะ นึง ลาึน เวือฮ เซ. ยุฮ โตว โอเอีฮ ตัม ลปุง ซตอก อาึ อาึง. เอีจ ละ โปวฮ โอยจ โกตไม ยุฮ อาึ เซ. มัฮ ปุน ยุฮ อื ตัม เซ, ซ โฮลฮ เนอึม จีวิต แตะ เบือ อื. โม เซ เยอ ปังเมอ โอ เมีญ ซเงะ ลโล่ะ ยุฮ อาึ เซ แปน ป ซัมคัน ละ แตะ. “เญือม อาวต ลั่ง อื นึง ลาึน เวือฮ เซ อาึ ตะ เอิน เปลีฮ รพาวม ฮาวก แตะ ละ โม เซ ปอ ไลจโลม โอยจ เอิน อื.

อาโมต 8:5

โม เปะ อัฮ เปอะ เฮี ละ ปุ แตะ, “เอะ รกวน ลัมเลือ เกือฮ ซเงะ ซัมคัน ยุฮ พะจาว ลอยจ, นึง ซ โฮลฮ โฮะ โชะ เฮงาะ ยุฮ แตะ. เอีจ ฆวต เกือฮ เยอะ ซเงะ ลโล่ะ เซ โปน แปฮ เดอึม ซ โฮลฮ โชะ โอเอีฮ ยุฮ แตะ เปียง, เอะ ซ โฮลฮ ซมอย รโกะ ยุฮ แตะ นึง รดู แตวะ, ซ โฮลฮ แฆ โอเอีฮ โชะ แตะ นึง ลุ่น โอ ซเมอ.

มีคา 6:3

พะจาว อัฮ เฮี, “โม เปะ ป มัฮ ปุย ไน อาึ เตือง โอยจ เปอะ, มัฮ เมอ ติ ติ ป เอีจ ยุฮ เอีจ อัฮ อาึ ละ โม เปะ เอ? อาึ อัม เอีจ เกือฮ รบุยฮ ระ ลกลอม เชียน ละ เปอะ ปอ โอ เปอะ ปุน รัป? โลยฮ แลน เนิ เมอะ.

กันไกญกอ 2:40

เปโตร โฮวน ป อัฮ ป อู, ไม่ ซตอก รเง่อึม แตะ ปุย. อัฮ เฮี, “ไมจ เปอะ เกือฮ ติ แตะ โปน ฮา ตุต ป ซ ฮอยจ ละ ปุย บ่วก ปุย โจวง ติ เจน เฮี,” อัฮ เซ ละ อื.

กันไกญกอ 20:21

อาึ ซตอก รเง่อึม ปุย เกือฮ โปวฮ รพาวม โกะ แตะ, ไอฮ รพาวม พะจาว, ไม่ เกือฮ เจือ ไม่ อาึง รพาวม แตะ นึง พะโองจาว ป มัฮ พะเยซู ทื เอะ เซ เตือง โม ยิว ไม่ ปุย ตัง เมือง.

กะลาเทีย 5:3

ซ อัฮ แม ละ เปอะ ติ โฮน แม, ดัฮ ไก ป ญอม เลียก นึง ริตกิต เตอ จัมเปน โรฮ ยุฮ อื ตัม ป อัฮ โกตไม เซ โครยญ เจือ ฆาื อื.

เอเฟโซ 4:17

ลปุง เฮี อาึ รโฮงะ แจง แน ละ เปอะ เบือ มอยฮ พะโองจาว. ปุ เญือะ ยุฮ ตอก ยุฮ โม ป โอ ยุง พะจาว อื. รพาวม โม เซ อาวต ลอป นึง โอเอีฮ โอ ไก ป มัฮ

5 โมเซ 8:19

ปัง มัฮ ตอก เซ ซเงะ เนาะ เฮี อาึ อัฮ ป เนอึม ละ เปอะ, ดัฮ โม เปะ เบีย เยโฮวา ป มัฮ พะจาว ยุฮ เปอะ, ดัฮ เปอะ โฮว ฟวต พะจาว ไฮญ ละ ซ นัปทื เปอะ ไม่ รซอฮ เปอะ ละ โฮ, แจง ซ ไลจ ซ โลม เปอะ ฆาื.

1 เทซะโลนิกา 4:6

ไมจ เปอะ โตว บระ รพาวม ปุ แตะ ไม่ ยุฮ ป พิต ละ เอียกปุ แตะ นึง ไลลวง ตอก เซ เฟือฮ เอิน. โม ป ยุฮ โอเอีฮ ตอก เซ พะจาว ซ เกือฮ อื ลอก ตุต แตะ ฆาื อื, ตอก เอีจ รโฮงะ เอะ อาึง ละ เปอะ ซโตฮ ไพรม อื.