โยป 9:12 - ้พระคัมภีร์ละว้า

¹² ดัฮ พะจาว ตุย โอเอีฮ ฮา ปุย, มัฮ ปุย ป ซ ปุน คัต เตอ? มัฮ ปุย ซ เกียฮ ไฮมญ ตอก เฮี, ‘ปะ เมอยุ ยุฮ เปอะ เซ?’ ไก โตว ป เกียฮ อัฮ เซ ละ อื.

โยป 9:12 ပူးပေါင်းရင်းမြစ်များ

2 ซามูเอน 16:10

กซัต ด่าวิต ปังเมอ อัฮ เฮี ละ อื, “โม เปะ ป มัฮ กวน เซรูยา เตือง ลอา เปอะ, ไลลวง เซ มัฮ โตว ป เกว ไม่ เปอะ. ดัฮ มัฮ ซะ อื อาึ นึง ดวน พะจาว แตะ ซะ โฮ, มัฮ ปุย ป ซ เกียฮ คัต เตอ?” อัฮ เซ.

โยป 1:21

อัฮ เฮี, “เญือม เกิต เตอะ เกิต ไม่ โกะ ปลาว แตะ. ดัฮ โอก ฮา ปลัฮเตะ โฮ ซ โอก โรฮ ไม่ โกะ ปลาว แตะ โรฮ. พะจาว เอีจ เกือฮ โอเอีฮ เนิ โครยญ เจือ. เอีจ ตุย แม โรฮ อื ฮา เยอะ โครยญ เจือ. ไมจ ปุย ลืลาว มอยฮ พะจาว,” อัฮ เซ.

โยป 10:7

ปะ เอีจ ยุง เปอะ ไอฮ มัฮ อาึ เฮี ปุย โอ ไก พิต เตอ, ไม่ โอ โรฮ อื ไก ป เกียฮ เรอึม อาึ เกือฮ โปน ฮา อัมนัต ระ ยุฮ ปะ เซ.

โยป 11:10

“ดัฮ พะจาว ฮอยจ โฮมวต คัง อาึง ปะ, ไม่ โรวก อื ปะ ละ ซ รเตีฮ อื โฮ, มัฮ ปุย ป ซ ปุน คัต เวียน พะจาว เยอ?

โยป 23:13

“พะจาว เปียน ไป เปียน มา โตว ติ แตะ, ไก โตว ป ปุน คัตคัง เงอ, พะจาว ฆวต ยุฮ อื ตอก ออฮ, เกียฮ ยุฮ อื ตอก เซ.

โยป 33:13

เกียฮ ญวต โน่ง เปอะ พิต ละ พะจาว เมอ? เกียฮ อัฮ โน่ง เปอะ พะจาว โอ โลยฮ ลปุง แตะ เมอ?

โยป 34:29

“ดัฮ พะจาว อาวต โฆย โฮ, มัฮ ปุย ป ซ เกียฮ เติ พะจาว เซ ฆาื อื? มัฮ อาวต โฆย เนอึม พะจาว ตอก เซ, ปุย เกียฮ ยุฮ โตว ป ติ ป เตอื ติ. ปัง มัฮ ปุย แปนๆ เมือง อื, ปัง มัฮ ปุย แปนๆ ปุย อื, เกียฮ โตว อื ติ ตื. ไก โตว ป ปุน คัต ปุย ฆอก ไล ละ โอ อื ซ เกือฮ ตัตเตียง บั่นเมือง เงอ, ไม่ ซ นัม อื ปุย ฮอยจ นึง คระ ไลจ แตะ.

คูไมจพันญา 8:4

ไก โตว ป ซ โรวต ไฮมญ ญอย กซัต นึง ป ซ ยุฮ ซ อัฮ อื, นึง มัฮ กซัต เซ ป ยุฮ อัฮ โอเอีฮ โครยญ เจือ เบือ อัมนัต แตะ.

อิซยา 45:9

“โดง เตะ เอ อัม โรวต อื เติ ป ลวน แตะ เซ? เตะ ซปิต เตอ อัม ซ โรวต อัฮ อื ละ ป ลวน แตะ ตอก เฮี, ‘เมอยุ ลวน เปอะ อาึ ตอก เฮี เยอ? เกียฮ โอ โน่ง เปอะ ยุฮ ฮยวก อื เมอ?’ แจง โอ อื ซ โรวต อัฮ โอเอีฮ ตอก เซ เยอ. ป โรวต เติ ป ซัง แตะ เกิต ตอก เซ แจง ซ ลอก เม่ะมั่ก แตะ ฆาื อื.

เยเรมี 18:6

“โม อิซราเอน ง่อต แลน, ยุฮ ป ลวน โดง เซ ละ เตะ ไปญ แตะ ตอก ออฮ, อาึ โม่ โรฮ ซ เกียฮ ยุฮ ละ โม เปะ ตอก เซ โรฮ? โม เปะ ป มัฮ โม อิซราเอน, โม เปะ อาวต เปอะ นึง เตะ อาึ ตอก อาวต เตะ ซปิต เซ นึง เตะ ป ลวน โดง โฮ.

ด่านีเอน 4:32

ปะ ซ โครฮ ปุย เปอะ โอก ฮา ลลาึง ปุย ปลัฮเตะ. ซ โฮลฮ เปอะ อาวต ไม่ โกะพริ นึง กังเด่น กังปอย. ซ โฮลฮ เปอะ โซม ไรป ตอก โมวก โฮ. ซ โฮลฮ เปอะ อาวต ตอก เซ ฮอยจ ละ ไคว อื อาแลฮ เนอึม, ฮอยจ ละ ยุง แจง แน เปอะ มัฮ อื พะจาว ป ตึก นึง ระ นัน นึง ฮลาวง แตะ ป ไก อัมนัต ละ ตัตเตียง แตะ ปุย โครยญ ปะเทต, ไม่ ปุน เกือฮ อื บั่นเมือง ละ ป ฆวต เกือฮ แตะ,” อัฮ เซ ลเลาะ เซ.

ด่านีเอน 4:35

ละ แลน พะจาว อื, ปุย ปลัฮเตะ เตือง โอยจ อื มัฮ โตว ป ไก งวยฮ ไก ตุง ละ อื. ลลาึง โม เตปด่า ป อาวต เมือง มะลอง เงอ, พะจาว ยุฮ โอเอีฮ ละ อื ตัม ปุก อื รพาวม โกะ แตะ ไอฮ. ลลาึง ปุย ปลัฮเตะ เฮี พะจาว ยุฮ โรฮ อื ตอก เซ โรฮ. ไก โตว ติ ปุย เนอึม ป ปุน คัต เวียน อัมนัต ระ ยุฮ พะจาว เยอ. ป ปุน ตัก ปุน โต ตอก ยุฮ ตอก อัฮ พะจาว โอเอีฮ ปุ โรฮ ไก.

มัตไท 11:26

เปือะ, เอีจ มัฮ ตอก เซ ตอก ปุก อื รพาวม เปอะ,” อัฮ เซ ละ เปือะ แตะ พะเยซู.

มัตไท 20:15

ดัฮ อาึ โกว คาวคอง แตะ ตัม รพาวม โกะ แตะ ไอฮ อัม พิต เตอะ นึง? ดัฮ อาึ ซเปือฮ ละ ปุย, ปะ เมอยุ ลเลียก เปอะ นึง?’ อัฮ เซ ละ อื.

นังซื รโปะ ปาวโล ละ คริตซจัก เวียง โรม 11:34

เอีจ ตอก โรฮ อัฮ พะทัม เฮี, “มัฮ ปุย ป ยุง รพาวม รโม่ยฮ พะจาว? มัฮ ปุย ป โฮลฮ พะจาว ซิงซา โอเอีฮ ไม่ อื?

เอเฟโซ 1:11

โอเอีฮ เมาะ ป ซ ยุฮ พะจาว โครยญ เจือ เซ, เอีจ ยุฮ เนอึม อื ตัม ป เอีจ โปวต แตะ อาึง โตะ รพาวม โกะ แตะ ไอฮ. พะจาว เอีจ เลือก อาึง เอะ เน่อึม เมือ โรง อื ละ ซ เกือฮ อื เอะ แปน ปุย ไน แตะ เบือ รโจะ ดิ เอะ รพาวม แตะ ไม่ พะคริต ตัม ปุก อื รพาวม โกะ แตะ.