เนฮะมี 10:39 - ้พระคัมภีร์ละว้า

³⁹ โอเอีฮ ทไว ปุย ไน กาว ปุน ติ ปุน, ป มัฮ เฮงาะ รโกะ, รอาวม อะงุน โคระ, ไม่ ลออยฮ กาวก เซ, โม อิซราเอน ไม่ โม เลวี ไมจ อื โรวก ฮอยจ นึง ก แฮรน ปุย เครอึง โกว แตะ นึง วิฮัน เซ. นา เซ มัฮ นา ก อาวต โม ซตุ เญือม ไคว เวน รซอฮ อื ละ พะจาว, โม ป มอง ญัม นึง วิฮัน เซ, ไม่ โม ป มอง เชีย อาวต โรฮ นา เซ. “เอะ ซ ลาซา โตว นึง วิฮัน ยุฮ พะจาว ยุฮ แตะ เซ.”

เนฮะมี 10:39 ပူးပေါင်းရင်းမြစ်များ

2 กซัต 7:10

โม เซ เอีญ รโฮงะ เนอึม อื ละ ป มอง ญัม นึง โตะ รเวือะ เมือง เซ ตอก เฮี, “เอะ เอีจ โฮว ฮอยจ นึง ไคะ อาวต โม ซีเรีย เซ ปังเมอ โอ เญือะ ยุ เญือะ ฮมอง ปุย นึง ติ เนอึม. บรอง ยุฮ อื ไม่ บรัง ไม่ เตน อาวต อื ไก ตื ลั่ง นา เซ ตื,” อัฮ เซ ละ อื.

4 กซัต 31:11

ฟวยจ เซ กซัต เฮเซคียา ดวน แม ปุย เพรียง ฮอง นึง วิฮัน ยุฮ พะจาว ละ ซ เกือฮ ปุย ละ โอเอีฮ ป ทไว ปุย เซ นึง. ปุย เพรียง เนอึม อื ตอก เซ.

4 กซัต 31:12

เญือม เซ ปุย โฮว ตาว เนอึม ป ทไว แตะ เซ นึง อื ไม่ รพาวม ซืไซ แตะ, เตือง ป ทไว อื ติ ปุน ไน กาว ปุน เซ ไม่ ป ทไว อื ตอก ไฮญ. ฮัวนา โม เลวี ป แลน แก ป ทไว ปุย เซ มัฮ โคนานิยา. ป เรอึม อื มัฮ ชิเมอี, มัฮ ปุ โกะ อื ไอฮ.

เนฮะมี 12:47

เจน เซรูบ่าเบ่น ไม่ เจน เนฮะมี เซ โม อิซราเอน เตือง โอยจ อื ทไว โอเอีฮ ยุฮ แตะ ละ ซ เกือฮ อื ละ โม ป เชีย เซ, ไม่ โม ป มอง ญัม เซ ตัม ป ตองกัน อื โครยญ ซเง่ะ. เอีจ เกือฮ โรฮ ป ลัง เกือฮ แตะ ละ โม เลวี ไฮญ โรฮ. โม เลวี เซ เกือฮ โรฮ โอเอีฮ ยุฮ แตะ เซ ละ โม ซตุ ตัม เมาะ ลัง เกือฮ แตะ ละ อื โรฮ.

ลืลาว 122:9

มัฮ ฆาื ฮรัก ไฌม เมอะ วิฮัน ยุฮ เยโฮวา ป มัฮ พะจาว ยุฮ โม เอะ เซ, มัฮ เซ ป ปัว อาึ ป ไมจ ละ เปอะ ตอก เซ ฆาื อื.”

4 โมเซ 18:26

“เญือม เอีจ โฮลฮ เปอะ รัป โอเอีฮ มอป พะจาว ละ เปอะ เซ, ป มัฮ โอเอีฮ ทไว โม อิซราเอน กาว ปุน ติ ปุน ยุฮ อื เซ, โม เปะ ไมจ โรฮ เปอะ โรวก ทไว ป โฮลฮ แตะ เซ ละ พะจาว, ไน กาว ปุน เซ ตา ติ ปุน โรฮ.

4 โมเซ 18:30

เญือม เอีจ ฟวยจ ทไว เปอะ ป ตึก นึง ไมจ แตะ ตอก เซ, ป โฮฮ ฮา ทไว เปอะ เซ ไมจ เปอะ เมีญ มัฮ ตอก เฮงาะ โฮลฮ ปุย เน่อึม นึง รบุฮ ยุฮ แตะ โฮ, ไม่ ตอก เปลิ โคะ ป โฮลฮ ปุย เน่อึม นึง โตะ รปึม ยุฮ แตะ โรฮ.

5 โมเซ 12:17

โอเอีฮ ป โอ เปอะ ลัง โซม ปอน นึง ย่วง แตะ มัฮ ตอก เฮี. มัฮ โอเอีฮ ทไว กาว ปุน ติ ปุน ยุฮ เปอะ, ป มัฮ เฮงาะ รโกะ, รอาวม อะงุน ไม่ ลออยฮ กาวก. โนก ฮา เซ มัฮ กวน โรง คอง เลียง เปอะ โครยญ เจือ, ไม่ โอเอีฮ ป ลัง ทไว เปอะ ตัม ป ซันญา แตะ ละ พะจาว, ไม่ ป ทไว เปอะ ตัม รพาวม ฆวต ทไว แตะ ไม่ โอเอีฮ ป กอยฮ เปอะ ทไว เซ.

ฮีบรู 10:25

ไมจ โตว เอะ ซลัฮ นึง ไลลวง กอ โพรม แตะ ไม่ ปุ แตะ ตอก ซลัฮ ปุย ง่อน. ฮา เซ ไมจ เอะ ซตอก ปุ แตะ เกือฮ ปุ แตะ ไมจ มวน รพาวม. เญือม ง่อต เปอะ ไลลวง เอีจ ซดิ ซ ฮอยจ ซเงะ ยุฮ พะโองจาว, ไมจ เปอะ โฮว ละ ยุฮ แตะ ตอก เซ ละ ปุ แตะ.