เนฮะมี 12:8 - ้พระคัมภีร์ละว้า

⁸ ป มัฮ โม เลวี นึง อื, มัฮ โม ป มอง ควป คุม กัน เชีย ลืลาว พะจาว. มอยฮ อื มัฮ ตอก เฮี, มัฮ เยชูอา, บิ่นนุย, คัตมีเอน เชเรบี่ยา, ยูด่า ไม่ มัตทานิยา.

เนฮะมี 12:8 ပူးပေါင်းရင်းမြစ်များ

3 กซัต 9:33

ไก โรฮ โม เลวี ง่อน ป เพรียง รซอม เชีย ละ เชีย ปุย นึง วิฮัน เซ. มัฮ โม ฮัวนา ครอปครัว ป อาวต เอิน นึง ควง วิฮัน, ไม่ โอ อื ไปญ กัน ไฮญ ติ เจือ เนอึม. ลัง เชีย ลืลาว พะจาว เญือม เติง เวลา อื เตือง เมือ ซเง่ะ เมือ ก ซาวม อื.

เอซรา 2:40

ซฆลาวม โม เลวี ป เอีญ อาวต นึง เมือง เซ มัฮ ตอก เฮี, ซฆลาวม โม เยชูอา ไม่ โม คัตมีเอน เซ ป มัฮ จัตเจือ โฮด่าวิยา ไก 74 ปุย. โม นักโด่นตรี ป มัฮ จัตเจือ อาซัป นึง อื ไก 128 ปุย. ซฆลาวม โม ป มอง ญัม นึง อื ป มัฮ จัตเจือ ชันลุม, เอเทอ, ทันโมน, อักคุป, ฮาทิทา ไม่ จัตเจือ โชไบ่ รโจะ เตือง โอยจ อื แปน ไก 139 ปุย.

เอซรา 3:2

เยชูอา ป มัฮ กวน โยซาดั่ก โกฮ ยุฮ ดิ กัน ไม่ ซตุ ไฮญ ไม่ เซรูบ่าเบ่น ป มัฮ กวน เชอันทิเอน ไม่ โม คระ เฌือต อื. ยุฮ โคระ คัน ละ ซ ทไว ปุย โอเอีฮ ละ พะจาว ทื โม อิซราเอน. มัฮ ยุฮ อื ตัม รซอม ไซฮ ไอ โมเซ ป มัฮ ปุย ซึป ลปุง พะจาว อาึง เซ.

เนฮะมี 11:17

มัตทานิยา กวน มีคา, ปุก มัฮ กวนโซะ ซัปดี่. ป มัฮ จัตเจือ ไพรม อื มัฮ อาซัป, มัฮ ฮัวนา ปุย นึง กัน เชีย ไม่ ไววอน ญันดี่ ไม่ พะจาว. บั่กบู่คียา มัฮ ป เรอึม มัตทานิยา เซ. อัปด่า กวน ชัมมุวา, ปุก มัฮ กวนโซะ กาลัน, จัตเจือ ไพรม อื มัฮ เยดู่ทุน, มัฮ โรฮ ป เรอึม อื.

เนฮะมี 11:22

ป มอง ควป คุม กัน ยุฮ โม เลวี นึง เวียง เยรูซาเลม เซ มัฮ อุตซี กวน บ่านี, ปุก มัฮ กวนโซะ ฮาชาบิ่ยา. โม จัตเจือ ไพรม อื มัฮ มัตทานิยา ไม่ มีคา. มัฮ ปุย ไน ซฆลาวม อาซัป. ซฆลาวม อาซัป เซ มัฮ โรฮ ป มอง ควป คุม กัน เชีย ปุย นึง วิฮัน เซ.

เนฮะมี 12:24

โม ฮัวนา ยุฮ โม เลวี เซ มัฮ ฮาชาบิ่ยา, เชเรบี่ยา, ไม่ เยชูอา กวน คัตมีเอน, ไม่ โม ปุโฮมว อื. โม เซ ไก ลอา มู ป ลล่อยฮ โลยฮ รซอม เชีย ยุฮ ปุ แตะ นึง กัน ญันดี่ แตะ นึง พะจาว, ตัม ลปุง ซตอก ด่าวิต ป มัฮ ปุย ซึป ลปุง พะจาว เซ.

เนฮะมี 12:9

โม ป ชุง รเตือป อื ละ ซ โลยฮ แตะ รซอม เชีย เซ มัฮ ตอก เฮี มอยฮ อื, มัฮ บั่กบู่คียา, อุนโน ไม่ โม เอียกปุ เลวี อื.

เนฮะมี 7:43

ป เอีญ เน่อึม แปน แตะ ครา เซ ป มัฮ โม เลวี นึง อื มัฮ ตอก เฮี, ซฆลาวม เยชูอา ไม่ คัตมีเอน ป มัฮ จัตเจือ โฮด่าวิยา ไก 74 ปุย โม นักโด่นตรี อาวต นึง วิฮัน เซ ป มัฮ จัตเจือ อาซัป ไก 148 ปุย ป มอง ญัม นึง วิฮัน เซ ป มัฮ จัตเจือ ชันลุม ไม่ อาเทอ, ไม่ ทันโมน, อักคุป, ฮาทิทา, ไม่ โชไบ่ ไก 138 ปุย

เนฮะมี 9:4

ปุย เอีจ ยุฮ อาึง เวที ละ โม เลวี. ป มัฮ เยชูอา, บ่านี, คัตมีเอน, เชบ่านิยา, บุ่นนี, เชเรบี่ยา, บ่านี ไม่ เคนานี ฮาวก ชุง นึง เวที เซ, ไววอน ละ เยโฮวา พะจาว ยุฮ แตะ นึง ลเลาะ เรียง แตะ.