เนฮะมี 12:47 - ้พระคัมภีร์ละว้า

⁴⁷ เจน เซรูบ่าเบ่น ไม่ เจน เนฮะมี เซ โม อิซราเอน เตือง โอยจ อื ทไว โอเอีฮ ยุฮ แตะ ละ ซ เกือฮ อื ละ โม ป เชีย เซ, ไม่ โม ป มอง ญัม เซ ตัม ป ตองกัน อื โครยญ ซเง่ะ. เอีจ เกือฮ โรฮ ป ลัง เกือฮ แตะ ละ โม เลวี ไฮญ โรฮ. โม เลวี เซ เกือฮ โรฮ โอเอีฮ ยุฮ แตะ เซ ละ โม ซตุ ตัม เมาะ ลัง เกือฮ แตะ ละ อื โรฮ.

เนฮะมี 12:47 ပူးပေါင်းရင်းမြစ်များ

2 กซัต 25:30

โอเอีฮ เมาะ ป จัมเปน ละ อื, กซัต เซ เกือฮ อื ละ อื โครยญ เจือ, โครยญ ซเง่ะ, ฮอยจ ละ ลอยจ จีวิต อื.

2 กซัต 7:10

โม เซ เอีญ รโฮงะ เนอึม อื ละ ป มอง ญัม นึง โตะ รเวือะ เมือง เซ ตอก เฮี, “เอะ เอีจ โฮว ฮอยจ นึง ไคะ อาวต โม ซีเรีย เซ ปังเมอ โอ เญือะ ยุ เญือะ ฮมอง ปุย นึง ติ เนอึม. บรอง ยุฮ อื ไม่ บรัง ไม่ เตน อาวต อื ไก ตื ลั่ง นา เซ ตื,” อัฮ เซ ละ อื.

เอซรา 2:2

โม ฮัวนา ยุฮ อื มัฮ เซรูบ่าเบ่น, เยชูอา, เนฮะมี, เซไรอา, เรเอไลยา, มอเด่ไค, บิ่นชัน, มิซปา, บิ่กไว, เรฮุม, ไม่ บ่าอานา. เคียง เฮี มัฮ มอยฮ ซฆลาวม โม อิซราเอน ป เอีญ เน่อึม แปน แตะ ครา เซ ไม่ เซน ปุย นึง อื โครยญ ซฆลาวม อื.

เนฮะมี 11:23

มัฮ ฆาื เอีจ ไก ลปุง ซตอก กซัต อาึง ละ ซฆลาวม โม เซ. โครยญ ซเง่ะ เอีจ ไก ป ลัง เชีย นึง ตัม เวน ลัง อาวต อื โครยญ โฆะ อื.

เนฮะมี 12:1

เคียง เฮี อื มัฮ ไลลวง มอยฮ โม ซตุ ไม่ โม เลวี ป เอีญ เน่อึม แปน แตะ ครา นึง เมือง ปุย. มัฮ ป เอีญ ดิ ไม่ เซรูบ่าเบ่น กวน เชอันทิเอน ไม่ เยชูอา ป มัฮ ฮัวนา ซตุ เซ.

เนฮะมี 12:12

เญือม แปน โยยาคิม ฮัวนา ซตุ, มอยฮ โม ซตุ ป มัฮ ฮัวนา ไน ซฆลาวม อาวต อื มัฮ ตอก เฮี, ซฆลาวม เซไรอา มัฮ เมรายา, ซฆลาวม เยเรมี มัฮ ฮานานิยา, ซฆลาวม เอซรา มัฮ เมชูลัม, ซฆลาวม อามาริยา มัฮ เยโฮฮานัน, ซฆลาวม มันลูคี มัฮ โยนาทัน, ซฆลาวม เชบ่านิยา มัฮ โยเซป, ซฆลาวม ฮาริม มัฮ อัตนา, ซฆลาวม เมราโยต มัฮ เฮนไค, ซฆลาวม อิตโด่ มัฮ เซคาริยา, ซฆลาวม กินเนโทน มัฮ เมชูลัม, ซฆลาวม อาบี่ยา มัฮ ซิครี, ซฆลาวม มินยามิน ไม่ โมอัตยา มัฮ ปินไท, ซฆลาวม บิ่นกา มัฮ ชัมมุวา, ซฆลาวม เชไมอา มัฮ เยโฮนาทัน, ซฆลาวม โยยาริป มัฮ มัตเทไน, ซฆลาวม เยด่ายา มัฮ อุตซี, ซฆลาวม ซันไล มัฮ คันไล, ซฆลาวม อาโมก มัฮ เอเบ่อ, ซฆลาวม ฮินคียา มัฮ ฮาชาบิ่ยา, ซฆลาวม เยด่ายา มัฮ เนทันเอน.

เนฮะมี 12:26

ปุย โม เซ มัฮ ปุย เจน โยยาคิม ป มัฮ กวน เยชูอา, กวนโซะ โยซาดั่ก. เอีจ มัฮ เจน ติ ไม่ เนฮะมี ป มัฮ จาวเมือง, ไม่ เอซรา ป มัฮ ซตุ ไม่ มัฮ อื คู เพอึก พะทัม.

กะลาเทีย 6:6

โม ป โฮลฮ ปุย เพอึก นึง ลปุง พะจาว ไมจ โรฮ อื รฆุ โอเอีฮ ไมจ ยุฮ แตะ ละ ป เพอึก แตะ เซ โครยญ เจือ.

5 โมเซ 18:8

ปัง โฮลฮ มาื นึง โชะ แตะ คาวคอง แตะ ก ไฮญ, ปุ คัต ฮา อื รโตง ป ลัง โฮลฮ อื นึง โอเอีฮ ทไว ปุย ละ พะจาว เซ. เกือฮ โฮลฮ อื ตอก ปุย โรฮ.