ปรเตีฮรตุม 5:30 - ้พระคัมภีร์ละว้า

³⁰ โม เซ ตึน ซ มัฮ ซาวป อื โอเอีฮ ไมจ, ละ ซ รฆุ อื ไม่ ปุ แตะ, ตอก ปรโปวน ไมจๆ ละ ซ โฮลฮ โม ตฮัน อื, ติ ปุย ติ ง่อน, ติ ปุย ลอา ง่อน. ตอก โรฮ พา แนน ไมจ ละ ซิเซรา, พา ซี ลอา คัก ปัก ลวต ไล, ละ ซ เกือฮ อื ละ มะ แตะ ละ ปุก อื โงก แตะ นึง, อัฮ อื ตอก เซ โม ปรโปวน เฮียง เซ. ป มัฮ มะ ซิเซรา เซ อัฮ เลาะ อัฮ ลาึน โรฮ อื ละ โกะ แตะ ตอก เซ.

ปรเตีฮรตุม 5:30 ပူးပေါင်းရင်းမြစ်များ

1 โมเซ 37:3

ป มัฮ ยาโคป ฮรัก โยเซป ฮา กวน ไฮญ แตะ นึง เกิต อื เญือม เอีจ กวต แตะ. ยุฮ ลปิ ลั่ง เตะ ดา ละ โยเซป.

2 ซามูเอน 13:18

กวนไจ ซดิ ยุฮ อัมโนน เซ โครฮ เนอึม ทามัน เกือฮ โอก. ฟวยจ เซ ซอง รเวือะ ซแก อื ไม่ อื. ทามัน เซ จาวป ลปิ ลั่ง เตะ ดา ติ, ตอก ลปิ กอ จาวป ป มัฮ กวน เครีฮ กซัต โฮ.

โยป 20:5

กัน อาวต ไมจ โซม ญุ่ก ปุย ฆอก ปุย เบร เซ ตึน มัฮ ป ไก ติ เตะ โน่ง. รพาวม ไมจ มวน ยุฮ โม ป โอ ยุง พะจาว เซ ไก โรฮ โล่ว โน่ง.

ลืลาว 45:14

จาวป เครอึง ไมจ ด่อก ไมจ ไซฮ ป ไก โฮวน ซี, ปุย โฮว ตาว อื ละ กซัต. โม ปเครีฮ ม่อง ป โฮว ดิ ไม่ อื เซ โฮว ฟวต อื แปน ไล แตะ.

ลืลาว 68:12

โม เซ อัฮ เฮี, “โม กซัต โฮวน ปุย ป ฮอยจ ไม่ ตฮัน โฮวน ยุฮ แตะ เซ เอีจ ตอ โอยจ,” อัฮ เซ. โม ปรโปวน ป อาวต นึง ย่วง เงอ โฮลฮ รฆุ คาวคอง ป โฮลฮ ป ปุน ปุย นึง กัน รุป แตะ เซ ไม่ ปุ แตะ.

2 โมเซ 15:9

โม ป ตอซู ปุ แตะ ไม่ ปะ เอีจ อัฮ เฮี, “อาึ ซ อาื โม เซ ฮอยจ ละ เครอึป แตะ. อาึ ซ รฆุ คาวคอง อื. ซ ฟวยจ รพาวม นึง โฮลฮ แตะ โอเอีฮ ยุฮ อื. อาึ ซ ลวต วิจ แตะ. ซ เกือฮ ชิป เกือฮ ไฆร โอยจ เอิน,” เคียต อัฮ อื ตอก เซ.

2 โมเซ 27:16

นึง โตะ รเวือะ เลียก ปุย เซ ไมจ โรฮ เปอะ ดุฮ พา นึง ละ ซ แปน อื ควน เฆีญ โตะ รเวือะ เซ. เกือฮ ลั่ง ง่า รเนฮ. ไอฮ พา แนน ไมจ ป ไตญ ปุย นึง กอย ซี ฟะ, ซี ซูวัน, ไม่ ซี ซครัก ละ. เกือฮ โรฮ โม ชัง ป เกง ละ ยุฮ แตะ ลวตไล โอเอีฮ ดุฮ ลวตไล นึง พา เซ. เกือฮ ไก ลัก ปาวน ไม่ ควน โบลวง อื ปาวน โรฮ.

ซตอกรเง่อึม 16:19

ปุย ปุน เกือฮ ติ แตะ ตุเตียม, ไม่ โฮมว ดิ อื ไม่ โม ป ตุก ป ญัก เกอ, ไมจ ฮา เลียก ดิ อื นึง คาวคอง บระ โม ป เกียฮ ฮุน.

อิซยา 9:2

โม ป อาวต นา ก เฟียก อื, เอีจ โฮลฮ ยุ ซเปีย ระ. โม ป อาวต ฆรึม อัมนัต ลั่ก ยุม นา ก เฟียก ตัน อื เอีจ รฌิญ โรฮ ซเปีย ละ.

ปรเตีฮรตุม 5:19

เญือม ฮอยจ กซัต โฮวน ละ ตอซู, มู กซัต คะนาอัน เอีจ ฮอยจ รุป. รุป ดิ นึง โบ ทาอานัก ป อาวต ลั่ก โกลง เมกิตโด่, โฮลฮ โตว ซเคระ เละ ไม่ มาื.

ปรเตีฮรตุม 5:29

โม ปรโปวน ระ ไล ไม่ ดอฮ เฮียง ยุฮ อื, เพรียง ตอก ซ โลยฮ แตะ ละ อื ตอก เฮี, ทัน โตว โฮวน ง่อต ไซฮ ไม่ โดยญ,