นาฮุม 2:12 - ้พระคัมภีร์ละว้า

¹² ซิงโต ไฮมญ เซ กอ ซาวป เกียต โอเอีฮ, ฟวยจ เซ เอีญ ตาว อื ละ กวน แตะ ปอ ซัก อื. กอ เอีญ ตาว โรฮ โอเอีฮ ปุน แตะ ละ โม ซิงโต รโปวน ป มัฮ ปุ อาวต อื เซ, กอ เอีญ ตาว โตะ โอเอีฮ ปุน แตะ เซ ฮอยจ นึง ทัม อาวต แตะ, กอ รโจะ โรฮ อาึง ป ปุน แตะ นา เซ ปอ นาวก อื เอิน.

นาฮุม 2:12 ပူးပေါင်းရင်းမြစ်များ

2 ซามูเอน 17:8

ฮุไช เซ อัฮ แม อื ตอก เฮี, “จาวไน, ปะ เอีจ ยุง เปอะ ไอฮ, กซัต ด่าวิต ป มัฮ เปือะ เปอะ เซ, ไม่ โม ตฮัน ป อาวต ไม่ อื เซ มัฮ ป เกง ลัมเลือ นึง กัน รุป แตะ. ปเลี่ย เฮี ปุย โม เซ กัมลัง รอก พาวม ตอก เครีฮ ป ตุย ปุย กวน จัว อื ฮา อื โฮ. โนก ฮา เซ เปือะ เปอะ เซ มัฮ เนอึม ปุย เอีจ เลียน ลัมเลือ นึง กัน รุป เซิก เซ. แจง โอ อื ซ ไอจ ไม่ โม ตฮัน ยุฮ แตะ เซ.

ลืลาว 17:12

โม เซ ฆวต แจฮ เอิน อาึ ตอก แจฮ ซิงโต โอเอีฮ ป ปุน แตะ โฮ, ตอก เอิน ซิงโต บุฮ ลั่ง ป เม่าะ อาึง ติ แตะ ละ ซ มอง แตะ ยุฮ ยุม ไม่ ปุย โฮ.

เยเรมี 51:34

ปุย เวียง เยรูซาเลม ซ อัฮ เฮี, “เนบู่คัตเนซา กซัต เมือง บ่าบี่โลน เอีจ มอก เอะ แปน ไซจ แปน ไซจ อื. เอีจ กุก เนะ เอะ. เอีจ โทก เรียง เอะ เกือฮ โอยจ ตอก โทก ปุย โอเอีฮ โตะ ฮมวน โฮ. เอีจ บลวน เอะ ตอก บลวน ซโอยญ ระ ป ปุน แตะ โฮ. เญือม เอีจ ซัก อื นึง กุก แตะ ป ญึม เมอ, ฮาว แม เอะ ติ โฮน. ปัว เกือฮ เวียง บ่าบี่โลน ลอก ป โซะ รโตง คัม ตุง อื เอะ เซ. ปัว เกือฮ โม บ่าบี่โลน ลอก ตุต ฆรอ ฮนัม เอะ ป เกือฮ อื ปัต เซ,” ซ อัฮ เซ.

นาฮุม 2:11

ปเลี่ย เฮี เวียง ป ตอก ทัม อาวต รเวีย ซิงโต เซ โฮว ก เมอ ก โอวน? ไพรม อื นา เซ มัฮ นา ก เกือฮ ซิงโต ป โซม นึง ละ กวน แตะ. มัฮ นา ก กอ เลียก เปิง ซิงโต เตือง ปไฮมญ ปรโปวน อื. มัฮ โรฮ นา ก อาวต ซไบ่ กวน อื นึง, ไม่ โอ อื ไก ป คัม ป คุย เฟือฮ เอิน.

นาฮุม 2:13

พะจาว กุม ตฮัน มะลอง อัฮ อื ละ เวียง นีนะเว ตอก เฮี, “อาึ ซ ตอซู ปุ แตะ ไม่ เปอะ, อาึ ซ โตก เลาะ รุป เซิก ยุฮ เปอะ ปอ ฮะ ล่อยญ อื. โม ตฮัน ยุฮ เปอะ ซ ยุฮ ปุย ยุม ไม่ นึง กัน รุป เซิก. โอเอีฮ ป ชะ ลู เปอะ ฮา ปุย ติ ปลัฮเตะ เซ อาึ ซ ตุย ฮา เปอะ เตือง โอยจ อื. เญาะ ซ ไก โตว ป ฮมอง ลปุง คานัป ฮอยจ เน่อึม นึง โม ป ตาว รซอม เปอะ เซ,” อัฮ เซ ละ อื พะจาว เยอ.

4 โมเซ 23:24

ง่อต แลน, ปุย โม เฮี มัฮ ตอก อื รเวีย ซิงโต โกฮ ชุง ละ ซ โอก อื เรียง แตะ โฮ. ซ ไอจ โตว กา เฆียง โฮลฮ อื กุก โตะ ป ปุน แตะ. ซ อาวต โฆย โตว กา เฆียง โฮลฮ อื ญุ ฮนัม ป ยุม เบือ แตะ เซ,” อัฮ เซ บ่าลาอัม.