ปรเตีฮรตุม 1:2 - ้พระคัมภีร์ละว้า

² พะจาว อัฮ เฮี ละ อื, “เกือฮ เจอ ยูด่า โฮว รุป รกา. อาึ เอีจ มอป โรฮ บั่นเมือง เซ เกือฮ อาวต ฆรึม อัมนัต อื โรฮ,” อัฮ เซ.

ปรเตีฮรตุม 1:2 ပူးပေါင်းရင်းမြစ်များ

4 โมเซ 2:3

โม ป ยุฮ ไคะ นึง ลวง ลั่ก โอก ซเงะ นึง อื ไมจ เปอะ เกือฮ อาวต ฆรึม โทง ไคะ ยุฮ โม ยูด่า. ป มัฮ ฮัวนา ยุฮ เจอ ยูด่า เซ มัฮ นาโชน กวน อัมมีนาดั่ป.

4 โมเซ 7:12

ปุย โม เซ โรวก เนอึม ทไว โอเอีฮ ติ ซเงะ ติ ปุย ตัม ไล อื ตอก เฮี. ซเงะ ติ มัฮ นาโชน กวน อัมมีนาดั่ป ป มัฮ เจอ ยูด่า. ซเงะ ลอา มัฮ เนทันเอน กวน ซูอา ป มัฮ เจอ อิตซาคา. ซเงะ ลอวย มัฮ เอลีอัป กวน เฮโลน ป มัฮ เจอ เซบู่ลุน. ซเงะ ปาวน มัฮ เอลีซู กวน เชเด่เออ ป มัฮ เจอ รูเบ่น. ซเงะ พอน มัฮ เชลูมิเอน กวน ซุรีชัตได่ ป มัฮ เจอ ซิเมโอน. ซเงะ แลฮ มัฮ เอลียาซัป กวน เด่อูเอน ป มัฮ เจอ กาต. ซเงะ อาแลฮ มัฮ เอลีชามา กวน อัมมีฮุต ป มัฮ เจอ เอฟราอิม. ซเงะ ซเตะ มัฮ กามาลิเอน กวน เปด่าซู ป มัฮ เจอ มะนาเซ. ซเงะ ซไตม มัฮ อาบี่ดั่น กวน กิเด่โอนี ป มัฮ เจอ เบ่นยามิน. ซเงะ กาว มัฮ อาฮิเยเซอ กวน อัมมีชัตได่ ป มัฮ เจอ ด่าน. ซเงะ กาว โรฮ ติ มัฮ ปากีเอน กวน โอครัน ป มัฮ เจอ อาเชอ. ซเงะ กาว ลอา มัฮ อาฮิรา กวน เอนัน ป มัฮ เจอ นัปทาลี. โอเอีฮ ป โรวก ปุย โม เซ ละ ซ ทไว แตะ ป ตอก อื ปุ แตะ นึง อื มัฮ โอเอีฮ โม เฮี. มัฮ เชือม มาื ติ, นัมนัก ติ รอย ไม่ ง่วย เชเคน, ไม่ กลอง มาื ติ, นัมนัก อาลแฆลฮ เชเคน, ตัม เชเคน โกว ปุย นึง ฮอง ซัมคัน เซ. โอเอีฮ ลอา เจือ เซ นาวก นึง ญอต แปง ซเบื่อก ไม่ ลออยฮ, ตอก ไล กอ ทไว ปุย เฮงาะ รโกะ ละ พะจาว โฮ. มัฮ แม เชือม ไคร ติ, นัมนัก กาว เชเคน, นาวก นึง กัมยัน ละ ซ ตอง อื ทไว ละ พะจาว. มัฮ แม กวน โมวก โปก ติ ตัว, แกะ โปก ติ ตัว, กวน แกะ โปก อาญุ ติ เนอึม ติ ตัว, ละ ซ ตอง อื ทไว เตือง ตัว อื. มัฮ แม ปิ โปก ติ ตัว, ละ ซ ทไว อื แปน ควน โตฮ อื ติ แตะ ฮา มั่ป ยุฮ แตะ. มัฮ แม โมวก โปก ลอา ตัว, แกะ โปก พอน, ปิ โปก พอน, ไม่ กวน แกะ โปก ป ไก อาญุ อื ติ เนอึม พอน ตัว, ละ ซ ทไว อื แปน ควน รโจะ ดิ อื รพาวม แตะ ไม่ พะจาว.

ฮีบรู 7:14

เอีจ ที ละ ปุย มัฮ พะโองจาว เซ ปุย เกิต เน่อึม นึง เจอ ยูด่า. ไอ โมเซ เญือม อัฮ อู อื ไลลวง ซตุ โฮ, อัฮ โตว ซตุ ซ ไก เน่อึม นึง เจอ เซ เฟือฮ.

โยชูวา 2:24

อัฮ เฮี, “พะจาว เอีจ เกือฮ เนอึม เมือง เฮี ละ เอะ เตือง โอยจ อื. ปุย นึง อื เตือง โอยจ อื เอีจ อัฮ เตะ ฮรัม ชวง ฆาื ฮลัต ลอน แตะ นึง โม เอะ,” อัฮ เซ.

รโฮงะ 5:5

ป ระ ป คาว เซ ติ ปุย อื อัฮ เฮี เนิ, “ปุ เยือม ฆาื, มอง แลน, รเวีย ซิงโต ป มัฮ เจอ ยูด่า ไม่ มัฮ โรฮ อื จัตเจือ ด่าวิต เซ, เอีจ ปุน เต อื ทา อาแลฮ เซ ไม่ ไลฮ อื นังซื เซ นึง เอีจ มัฮ อื ป เป โอเอีฮ โครยญ เจือ,” อัฮ เซ.

ปรเตีฮรตุม 1:3

โม ยูด่า เซ บะ โรฮ โม เอียกปุ แตะ ป มัฮ เจอ ซิเมโอน เซ โฮว ไม่ แตะ. อัฮ เฮี ละ อื, “โฮว ดิ ไม่ เอะ เอ, ฮอยจ นึง นาตี ก มอป ไม พะจาว อาึง เนิ, ละ ซ โฮว รุป ปุ แตะ ไม่ โม คะนาอัน นา เซ. ฟวยจ เซ เอะ ซ โฮว เรอึม โรฮ รุป ไม่ โม เปะ นึง นาตี ก มอป พะจาว อาึง ละ โม โกะ เปอะ โรฮ,” อัฮ เซ. โม ซิเมโอน เซ โฮว เนอึม ไม่ อื ฆาื อื.

ปรเตีฮรตุม 20:18

เญือม เซ โม อิซราเอน เนอ โอก โฮว ฮอยจ ละ ย่วง เบ่ตเอน. โฮว ไฮมญ พะจาว นา เซ ตอก เฮี, “โอ พะจาว, มัฮ ปุย นึง อื ไน โม เอะ เฮี ป ซ เกือฮ เปอะ โฮว รุป ไม่ โม เบ่นยามิน รกา เยอ?” อัฮ เซ. พะจาว อัฮ เฮี ละ อื, “เกือฮ โม ยูด่า โฮว รกา,” อัฮ เซ.

ปรเตีฮรตุม 20:28

ซตุ ป รซอฮ ละ พะจาว นึง ลั่กกา ฮิต ลปุง ซันญา เซ มัฮ ฟิเนฮัต กวน เอเลอาซา. (เอเลอาซา เซ มัฮ กวน อาโรน.) เญือม เซ โม อิซราเอน เนอ เกือฮ ฟิเนฮัต เซ ไฮมญ พะจาว ตอก เฮี, “โม เอะ อัม ไมจ แม โฮว ตอซู ปุ แตะ ไม่ โม เบ่นยามิน ป มัฮ เอียกปุ แตะ เซ ติ โฮน แม? อัม ไมจ เอะ ลโล่ะ ฮา?” อัฮ เซ ละ อื. พะจาว อัฮ เฮี ละ อื, “โกฮ โฮว เมิฮ. ซง่าวป เปอ อาึ ซ เกือฮ โม เซ ไป นึง โม เปะ,” อัฮ เซ ละ อื.