ปรเตีฮรตุม 16:13 - ้พระคัมภีร์ละว้า

¹³ เด่ลีลา อัฮ แม อื ละ แซมซัน ตอก เฮี, “โม เปะ ยุฮ แนฮ เปอะ ป ลักเลน ละ อาึ. รโฮงะ ซื เปอะ โตว เนิ. ไมจ เปอะ รโฮงะ เนอึม เนิ ตอก ซ เกียฮ ปุก ปุย เปอะ,” อัฮ เซ ละ อื. แซมซัน อัฮ อื ตอก เฮี, “ดัฮ โม เปะ โกว ฮาึก อาึ เฮี เตือง อาแลฮ รโจ อื ตัง กอย เบรีญ เปอะ นึง ฟึม, ไม่ โดวง โรฮ เปอะ นึง ปละ ปอ แนน อื, อาึ ซ ชุม โรฮ เรียง เงอะ ตอก ปรเมะ ไฮญ,” อัฮ เซ ละ อื. ฟวยจ เซ ลไล ไอจ อื เด่ลีลา เยอ เบรีญ เนอึม ฮาึก แซมซัน เซ นึง ไตญ ยุฮ แตะ เตือง อาแลฮ รโจ อื, โดวง แม โรฮ อื เกือฮ แนน.

ปรเตีฮรตุม 16:13 ပူးပေါင်းရင်းမြစ်များ

ปรเตีฮรตุม 14:17

ไน ติ เจน อาแลฮ ซเงะ โซมญุ ปุย เซ ปรโปวน เซ เยือม แนฮ ละ แซมซัน. ซเงะ ลอยจ อื แซมซัน รโฮงะ อื ละ อื นึง อัฮ ลอป ลอน อื ละ แตะ ตอก เซ. ปรโปวน เซ ลอต เอิน อู อื ละ โม ปุ ย่วง แตะ.

ปรเตีฮรตุม 16:10

ฟวยจ เซ เด่ลีลา อัฮ เฮี ละ แซมซัน, “โม เปะ ยุฮ เยือ เปอะ ป ลักเลน ละ อาึ. รโฮงะ ซื เปอะ โตว เนิ. ปัว เนอึม โม เปะ รโฮงะ เนิ ตอก ซ ปุน ปุก ปุย เปอะ,” อัฮ เซ ละ อื.

ปรเตีฮรตุม 16:12

เด่ลีลา ซาวป เนอึม โม่ะ โคระ ฆาื อื. ปุก อื นึง อื. เอีจ เกือฮ แม โม ฟีลิซเตีย เม่าะ แม ละ อื นึง เญือะ แตะ. กอก อัฮ อื ละ แซมซัน ตอก เฮี, “แซมซัน, โม ฟีลิซเตีย ซ ฮอยจ โฮมวต โม เปะ,” อัฮ เซ ละ อื. แซมซัน ซโบรวต เอิน โม่ะ เซ, ดุต ยุฮ อื ตอก ดุต ปุย ยุฮ กอย ชิญ เครอึง โฮ.

ปรเตีฮรตุม 16:14

ฟวยจ เซ อัฮ แม เฮี ละ อื, “แซมซัน, โม ฟีลิซเตีย ซ ฮอยจ โฮมวต โม เปะ,” อัฮ เซ ละ อื. แซมซัน โปวะ. เมือะ เอิน ปุ โฮว เครอึง ไตญ อื เซ ไม่ ฟึม โอเอีฮ นึง ฮาึก แตะ โฮว ไม่ อื.