ปรเตีฮรตุม 5:29 - ้พระคัมภีร์ละว้า

²⁹ โม ปรโปวน ระ ไล ไม่ ดอฮ เฮียง ยุฮ อื, เพรียง ตอก ซ โลยฮ แตะ ละ อื ตอก เฮี, ทัน โตว โฮวน ง่อต ไซฮ ไม่ โดยญ,

ปรเตีฮรตุม 5:29 ပူးပေါင်းရင်းမြစ်များ

เอซเทอ 1:18

ซเงะ เนาะ เฮี โม ปรโปวน เญือะ จาวไน นึง เมือง เปอเซีย ไม่ เมือง มีเดี่ย เตือง โอยจ อื, เญือม ฮมอง อื ไล ยุฮ วัตที เซ, ซ แปน ป กอก อื รโฮงะ ละ ปรเมะ เญือะ แตะ ฆาื อื. เญือม เซ กัน พลิฮ ปุย ปุ แตะ ไม่ กัน รอก พาวม ปุย นึง ปุ แตะ ซ พรุฮ ฆาื อื โฮวน ปุๆ.

ปรเตีฮรตุม 5:28

ป มัฮ มะ ซิเซรา รไม่จ ลั่ง ยุ นา กวน แตะ เซ. มอง แนฮ แก โกะ อื เน่อึม โตะ นาตัง, ฮัง แนฮ ซวน เอีญ อื เน่อึม คระ โฮว. มัฮ ตอก เมอ แนฮ, ไน่ ลอน เลาะ รุป เซิก ยุฮ อื? มัฮ ตอก เมอ แนฮ, ไน่ ลอน ตอ บรอง บั่ว เลาะ ยุฮ อื เซ, อัฮ เซ.

ปรเตีฮรตุม 5:30

โม เซ ตึน ซ มัฮ ซาวป อื โอเอีฮ ไมจ, ละ ซ รฆุ อื ไม่ ปุ แตะ, ตอก ปรโปวน ไมจๆ ละ ซ โฮลฮ โม ตฮัน อื, ติ ปุย ติ ง่อน, ติ ปุย ลอา ง่อน. ตอก โรฮ พา แนน ไมจ ละ ซิเซรา, พา ซี ลอา คัก ปัก ลวต ไล, ละ ซ เกือฮ อื ละ มะ แตะ ละ ปุก อื โงก แตะ นึง, อัฮ อื ตอก เซ โม ปรโปวน เฮียง เซ. ป มัฮ มะ ซิเซรา เซ อัฮ เลาะ อัฮ ลาึน โรฮ อื ละ โกะ แตะ ตอก เซ.