มัตไท 3:4 - ้พระคัมภีร์ละว้า

⁴ โยฮัน เซ จาวป เครอึง ฮาึก อุต, โจต โม่ะฮุต ฮัก. ป โซม ป ปอน อื มัฮ จักจัน ไม่ โกะ แฮ.

มัตไท 3:4 ပူးပေါင်းရင်းမြစ်များ

2 กซัต 1:8

โม เซ โลยฮ อื ละ กซัต เซ ตอก เฮี, “ปุย เซ เยอ จาวป ลปิ ฮาึก, โจต แม โม่ะฮุต ฮัก นึง ญวย แตะ ไม่ อื,” อัฮ เซ โม เซ เยอ. เญือม เซ กซัต เซ อัฮ เฮี, “ปุย เซ เยอ มัฮ เอลียา ปุย ย่วง ทิตชบี่ เซ,” อัฮ เซ.

อิซยา 20:2

กา เซ ลอวย เนอึม เมอ, พะจาว เอีจ อัฮ อาึง อื ละ อิซยา กวน อามอต เซ ตอก เฮี, “ไมจ เปอะ โฮว ปอยจ แปฮ โปวฮ เครอึง ฮาื ฆัน แตะ เซ, ไม่ ไมจ โรฮ เปอะ ปอยจ เกิป แตะ,” อัฮ เซ ละ อื. อิซายา ยุฮ เนอึม อื ตอก เซ, โฮว โยะ เครึอง เอิน ไม่ โฮว โยะ เกิป แตะ ฆาื อื.

3 โมเซ 11:22

ตอก โรฮ ดักดวน ไม่ จักจัน, ซดู ไม่ ซฆลา โครยญ เจือ อื ลัง ปอน เปอะ.

เซคาริยา 13:4

“ซเงะ เซ โม ป อัฮ ติ แตะ มัฮ ป ซึป ลปุง พะจาว โครยญ โฆะ อื เซ, ซ โซะกิจ นึง ป อัฮ ป มวยญ โกะ แตะ ไม่ โม ป โคะ ติ แตะ ยุ บลอง โอเอีฮ เซ. เญือะ ซ โรวต โตว จาวป เครอึง ฮาึก ซัตซิง ละ ซ ซาวป แตะ จุ ปุย นึง.

มาลาคี 4:5

“ซเงะ ระ ยุฮ พะจาว มัฮ ซเงะ ซัมคัน ปอ ฮลัต ปุย นึง. กา ซ ฮอยจ ซเงะ เซ อาึ ซ เกือฮ เอลียา ป ซึป ลปุง แตะ ฮอยจ ละ เปอะ.

มัตไท 11:18

“โยฮัน ฮอยจ ไม่ โอ แตะ โซม ไอฮ ตอก ปุย, ปุย ปังเมอ อัฮ อื เลียก พี นึง.

มัตไท 11:8

โม เปะ เมอ โฮว แลน เปอะ, อัม มัฮ โฮว แลน เปอะ ป นุง ย่อง ติ แตะ นึง เครอึง คึ? แจง โอ มัฮ อื. โม ป นุง ย่อง ติ แตะ นึง เครอึง คึ มัฮ ป อาวต นึง เญือะ กซัต.”

มาระโก 1:6

โยฮัน จาวป เครอึง ฮาึก อุต. โจต โม่ะฮุต ฮัก. ป โซม ป ปอน อื มัฮ จักจัน ไม่ โกะ แฮ.

ลูกา 1:17

ซ โอก โฮว รกา พะโองจาว ไม่ อัมนัต ไม่ รพาวม รโม่ยฮ ตอก รพาวม รโม่ยฮ เอลียา โฆะ โรฮ. ซ เกือฮ เปือะ ไม่ กวน ปุก แม ปุ แตะ. ซ เกือฮ โม ป โอ เนอึง ป อัฮ พะจาว ลเตือฮ แม โฮว คระ เกือฮ ปุย โฮลฮ รพาวม ซืไซ แตะ. มัฮ ซ เพรียง อื อาึง ปุย ติ เมือง ละ ซ เกือฮ อื โปง ไม่ พะจาว,” อัฮ เซ เตปด่า เซ.

5 โมเซ 32:13

พะจาว เกือฮ อื โฮลฮ กุม ปลัฮเตะ ฮลาวง นึง บลาวง ฌื. เกือฮ อื โฮลฮ โซม ไมจ ไอจ ญึม. เกือฮ อื โฮลฮ ญุ รอาวม โกะ แฮ เน่อึม นึง ซโมะ ระ. เกือฮ โรฮ อื โฮลฮ ลออยฮ กาวก นึง ราวก ซโมะ.

รโฮงะ 11:3

อาึ ซ เกือฮ อัมนัต ละ ซกิ พีญัน ยุฮ แตะ ลอา ปุย, เกือฮ เกียฮ ซึป ลปุง แตะ ละ ปุย ติ เปือน ไปล ลอา รอย ไม่ ลแฆลฮ ซเงะ. ซ เกือฮ จาวป เครอึง ฮาื ฆัน ไม่ อื,” อัฮ เซ.