ฮีบรู 2:15 - ้พระคัมภีร์ละว้า

¹⁵ เอีจ มัฮ เกือฮ อื โม ป มัฮ ครา เซีญ พี ฆาื ฮลัต อื นึง ซ ยุม แตะ ล่อยญ เจน แตะ เซ โปน ฮา โอเอีฮ ตอก เซ.

ฮีบรู 2:15 ပူးပေါင်းရင်းမြစ်များ

โยป 18:11

โอเอีฮ ป เกือฮ อื ฮลัต เตีจ โตวฮ ฆราึง เซ ซ อาวต เอิน รวิต โกะ อื, ไม่ ซ อาื เอิน อื ตอก อาื โอเอีฮ เกียต ล่อยจ ปุย โฮ.

โยป 18:14

ปุย เซ ซ โฮลฮ ปุย เมือะ โอก ฮา พากัง ยุฮ อื ป อาึง อื รพาวม แตะ นึง เซ. ซ โฮลฮ โรฮ ปุย โตวก โรวก ฮอยจ เคะ กซัต เมือง ป ยุม.

โยป 24:17

ปุย โม เซ โกว เมือ ก ซาวม ตัง เมือ ซเง่ะ อื, นึง มัฮ อื ป เอีจ โกย อาวต แตะ นา ก เฟียก อื ตอก เซ.

ลืลาว 33:19

พะจาว เกือฮ โม เซ โปน ฮา ลั่กยุม แตะ. ปัง ไปลญ เออึป ปุย, ปุน เกือฮ ลั่ง อื ไอม.

ลืลาว 55:4

อาึ อาวต ไม่ รพาวม รไจจ แตะ, โอยจ เปละ โอยจ พาวม เมอะ นึง เอีจ ซดิ แตะ ไม่ ลั่ก ยุม.

ลืลาว 56:13

ปะ เอีจ เรอึม เปอะ อาึ เกือฮ โปน ฮา ลั่ก ยุม, เกือฮ เปอะ อาึ อาวต ตอน อาวต ฮมัน, ละ ซ เกือฮ เปอะ อาึ โฮลฮ รโจะ ดิ รพาวม แตะ ไม่ เปอะ นึง รัง ซเปีย ป เกือฮ ปุย โฮลฮ จีวิต แตะ.

ลืลาว 73:19

ปะ ยุฮ พราวป เอิน เปอะ ไลจ ไม่ อื, เกือฮ เปอะ ป โตะ ป ตอง ฮอยจ พราวป ละ ปอ ไลจ ปอ ไฆร โอยจ อื.

ลืลาว 89:48

อัม ไก ง่อน ปุย ปลัฮเตะ เฮี ป โอ อื ซ ยุม เมอ? อัม ไก ป เกียฮ เกือฮ ติ แตะ โปน ฮา ลั่ก ยุม เมอ? แจง โอ อื ไก.

นังซื รโปะ ปาวโล ละ คริตซจัก เวียง โรม 8:15

ลปุ ป เอีจ เกือฮ พะจาว ละ เปอะ มัฮ โตว ป เกือฮ โม เปะ แปน ครา โอเอีฮ. มัฮ โตว ป เกือฮ เปอะ อาวต ไม่ รพาวม ฮลัต เตีจ แตะ. ลปุ เซ มัฮ เกือฮ อื เอะ เกียฮ แปน กวน พะจาว. เอะ โฮลฮ เนอึม อัฮ เปือะ ละ พะจาว เบือ ลปุ อื เซ. “เปือะ เกอะ,” โฮลฮ เนอึม อัฮ เซ ละ.

นังซื รโปะ ปาวโล ละ คริตซจัก เวียง โรม 8:21

ซ ไก ติ ซเงะ เญือม ซ โปน โอเอีฮ ป ยุฮ พะจาว เซ ฮา กัน ซ เกียฮ ไลจ เกียฮ ไฆร แตะ เซ. ซ ตอก โรฮ โปน ป ตุต ฮา เฮลีจ นึง แตะ โฮ. โอเอีฮ ยุฮ พะจาว เซ มัฮ ตื ป ซ โฮลฮ เลียก ดิ นึง โญตซัก ยุฮ โม ป มัฮ กวน พะจาว, ไม่ ซ โฮลฮ อื โปน ดิ แปน แตะ ครา โอเอีฮ โอ ไมจ ไม่ อื.

2 โคริน 1:10

ปัง เอีจ ซเปี ยุม เอะ ตอก เซ, พะจาว เอีจ เกือฮ เอะ โปน อื. โนก ฮา เซ ซ เกือฮ ลั่ง เอะ โปน อื. ดัฮ โม เปะ เรอึม โรฮ เพือ เอะ นึง รซอม ไววอน แตะ, เอะ เจือ เนอึม เมอะ ซ เกือฮ ลั่ง พะจาว เอะ โปน ป ซ เกิต ละ แตะ เซ. เญือม เซ พะจาว ซ เกือฮ เนอึม อื ตัม ป ปัว ปุย โฮวน นึง แตะ รโตง เอะ เซ. พะจาว ซ เกือฮ กุนมุ่น ยุฮ แตะ ละ เอะ เบือ อื. เญือม เซ โฮวน ป ซ ญันดี่ นึง พะจาว เบือ ป โฮลฮ เอะ เซ.

กะลาเทีย 4:21

โม เปะ ป ฆวต เกือฮ ติ แตะ อาวต ฆรึม โกตไม, อาึ ฆวต ไฮมญ โอเอีฮ นึง เปอะ ติ เจือ. อัม มัฮ โอ เปอะ ยุง ป อัฮ โกตไม เซ ละ ปุย?

2 ทิโมที 1:7

ลปุ พะจาว ป เกือฮ อื ละ เอะ เซ มัฮ โตว ป เกือฮ เอะ ฮลัต นึง โอเอีฮ. มัฮ ป เกือฮ เอะ อาวต ไม่ อัมนัต ไม่ รพาวม ฮรัก, ไม่ เกือฮ อื เอะ ปุน เตียง ไอฮ รพาวม แตะ.

ฮีบรู 2:16

ป เนอึม นึง อื มัฮ โตว ฮอยจ เรอึม อื โม เตปด่า. มัฮ ฮอยจ เรอึม อื โม ป มัฮ จัตเจือ อัปราฮัม.