โยชูวา 22:29 - ้พระคัมภีร์ละว้า

²⁹ เอะ มัฮ โตว เลฮ เตียง พะจาว ไม่ ลเตือฮ แตะ ฮา อื เฟือฮ เอิน. เอะ มัฮ โตว ยุฮ ฮุ คัน เซ ละ ซ ตอง แตะ ทไว โอเอีฮ นึง ละ อื. ปัง มัฮ เฮงาะ รโกะ ญุ่ก, ซัตซิง ไม่ โอเอีฮ ไฮญ ญุ่ก, เอะ ซ ทไว โตว ก ไฮญ โนก ฮา คัน ทไว ยุฮ เยโฮวา พะจาว ยุฮ เอะ ป ไก นึง ลั่กกา พากัง ระ ยุฮ อื เซ,” อัฮ เซ โม รูเบ่น เซ.

โยชูวา 22:29 ပူးပေါင်းရင်းမြစ်များ

1 โมเซ 44:17

โยเซป อัฮ เฮี, “แปน โตว ตอก เซ. อาึ เกียฮ ยุฮ โตว ป โอ ซื ตอก เซ. ป ซ โฮลฮ แปน ครา อาึ อื มัฮ ป ยุ ปุย ไก จอก เซ นึง โตะ ฮาื อื ติ ปุย โน่ง. ปุย ไฮญ ซ เกือฮ เอีญ ไมจ เอีญ มวน เคะ เปือะ เปอะ,” อัฮ เซ ละ อื.

1 โมเซ 44:7

โม เซ โลยฮ อื, “จาวไน, เมอยุ อัฮ เปอะ โอเอีฮ ตอก เซ ละ เอะ เอ? เอะ ป มัฮ กวนไจ ปุย โจฮ เปอะ แจง แน แมน กุน นึง โอ แตะ ยุฮ โอเอีฮ ตอก เซ.

1 กซัต 21:3

นาโบ่ต เซ ปังเมอ อัฮ อื ตอก เฮี, “รปึม เฮี เยอ, อาึ มัฮ โรฮ ป โฮลฮ โฮะ นึง มัฮ อื คาวคอง ไพรม เน่อึม เจน ตะ เจน เยือะ เกอะ ลั่ง. ปัว พะจาว โอ เกือฮ อาึ โซะ ละ เปอะ,” อัฮ เซ ละ อื.

2 กซัต 18:22

ดัฮ เปอะ อัฮ ติ แตะ เปิง เยโฮวา พะจาว ยุฮ แตะ, ซ เกียฮ เปิง เปอะ ตอก เมอ? คัน ทไว ปุย โอเอีฮ ละ พะจาว เซ ป โก นึง นาตี ฮลาวง เซ, เฮเซคียา เซ โม่ เอีจ เญื่อฮ อื? ฟวยจ เซ เคียต แม เกือฮ โม เปะ โฮว ไว นึง คัน ทไว ป ไก นึง เยรูซาเลม เซ ติ โดฮ โน่ง.

4 กซัต 32:12

โม่ มัฮ เฮเซคียา เซ ป เอีจ โฆง ยุฮ ไลจ ไม่ คัน ทไว ยุฮ พะจาว ป ไก นึง นาตี ฮลาวง เซ. โนก ฮา เซ เอีจ ดวน แม โม ยูด่า ไม่ ปุย เวียง เยรูซาเลม ตอก เฮี, ‘โม เปะ เอ ไมจ เปอะ นุ่ม ไว พะจาว ซองนา คัน ทไว เฮี ติ โดฮ โน่ง. ไมจ โรฮ เปอะ ตอง ทไว โอเอีฮ นึง คัน ติ โดฮ เซ โรฮ,’ เอีจ อัฮ เซ ละ เปอะ.

นังซื รโปะ ปาวโล ละ คริตซจัก เวียง โรม 3:6

ญันได่ มัฮ โตว ตอก เซ เฟือฮ. มัฮ โอ พะจาว มัฮ ป ซื ป ไซ ซ เกียฮ รเตีฮ ปุย ปลัฮเตะ เฮี ตอก เมอ?

นังซื รโปะ ปาวโล ละ คริตซจัก เวียง โรม 6:2

ไมจ โตว เกือฮ แปน ตอก เซ เฟือฮ. โม เอะ เอีจ มัฮ ปุย ยุม ละ มั่ป. แจง โอ เญือะ ซ เกียฮ ยุฮ แนฮ มั่ป ตอก ไพรม แตะ.

นังซื รโปะ ปาวโล ละ คริตซจัก เวียง โรม 9:14

เอะ ซ อัฮ ฆาื อื ตอก เมอ? อัม ซ อัฮ พะจาว มัฮ ป บ่วก ฆาื อื? มัฮ โตว อื เฟือฮ.

5 โมเซ 12:11

เญือม เซ โม เปะ ไมจ เปอะ โฮว ฮอยจ นึง นาตี ก เลือก พะจาว ยุฮ เปอะ ละ เปอะ, ละ ซ กอก เปอะ รโฮงะ มอยฮ พะจาว นา เซ. ไมจ เปอะ โรวก ทไว โอเอีฮ ยุฮ แตะ ตัม ป เอีจ ซตอก อาึ ละ เปอะ เซ, ตอก โอเอีฮ ตอง เปอะ ทไว ไม่ โอเอีฮ ทไว ไฮญ เปอะ, โอเอีฮ ไน กาว ปุน ติ ปุน ยุฮ เปอะ, ไม่ ป กอยฮ เปอะ ทไว, ไม่ ป ทไว เปอะ ตัม ป ซันญา แตะ ละ พะจาว เตือง โอยจ อื.

โยชูวา 22:23

ดัฮ มัฮ ยุฮ เอะ คัน ทไว ละ ซ เกือฮ ฮะ ติ แตะ ลเตือฮ ฮา พะจาว โฮ, ไม่ ยุฮ ฮุ ละ ซ ตอง แตะ ทไว โอเอีฮ นึง อื, ไม่ ทไว เฮงาะ รโกะ นึง, ไม่ ทไว ซัตซิง ละ ซ รโจะ รพาวม แตะ ไม่ พะจาว นึง ราว คัน เซ, เกือฮ พะจาว รเตีฮ เอะ เกือฮ ลอก ตุต แตะ เมิฮ.

โยชูวา 22:26

มัฮ ฆาื เซ ป ยุฮ เอะ คัน เฮี ฆาื อื. มัฮ โตว ยุฮ ละ ซ ตอง แตะ ทไว โอเอีฮ นึง, ไม่ ทไว โอเอีฮ ไฮญ นึง อื ติ เจือ เนอึม.

โยชูวา 22:28

เอะ มัฮ ง่อต ตอก เฮี, เฆียง เฮี ดัฮ ไก ป อัฮ ละ เอะ ตอก เซ, ปัง มัฮ อัฮ อื ละ โม กวน เฌือต เตอะ ญุ่ก, เอะ ซ เกียฮ อัฮ โรฮ ฆาื อื ตอก เฮี, ‘โม จัตเจือ ไพรม เอะ เอีจ ยุฮ โรฮ คัน, ตัม แบ่ป คัน ยุฮ พะจาว โรฮ. มัฮ โตว ยุฮ อื ละ ซ ตอง ปุย ทไว โอเอีฮ นึง ละ พะจาว. มัฮ ยุฮ อื ละ ซ เกือฮ แตะ แปน ซกิ พีญัน ซน่ะ เอะ ไม่ โม เปะ,’ เอะ ซ เกียฮ อัฮ ฆาื อื ละ อื ตอก เซ.

โยชูวา 22:30

ฟีเนฮัต ป มัฮ ซตุ เซ ไม่ โม ฮัวนา เจอ ยุฮ โม อิซราเอน กาว ปุย เซ, เญือม เอีจ ฮมอง อื ป อัฮ โม รูเบ่น, โม กาต, ไม่ โม มะนาเซ เซ, มัฮ โรฮ ป ปุก รพาวม อื.

โยชูวา 24:16

โม ลัปซด่อน อัฮ เฮี, “เอะ แจง นึง โอ แตะ ซ ละ โปวฮ เยโฮวา ละ ซ โฮว ซาวป แตะ ทื พะจาว ไฮญ เญอ.

1 ซามูเอน 12:23

ไลลวง อาึ นึง อื, อาึ ปัว พะจาว เรอึม แตะ โอ เกือฮ อาึ ไก รพาวม ฆวต ลโล่ะ ฮา ไววอน แตะ เพือ โม เปะ. ดัฮ อาึ ลโล่ะ ไววอน แตะ เพือ เปอะ โฮ, ซ แปน เอิน ยุฮ ป พิต ละ พะจาว ฆาื อื. อาึ ซ เพอึก โม เปะ เกือฮ เปอะ ยุง ป มัฮ ป ไมจ ป ญุ่ก ป ปุก ป ลอก โครยญ เจือ.