ฮาบ่ากุก 2:13 - ้พระคัมภีร์ละว้า

¹³ กัน ยุฮ ปุย โฮวน เมือง เซ มัฮ เยือ เมาะ โซะไมญ ปลาว อื. โอเอีฮ เมาะ ป กึต ป ซัง อื เซ ซ ฮะ เยือ นึง งอ ปอ ล่อยญ โอยจ อื, มัฮ พะจาว กุม ตฮัน มะลอง ป ซ ยุฮ ตอก เซ เยอ.

ฮาบ่ากุก 2:13 ပူးပေါင်းရင်းမြစ်များ

2 ซามูเอน 15:31

ไก ป ฮอยจ อัฮ ละ ด่าวิต เซ ตอก เฮี, “อาฮิโทเฟน เซ เอีจ พาวม ดิ โรฮ ไม่ โม อัปซาโลม ป ฆวต ตอซู ไม่ เปอะ เซ,” อัฮ เซ. ด่าวิต ไววอน ฆาื อื ตอก เฮี, “โอ พะจาว, ปัว ปะ เกือฮ ป อัฮ ป มวยญ อาฮิโทเฟน เซ โอ แปน ป โกว,” อัฮ เซ.

ลืลาว 39:6

ปุย ปลัฮเตะ เฮี เปียน ไป เปียน มา ตอก ปุโรม โฮ. เกือฮ กัน โจน ละ แตะ นึง ซาวป แตะ ริ ฮา คาวคอง โอ ไก เนอึม ป มัฮ. รโจะ อาึง อื, ลั่ก ก ลอยจ อื ปังเมอ โอ ยุง ป ซ โฮลฮ กุม คาวคอง ยุฮ แตะ เซ.

ซตอกรเง่อึม 21:30

ไก โตว ป เป พะจาว เยอ. ปัง โกว พันญา แตะ, ปัง โกว ป คาวไจ แตะ, ปัง โกว แม ปุ ซิงซา แตะ, เป โตว เบือ อื ติ ตื เนอึม.

อิซยา 50:11

โม เปะ เตือง โอยจ เปอะ ป ซาวป ตอก ซ เกือฮ แตะ ปุย ไฮญ ไลจ โลม, เอีจ มัฮ เปอะ ปุย ตอก ป จอป งอ ละ ซ เกือฮ เปอะ แปน ควน ฮะ ยุฮ ปุย ไฮญ. เลียก ไอฮ นึง เมิฮ งอ จอป เปอะ เซ, เกือฮ ติ เปอะ ฮะ ไอฮ นึง. เอีจ มัฮ พะจาว ไอฮ ป ซ เกือฮ โอเอีฮ ไล เซ เกิต ละ เปอะ. เญือม เซ ซ ลอก เปอะ ป โซะ ป ไซญ ฆาื อื.

อิซยา 55:2

เมอยุ ฆวต เกือฮ เปอะ มาื ยุฮ แตะ โอยจ เยือ ไอฮ พาวม แตะ เตือง โอ เปอะ โฮลฮ ป โซม ป ปอน แตะ นึง อื? เมอยุ เกือฮ เปอะ ติ แตะ โอยจ เยือ เรียง แด่น เตือง โอ เปอะ โฮลฮ รพาวม ไมจ มวน กุมปอ แตะ เบือ อื? ไมจ เปอะ ง่อต ป อัฮ อาึ เดอึม เปอะ ซ โฮลฮ เนอึม โซม ป ตึก นึง ไมจ แตะ. ป โซม เปอะ เซ ซ มัฮ ป ตึก นึง ญึม แตะ ละ รพาวม เปอะ.

เยเรมี 51:58

“ฆรุง ปู เวียง บ่าบี่โลน เซ ซ ลเลอึม ปอ เบรียง อื ไม่ เตะ. โตะ รเวือะ ฮลาวง นึง อื ซ ไก ป โตก เกือฮ ฮะ โอยจ. กัน ยุฮ ปุย โฮวน ปะเทต เซ ซ ลอต เอิน แปน โอเอีฮ โอ ไก ป มัฮ, นึง ซ ฮะ เยือ กัน ยุฮ อื เซ นึง งอ,” อัฮ เซ พะจาว กุม ตฮัน มะลอง.

เยเรมี 51:64

ฟวยจ เซ ไมจ เปอะ อัฮ เฮี, ‘มัฮ ตอก เซ ป ซ เกิต ละ เวียง บ่าบี่โลน เฮี. ซ โจม ลอป เอิน, เญาะ ซ ตอยฮ โตว แม, นึง ซ เกือฮ พะจาว อื ลอก เนอึม ป โตะ ป ตอง โฮวน เจือ,’ ไมจ เปอะ อัฮ เซ.” ลปุง เยเรมี ลอยจ เมาะ เซ.

มาลาคี 1:4

โม เมือง เอโด่ม ป มัฮ เมือง อาวต จัตเจือ เอซาว เซ นึง, ปัง อัฮ ติ แตะ ซ เฌาะ โก โคระ แม ย่วง ฮัง นึง เมือง แตะ เซ เกือฮ ไมจ แม ตอก ไพรม แตะ, พะจาว ป กุม ตฮัน มะลอง ปังเมอ อัฮ เฮี, “เกือฮ โก อื เมิฮ. อาึ ซ เญื่อฮ โคระ แม เยอะ ฮา อื. ปุย ซ อัฮ เมือง เอโด่ม เซ มัฮ เมือง ฆอก เมือง เบร. มัฮ โม ป ซ ลอก ลอป รพาวม ฮาวก ยุฮ พะจาว,” อัฮ เซ พะจาว เยอ.