โฮเชยา 10:11 - ้พระคัมภีร์ละว้า11 “ไพรม อื เอฟราอิม เซ มัฮ ตอก โมวก ชัง ป เอีจ โฮลฮ ปุย เพอึก เกือฮ ยุฮ กัน โฮ, ญอม บึน เฮงาะ ไม่ เตม รพาวม แตะ. ปเลี่ย เฮี อาึ ปังเมอ ซ ดุฮ แอก นึง โงก ไมจ อื เซ ละ ซ เกือฮ เยอะ ยุฮ กัน โซะ. อาึ ซ เกือฮ ยูด่า แปน ป เมือะ ไท. ซ เกือฮ โรฮ อิซราเอน แปน ป เมือะ เพือ นึง อื. အခန်းကိုကြည့်ပါ။ |
โฮเชยา 10:11
13 ပူးပေါင်းရင်းမြစ်များ
มัฮ ฆาื มัฮ มะ อื ปุย เลน จุ. มะ อื ป เกือฮ กวนดุ เกิต นึง แตะ เซ มัฮ เนอึม ป ยุฮ ควน โซะกิจ ปุย นึง. ปรโปวน เซ เอีจ อัฮ ไอฮ อื ตอก เฮี, ‘อาึ ซ โฮว ฟวต โม ปรเมะ ฮรัก แตะ เซ, นึง มัฮ อื ป เกือฮ อาวป ละ โซม เมอะ, ไม่ เกือฮ อื รอาวม ละ ญุ อุ. เอีจ เกือฮ ฮาึก แกะ, ไม่ เกือฮ อื พา แนน ไมจ เนิ. เอีจ เกือฮ โรฮ ลออยฮ กาวก ไม่ รอาวม อะงุน เนิ,’ อัฮ เซ.
พะจาว อัฮ อื ละ อาึ ตอก เฮี, “ไมจ แม เปอะ โฮว ติ โฮน, ไมจ เปอะ เปลีฮ รพาวม ฮรัก แตะ ละ ปรโปวน เญือะ เปอะ ป เอีจ ไก ป ฮรัก ไม่ เอีจ เลน อื จุ ไม่ เซ. ปะ ไมจ เปอะ ฮรัก ปรโปวน เซ ตอก ฮรัก อาึ โม อิซราเอน โฮ, ปัง เอีจ ลเตือฮ ปุย โม เซ ติ แตะ ฮา อาึ นึง ซาวป แตะ ไว พะ ไฮญ ไม่ เอีจ ทไว อื เปลิ อะงุน ซออฮ ละ ฮุป เซ ญุ่ก,” อัฮ เซ เนิ.
พะจาว อัฮ เฮี, “โม เปะ ปุย เวียง เยรูซาเลม, โกฮ ปุฮ แปฮ ปุย โม เซ ตอก ปุฮ ปุย เฮงาะ โฮ เมิฮ. อาึ ซ เกือฮ โม เปะ ระ เรียง ตอก โมวก ไก โด่วง ไร, ตอก โรฮ โมวก ไก กลอฮ ไร ซเงี โฮ. โม เปะ ซ เกือฮ เปอะ เมือง ปุย ม่ะ บลวย. คาวคอง รโจะ โม เซ อาึง นึง ยุฮ แตะ กัน ไฮะฮอน, โม เปะ ซ ทไว แม เปอะ ละ อาึ ป มัฮ พะจาว กุม ปลัฮเตะ เตือง โอยจ อื,” อัฮ เซ พะจาว.
ကြော်ငြာတွေ