ฮักไก 2:18 - ้พระคัมภีร์ละว้า

¹⁸ ง่อต แลน เมอะ, ซเงะ เนาะ เฮี มัฮ วันที ง่า โรฮ ปาวน เคิ ซไตม, มัฮ เญือม เอีจ ฟวยจ ตุม ปุย ซโมะ นึง ทัน วิฮัน ยุฮ พะจาว เซ. ไมจ เปอะ ง่อต ที แลน ป ไมจ ป ซ ฮอยจ ละ เปอะ เคียง เฮี โฮว ไป นา.

ฮักไก 2:18 ပူးပေါင်းရင်းမြစ်များ

เอซรา 4:24

เญือม เซ กัน ยุฮ ปุย วิฮัน นึง เยรูซาเลม เซ แปน เนอึม ลโล่ะ ฆาื อื, ฮอยจ ละ ซไม แปน ด่าริอัต กซัต ระ นึง เมือง เปอเซีย เซ เนอึม ลอา นึง อื.

3 โมเซ 19:25

เญือม เอีจ มัฮ อื เนอึม พอน นึง อื, โม เปะ ลัง โซม เปอะ เปลิ โคะ เซ. ดัฮ เปอะ ยุฮ ตอก เซ, อาึ ซ เกือฮ โคะ ซมา เปอะ เซ ระ เน่อึม เกลอึม เปลิ ละ เปอะ ฆาื อื, อาึ มัฮ เยโฮวา พะจาว ยุฮ เปอะ.”

ฮักไก 2:10

วันที ง่า โรฮ ปาวน เคิ ซไตม เนอึม ลอา นึง กัน แปน ด่าริอัต กซัต ระ เซ, พะจาว อัฮ แม โอเอีฮ ละ ฮักไก ป ซึป ลปุง แตะ เซ.

ฮักไก 2:15

พะจาว อัฮ แม เฮี, “โม เปะ ไมจ เปอะ ง่อต ที แลน ป ไมจ ป ซ เกิต ละ เปอะ เซ, เน่อึม ปเลี่ย เฮี โฮว ไป นา. กา เฆียง ตัง เปอะ รที แตะ ละ ซ ยุฮ โคระ แม เปอะ วิฮัน ยุฮ พะจาว เฮี,

เซคาริยา 4:9

“เซรูบ่าเบ่น เอีจ ฟวยจ ยุฮ อื ทัน วิฮัน เนอ. ซ ยุฮ เนอึม วิฮัน เซ ฮอยจ ละ ฟวยจ อื. เญือม เอีจ เกิต โอเอีฮ ตอก เซ, โม ปุย ไน อาึ อื ซ ยุง อื นึง เซ มัฮ อื อาึ ป ดวน ปะ ฮอยจ เคะ อื.

เซคาริยา 8:12

อาึ ซ เกือฮ โม เซ โฮลฮ อาวต ไมจ อาวต มวน ไม่ จเลิน แตะ. อะงุน นึง รปึม ยุฮ อื ซ เกลอึม เปลิ, ปลัฮเตะ อาวต อื ซ ไมจ ป ซมา ลโลวง นึง. มะลอง ซ เกือฮ รอาวม รน่ะ ราื ละ ปลัฮเตะ อาวต อื. โม ลัปซด่อน ป โฮฮ ลั่ง เซ ซ โฮลฮ โอเอีฮ โม เซ แปน คอง แตะ.

เซคาริยา 8:9

พะจาว กุม ตฮัน มะลอง อัฮ แม เฮี, “ไมจ เปอะ ตุย รพาวม เรียง แตะ. ปเลี่ย เฮี โม เปะ เอีจ ฮมอง โรฮ เปอะ ลปุง ติ ไล เซ เน่อึม นึง มวยญ ป ซึป ลปุง พะจาว ป ฮมอง ไพรม เปอะ ซเงะ ยุฮ โรง ปุย ทัน วิฮัน ยุฮ อาึ โฮ.

5 โมเซ 32:29

มัฮ มัฮ อื ปุย เฮียง ยุง, ตึน ซ คาวไจ อื ไลลวง ป เกิต ละ แตะ เฮี, ไม่ ซ ยุง โรฮ อื ตอก ซ มัฮ ซ แปน ลั่ก ก ลอยจ อื,” อัฮ เซ.