โยชูวา 6:25 - ้พระคัมภีร์ละว้า

²⁵ โยชูวา ฮลักกอ ราฮัป ป มัฮ มอจังคึต เซ เตือง คระ เฌือต เตือง เญือะ อื, นึง เม่าะ อื ปุย ดวน แตะ โฮว เลียป เวียง เยรีโค เซ. เญือะ ราฮัป เซ ลอต เอิน อาวต ไม่ โม อิซราเอน ฮอยจ ปเลี่ย.

โยชูวา 6:25 ပူးပေါင်းရင်းမြစ်များ

มัตไท 1:5

ซาละโมน เซ มัฮ เปือะ โบ่อัต. มะ อื มัฮ ราฮัป. โบ่อัต เซ มัฮ เปือะ โอเบ่ต. มะ อื มัฮ รุต. โอเบ่ต เซ มัฮ เปือะ เจซี.

กันไกญกอ 2:21

เมาะ ป กอก ปัว พะโองจาว เรอึม แตะ, ปุย เซ ซ โปน อื ป โอ ไมจ เจอ,’ อัฮ เซ พะจาว.

ฮีบรู 11:31

มัฮ เบือ รพาวม เจือ อื ป โอ ราฮัป ป มัฮ มอจังคึต เซ ยุม ดิ ไม่ โม ป โอ เนอึง ป อัฮ พะจาว ฆาื อื. มัฮ เบือ รัปคัม อื ป ฮอยจ เลียป เมือง แตะ เซ ไมจๆ.

ยาโคโบ่ 2:25

ตอก โรฮ เซ, ราฮัป ป มัฮ มอจังคึต เซ โฮลฮ โรฮ พะจาว เมีญ มัฮ ปุย ซื ปุย ไซ ละ แตะ เบือ กัน ยุฮ อื. กัน ยุฮ อื เซ มัฮ รัปคัม อื โม ป ซาวป เลียป แลน โอเอีฮ เมือง แตะ, ไม่ เกือฮ อื บระ เอีญ คระ ไฮญ.

โยชูวา 2:1

เญือม อาวต ลั่ง โยชูวา นึง เมือง ชิตทิม เมอ ดวน ปรเมะ ลอา ปุย, บระ เกือฮ อื โฮว เลียป เมือง คะนาอัน. มัฮ ระ ฆวต เกือฮ อื เลียป เวียง เยรีโค นึง อื. ปุย ลอา เซ โฮว เนอึม, ฮาวก นึง เญือะ ติ, ปุก เญือะ มอจังคึต. มอยฮ กุม เญือะ เซ มัฮ ราฮัป. ตะ ไอจ นา เซ.

โยชูวา 2:4

ราฮัป อัฮ เฮี ละ โม เซ, “ฮอยจ เนอึม ปรเมะ เคะ เอะ, ปังเมอ โอ ยุง เน่อึม ลั่ก ฮอยจ อื. เมือ กปู อื กา ซอง ปุย รเวือะ ฆรุง เวียง, ปุย โม เซ เอีจ ไฆร. อาึ ยุง โตว คระ โฮว อื. ดัฮ เปอะ ซไจ โฮว อาื เอิน โฮ, ตึน ซ เครอึป ลั่ง เปอะ,” อัฮ เซ ละ อื. ญันได่ มัฮ เม่าะ อื ปุย ลอา เซ เกือฮ อื ฮาวก อาวต ราว พรัง เญือะ แตะ, เกือฮ อื ไอจ ฆรึม โม่ะ ฆัน ฮอก แตะ นึง พรัง เซ.

โยชูวา 4:9

นา ก ชุง โม ซตุ กลอม ฮิต ลปุง ซันญา ยุฮ พะจาว บั่กบ่วน โกลง จอแด่น เซ, โยชูวา รโจะ โรฮ ซโมะ นึง อื กาว ลอา โม่ว โรฮ. ซโมะ เซ อาวต นา เซ ฮอยจ ปเลี่ย.