อิซยา 19:20 - ้พระคัมภีร์ละว้า

²⁰ มัฮ ละ ซ เกือฮ อื แปน เคืองไม ควน เกือฮ ปุย นึง เมือง อียิป เซ ยุง มัฮ พะจาว กุม ตฮัน มะลอง เซ ป ซัมคัน. เญือม ลอก โม เซ กัน โคมเฮง ปุย แตะ ไม่ กอก อื ปัว พะจาว เรอึม แตะ, พะจาว ซ เกือฮ เนอึม ป เรอึม อื ฮอยจ ละ อื. ป เรอึม อื เซ ซ เรอึม เนอึม อื เกือฮ โปน ฮา ป โอ ไมจ โครยญ เจือ.

อิซยา 19:20 ပူးပေါင်းရင်းမြစ်များ

ลืลาว 50:15

เญือม ฮอยจ เม่ะมั่ก ซักคระ ละ เปอะ, ไมจ เปอะ กอก ปัว อาึ เรอึม แตะ. อาึ ซ เรอึม เนอึม โม เปะ, เญือม เซ โม เปะ ซ โฮลฮ เปอะ ลืลาว อาึ ฆาื,” อัฮ เซ พะจาว.

2 โมเซ 2:23

เญือม เอีจ เลี่ญ อื กซัต เมือง อียิป เซ ยุม. เญือม เซ โม อิซราเอน แงงัฮ นึง โซะ ป อาวม แตะ นึง แปน อื ครา ปุย, กอก ปัว พะจาว เรอึม แตะ ฆาื อื. รซอม ปัว อื เซ ฮอยจ เนอึม ละ พะจาว.

2 โมเซ 3:7

เญือม เซ พะจาว อัฮ เฮี ละ อื, “อาึ เอีจ ยุ อุ เม่ะมั่ก อาวม ปุย ไน อาึ ป อาวต นึง เมือง อียิป เปอ. อาึ เอีจ ฮมอง เงอะ แงงัฮ อื ฆาื คนัป โม ไนกุม อื ยุฮ กัน. อาึ ยุง เงอะ เมาะ โซะ ป อาวม อื.

อิซยา 19:4

อาึ ซ เกือฮ โม อียิป โฮลฮ อาวต ฆรึม อัมนัต จาวไน ซวก, ซ เกือฮ โรฮ กซัต ฆอก รพาวม ติ ปุย แปน ป ตัตเตียง อื,” อัฮ เซ เยโฮวา ป มัฮ พะจาว กุม ตฮัน มะลอง เงอ.

อิซยา 20:4

กซัต เมือง อัตซีเรีย เซ ซ โรวก ฆาวง โม อียิป ไม่ โม เอทิโอเปีย เกือฮ แปน ครา เตือง ป ระ ป ตุ กวนดุ ป กวต. ปุย โม เซ ซ โฮว โยะ เครึอง ไม่ โฮว โยะ เกิป อื. ซ โอก เยือ เตือฮ, โม อียิป เซ ซ โซะกิจ เนอึม ฆาื อื.

อิซยา 37:36

ฟวยจ เซ เตปด่า ยุฮ พะจาว โฮว เลียก ลลาึง พากัง อาวต ตฮัน โม อัตซีเรีย. ยุฮ ยุม ไม่ อื 185,000 ปุย เอิน. ปวยฮ พริ เซ เญือม เอีจ โกฮ ปุย เน่อึม ไอจ แตะ ยุ เอิน โม ป ยุม โฮวน เซ.

อิซยา 43:11

มัฮ อาึ โน่ง ป มัฮ พะจาว เยอ. มัฮ อาึ โน่ง ป เรอึม เปอะ เกือฮ โปน ฮา ป โอ ไมจ เจอ.

อิซยา 43:3

อาึ มัฮ เยโฮวา พะจาว ยุฮ เปอะ, อาึ มัฮ พะจาว ซง่ะ ซงอม ยุฮ อิซราเอน ป เกือฮ โม เปะ โปน เม่ะมั่ก แตะ. อาึ ญอม เกือฮ เมือง อียิป ละ แปน อื งวยฮ โตฮ แตะ โม เปะ. ซ เกือฮ เมือง เอทิโอเปีย ไม่ ย่วง เซบ่า รโตง เปอะ.

อิซยา 45:15

โอ พะจาว ป มัฮ พะจาว ทื โม อิซราเอน, ปะ มัฮ เปอะ ป เกียฮ เรอึม ปุย เกือฮ โปน ป โอ ไมจ. ปะ มัฮ เนอึม เปอะ พะจาว ป เกือฮ ติ แตะ ไฆลป ฮา ไง่ ปุย.

อิซยา 52:5

พะจาว อัฮ เฮี, “ปเลี่ย เฮี มัฮ เมอ แม ป เอีจ เกิต ละ ปุย เยอ? ปุย ไน อาึ เอีจ ไก ป ฮอยจ โฮมวต เยือ โรวก เตือง โอ ปุย โฮลฮ กัฮ งวยฮ อื. ป มัฮ จาวไน นึง เมือง โรวก อื เซ เคียต พามัต ดู่แควน อาึ. เพียก ลอป มอยฮ อาึ ไม่ อื เน่อึม เมือ กซะ ฮอยจ ละ เมือ กปู อื.

อิซยา 55:13

นา ก โฮวน กัต ซ กวยฮ โคะ ฆิ รจวง นึง. นา ก โฮวน ไรป ฆอก ซ กวยฮ โคะ ฆิ ซออย ฮงาื นึง. เญือม เกิต โอเอีฮ ตอก เซ มอยฮ อาึ ซ ระ เนอึม ไล ละ ปุย ฆาื อื. ซ แปน เคืองไม ซัมคัน ละ ปุย โอ เญาะ ไก ลอยจ,” อัฮ เซ พะจาว.

อิซยา 60:16

ปุย โฮวน ปะเทต ไม่ โม กซัต โฮวน โอง เงอ ซ แลน แก โซะโกะ ฮรักซา นึง เปอะ, ตอก มะ ปโกวน ป โอม กวน แตะ เกือฮ ปุ โฮ. เญือม เซ ปะ ซ ยุง เปอะ มัฮ อาึ พะจาว ป เกือฮ เปอะ โปน ฮา ป โอ ไมจ เจอ. เอีจ มัฮ อาึ ป มัฮ พะจาว ป ระ อัมนัต ยุฮ ยาโคป เซ ป โตฮ ปะ เกือฮ โปน โอเอีฮ ฮี.

อิซยา 63:8

พะจาว เอีจ อัฮ อื ตอก เฮี, “ปุย โม เซ เอีจ แจง แน มัฮ อื ปุย ไน อาึ อื, เอีจ มัฮ กวน เนอะ, มัฮ ป โอ ซ ยุฮ กัน บ่วก ละ อาึ,” อัฮ เซ. เคียง มัฮ อื ตอก เซ, พะจาว เอีจ เรอึม อื เกือฮ โปน ฮา เม่ะมั่ก รพาวม ตุก ป เกิต ละ อื ฆาื อื. มัฮ โตว เตปด่า, เอีจ มัฮ เอิน พะจาว เซ ป เรอึม อื เกือฮ โปน ฮา ป โอ ไมจ เจอ, เอีจ โตฮ เนอึม อื เบือ รพาวม ฮรัก แตะ, เอีจ ยวก โรฮ โอม อื เบือ เลียก พาวม โซะไง่ แตะ นึง อื. พะจาว เอีจ ตึน ยุฮ อื ตอก เซ เน่อึม โฆะ ลั่ง.

ลูกา 2:11

เนาะ ก ซาวม เฮี นึง ย่วง ด่าวิต เตอ, เอีจ เกิต ป ซ เกือฮ โม เปะ โปน มั่ป ยุฮ เปอะ นึง ติ ปุย. มัฮ เนอึม พะคริต จาว ป เกิต เซ.

ติโต 2:13

กุนมุ่น เซ มัฮ โรฮ ป เกือฮ เอะ รกวน ซเงะ ไมจ มวน ยุฮ พะจาว เซ ไม่ ซโอว รพาวม แตะ นึง. มัฮ เญือม ซ ฮอยจ เปลีฮ พะจาว ป ตึก นึง ระ แตะ เซ ติ แตะ, ไม่ รัง ซเปีย คึนัก ยุฮ แตะ. มัฮ เนอึม พะเยซูคริต ป เกือฮ เอะ โปน มั่ป ป ซ ฮอยจ เซ.

ยาโคโบ่ 5:4

โม เปะ บ่วก เปอะ นึง โอ เปอะ เกือฮ จังลา ป มัก เฮงาะ ยุฮ แตะ. โม ป มัก เฮงาะ ยุฮ เปอะ รักเริ นึง โอ อื โฮลฮ จัง แตะ. จังลา โอ เปอะ เกือฮ เซ เอีจ รโจฮ โม เปะ ไอฮ. เซียง โม ป มัก เซ เอีจ เลียก โตะ ฮยวก พะจาว กุม ตฮัน มะลอง.

โยชูวา 22:34

โม รูเบ่น ไม่ โม กาต อัฮ คัน ซกิ พีญัน ไม่ คัน ยุฮ แตะ เซ. มัฮ อัฮ อื ตอก เฮี, “คัน เซ มัฮ ซกิ พีญัน ซน่ะ เอะ เตือง ลอา มู เยอะ นึง ซ เกือฮ อื เอะ ยุง, มัฮ เนอึม เยโฮวา เซ พะจาว,” อัฮ เซ.