รซอมเยือม 3:37 - ้พระคัมภีร์ละว้า

³⁷ โอเอีฮ เมาะ ป เกิต ป ไก นึง ปลัฮเตะ เฮี, ไก โตว ปุย ป เกียฮ เกือฮ อื เกิต โนก ฮา โปง พะจาว อื เกิต เตอ.

รซอมเยือม 3:37 ပူးပေါင်းရင်းမြစ်များ

2 ซามูเอน 16:10

กซัต ด่าวิต ปังเมอ อัฮ เฮี ละ อื, “โม เปะ ป มัฮ กวน เซรูยา เตือง ลอา เปอะ, ไลลวง เซ มัฮ โตว ป เกว ไม่ เปอะ. ดัฮ มัฮ ซะ อื อาึ นึง ดวน พะจาว แตะ ซะ โฮ, มัฮ ปุย ป ซ เกียฮ คัต เตอ?” อัฮ เซ.

1 กซัต 22:34

เญือม เซ ไก ตฮัน โม ซีเรีย ติ ปุย, โปยญ ซบรอฮ แลน ตี ยุฮ แตะ, ลอก เอิน กซัต อาฮัป เซ. ปุก รตา โปลก ลปิ ไร เฆีญ รน่าวก อื. กซัต อาฮัป เซ อัฮ เฮี ละ ป คัป เลาะ ยุฮ แตะ, “อาึ เอีจ บั่ต เอีจ โซะ โอะ. ลเตือฮ โอก ฮา ก รุป ปุย เฮี,” อัฮ เซ ละ อื.

2 กซัต 6:33

ลไล โอ เอลีชา ดิ เตือน ลอยจ ลปุง เงอ, กวนไจ กซัต เซ ฮอยจ เนอึม. ป มัฮ กซัต เซ ฮอยจ โรฮ ไม่ อื. กซัต เซ อัฮ เฮี, “มัฮ พะจาว ป เกือฮ เม่ะมั่ก ตอก เฮี ฮอยจ ละ เอะ เอ. เอะ ซ มอง แม พะจาว ละ เมอ?” อัฮ เซ.

โยป 10:13

“เม่ะมั่ก ป เกิต ละ อาึ เฮี ปังเมอ เอีจ มัฮ ป คิต ป ง่อต ปะ อาึง โตะ กไน รพาวม แตะ. อาึ เอีจ ยุง โรฮ โฮะ มัฮ อื แพนกัน ยุฮ ปะ อา.

โยป 2:10

โยป อัฮ เฮี ละ อื, “ปุ อัฮ โอเอีฮ ไอฮ พาวม เปอะ ตอก เซ. เญือม โฮลฮ ป ไมจ เน่อึม นึง พะจาว เอะ รัป ไม่ รพาวม ไมจ มวน แตะ. ดัฮ เม่ะมั่ก ฮอยจ เนิ โม่ โรฮ ไมจ รัป ตอก เซ โรฮ?” อัฮ เซ. ปัง อาวม เม่ะมั่ก ตอก เซ โยป อัฮ โตว ป พิต ฆาื อื ติ มวยญ เนอึม.

2 โมเซ 10:10

ฟาโร โลยฮ แม อื, “อาึ ซันญา อาึง เบือ มอยฮ พะจาว โอ แตะ ซ เกือฮ โม เปะ โฮว เตือง โม ปรโปวน ไม่ โม กวนดุ เฟือฮ เอิน. อาึ เอีจ ที เนิ โอ โม เปะ เนอึม รพาวม ละ เอะ เอ.

ซตอกรเง่อึม 16:9

ปุย ปลัฮเตะ เอ กอ คิต ง่อต อาึง แพนกัน ยุฮ แตะ. ป ปุน นัม คระ โฮว ปุย โครยญ รเดือง เงอ, ปังเมอ มัฮ พะจาว โน่ง.

ซตอกรเง่อึม 19:21

ปุย ไก แนฮ แพนกัน ยุฮ โฮวน เจือ, ป ซ เนอึม แนม ตอน ฮมัน นึง อื, ปังเมอ มัฮ ป คิต ป ง่อต พะจาว อาึง โน่ง.

ซตอกรเง่อึม 21:30

ไก โตว ป เป พะจาว เยอ. ปัง โกว พันญา แตะ, ปัง โกว ป คาวไจ แตะ, ปัง โกว แม ปุ ซิงซา แตะ, เป โตว เบือ อื ติ ตื เนอึม.

อิซยา 46:10

เอีจ มัฮ อาึ ป รโฮงะ อาึง ไลลวง โอเอีฮ ป ซ เกิต เน่อึม กา เฆียง เกิต อื, เอีจ รโฮงะ โรฮ อาึง ไลลวง โอเอีฮ ป โอ ดิ เกิต ละ ปุย เน่อึม ไพรม อื ลั่ง โรฮ. แพนกัน ยุฮ อาึ เฮี มัฮ ป ตอน ป ฮมัน, อาึ ซ ยุฮ เนอึม ตัม ป เอีจ ง่อต แตะ อาึง เซ เกือฮ ฟวยจ โครยญ เจือ.

เยเรมี 23:32

ไมจ เปอะ ง่อต ลปุง อาึ ป มัฮ พะจาว, อาึ ซ ตอซู เนอึม ปุ แตะ ไม่ โม ป เคียต รไปฮ รโมะ แตะ เตือง มัฮ อื ป โอ เนอึม, ไม่ โคะ อื มัฮ ป ฮอยจ เน่อึม นึง อาึ. เญือม ยุฮ อื ตอก เซ เอีจ มัฮ จุ อื ปุย ไน อาึ นึง ลปุง โอ เนอึม ไม่ ลปุง อวต ไอฮ ติ แตะ. มัฮ โตว อาึ ป ดวน อื โฮว. มัฮ โตว อาึ ป ดุฮ อื แปน ป ซึป ลปุง แตะ. โม เซ แปน โตว ป โกว ละ ปุย เฟือฮ,” อัฮ เซ พะจาว.

ด่านีเอน 4:35

ละ แลน พะจาว อื, ปุย ปลัฮเตะ เตือง โอยจ อื มัฮ โตว ป ไก งวยฮ ไก ตุง ละ อื. ลลาึง โม เตปด่า ป อาวต เมือง มะลอง เงอ, พะจาว ยุฮ โอเอีฮ ละ อื ตัม ปุก อื รพาวม โกะ แตะ ไอฮ. ลลาึง ปุย ปลัฮเตะ เฮี พะจาว ยุฮ โรฮ อื ตอก เซ โรฮ. ไก โตว ติ ปุย เนอึม ป ปุน คัต เวียน อัมนัต ระ ยุฮ พะจาว เยอ. ป ปุน ตัก ปุน โต ตอก ยุฮ ตอก อัฮ พะจาว โอเอีฮ ปุ โรฮ ไก.

นังซื รโปะ ปาวโล ละ คริตซจัก เวียง โรม 9:15

พะจาว เอีจ อัฮ อื ละ ไอ โมเซ ตอก เฮี, “อาึ ฆวต เลียก พาวม นึง ปุย ออฮ ซ เลียก พาวม นึง ปุย เซ. ฆวต โพต ป ไมจ ละ ปุย ออฮ ซ โพต ละ ปุย เซ,” อัฮ เซ.

เอเฟโซ 1:11

โอเอีฮ เมาะ ป ซ ยุฮ พะจาว โครยญ เจือ เซ, เอีจ ยุฮ เนอึม อื ตัม ป เอีจ โปวต แตะ อาึง โตะ รพาวม โกะ แตะ ไอฮ. พะจาว เอีจ เลือก อาึง เอะ เน่อึม เมือ โรง อื ละ ซ เกือฮ อื เอะ แปน ปุย ไน แตะ เบือ รโจะ ดิ เอะ รพาวม แตะ ไม่ พะคริต ตัม ปุก อื รพาวม โกะ แตะ.