ปรเตีฮรตุม 20:22 - ้พระคัมภีร์ละว้า

^22-23 ฟวยจ เซ โม อิซราเอน ฮาวก ไววอน เนอึม ไววอน แนม ละ พะจาว ไม่ เยือม แตะ ฮอยจ ละ เมือ กปู อื. โม เซ ไฮมญ พะจาว ตอก เฮี, “เอะ อัม ไมจ ฮาวก ตอซู ลั่ง ไม่ โม เบ่นยามิน ป มัฮ โม เอียกปุ แตะ เซ?” อัฮ เซ ละ อื. พะจาว โลยฮ อื ตอก เฮี, “โฮว ตอซู ไม่ เมิฮ,” อัฮ เซ ละ อื. โม อิซราเอน โฮลฮ แม รพาวม เรียง แตะ เบือ อื. อาึง แม ตฮัน ยุฮ แตะ เซ แปน ไล อื ตอก เอีจ ยุฮ แตะ ซเงะ กา เซ.

ปรเตีฮรตุม 20:22 ပူးပေါင်းရင်းမြစ်များ

2 ซามูเอน 11:25

ด่าวิต อัฮ อื ละ ป เอีญ รโฮงะ ละ แตะ เซ ตอก เฮี, “เกือฮ โยอัป อาวต ไม่ ไมจ มวน รพาวม แตะ. ปุ เกือฮ ตุก ลอน รพาวม ฆาื อื. เญือม รุป ปุย ปุ แตะ ตึน ยุม ง่อน ไอม ง่อน. เกือฮ โฮว ละ เรียง แตะ ตอซู อื ปุ แตะ ไม่ เมือง เซ ฮอยจ ละ ปุน อื,” อัฮ เซ ละ อื.

ลืลาว 64:5

ปุย โม เซ ซาวป อัฮ ควน เรียง รพาวม ปุ แตะ ละ ยุฮ แตะ กัน ฆอก. บระ ซิงซา ตอก ซ ตาวง แตะ อาึง แฮวะ ละ ปุย นา ก ไฆลป อื, แกต ปุย โอ ซ ยุ ซ ฮมอง ป ยุฮ ป อัฮ แตะ เซ.

ปรเตีฮรตุม 20:15

เญือม เอีจ รโจะ โม เบ่นยามิน ตฮัน ยุฮ แตะ เน่อึม โครยญ ย่วง เงอ, โม ตฮัน ป ไปญ เครอึง รุป ยุฮ โม เบ่นยามิน เซ ไก ลอา ฮมาึน ไปล แลฮ เปือน ปุย เอิน. โนก ฮา เซ ปุย ย่วง กิเบ่อา เยอ เลือก แม โรฮ ตฮัน เกง ยุฮ แตะ อาแลฮ รอย ปุย.

ปรเตีฮรตุม 20:17

โม ตฮัน ป ไปญ วิจ ยุฮ โม อิซราเอน เนอ ไก ปาวน แซน ปุย. เมีญ โตว ไม่ โม ตฮัน ยุฮ โม เบ่นยามิน เซ.

ปรเตีฮรตุม 20:21

ซเงะ เซ เยอ, โม เบ่นยามิน โอก เน่อึม ย่วง กิเบ่อา เซ, ปุน ยุฮ ยุม ไม่ โม อิซราเอน เซ ลอา ฮมาึน ไปล ลอา เปือน ปุย เอิน.

1 ซามูเอน 30:6

เญือม เซ ด่าวิต ตุก ลัมเลือ รพาวม, นึง ตะ ปุย แล่น แตะ นึง ซโมะ. มัฮ ฆาื กอยจ ราวม โตะ รพาวม ปุย เตือง โอยจ อื เซ นึง เอีจ โฮมวต ปุย กวน รเมะ กวน รโปวน อื เซ. ด่าวิต ปังเมอ โฮลฮ ลั่ง เรียง แด่น แตะ เบือ เปิง แตะ เยโฮวา ป มัฮ พะจาว ยุฮ แตะ เซ.