1 โมเซ 38:25 - ้พระคัมภีร์ละว้า

²⁵ ลไล โฮมวต ปุย โรวก อื, ทามัน เซ รโปะ มวยญ แตะ ละ โปะ แตะ ตอก เฮี, “อาึ เอีจ โรวก ไม่ ปรเมะ ป มัฮ กุม โอเอีฮ โม เฮี. ไฌม ป ไก ทา เฮี ไม่ โม่ะ ชวยฮ อื ไม่ โคะ ฆิ เฮี มัฮ ป ยุฮ ปุย? แลน ทีๆ เมิฮ,” อัฮ เซ มวยญ ตอม อื เซ.

1 โมเซ 38:25 ပူးပေါင်းရင်းမြစ်များ

1 โมเซ 37:32

ฟวยจ เซ โรวก ลปิ ดา ไมจ เซ เปลีฮ อื ละ เปือะ แตะ. อัฮ เฮี ละ อื, “เอะ ยุ ลปิ เฮี. แลน ที เมอะ, อัม มัฮ ลปิ กวน เปอะ, อัม โอ มัฮ อื?” อัฮ เซ.

1 โมเซ 38:18

ยูด่า อัฮ เฮี, “เมอ ฆวต ไอฮ เปอะ แปน แมจัม อื เซ?” อัฮ เซ ละ อื. ปุย เซ โลยฮ อื, “เกือฮ ไฌม ป ไก ทา ยุฮ เปอะ ไม่ โม่ะ ชวยฮ อื ไม่ โคะ ฆิ ยุฮ เปอะ เนิ,” อัฮ เซ ละ อื. ยูด่า เกือฮ เนอึม อื ละ อื. แปน ยุ เนอึม ปุ แตะ ฆาื อื. ทามัน โรวก เนอึม กวน แตะ เบือ ยุ แตะ ปุ แตะ ตอก เซ.

ลืลาว 50:21

เญือม ยุฮ เปอะ โอเอีฮ ตอก เซ เยอ บุน เอีจ ฟวยจ อื อาึ อาวต โฆย ลั่ง ไม่. โม เปะ แกต เปอะ อาึ มัฮ ปุย ตอก โกะ แตะ ฆาื อื. ปเลี่ย เฮี อาึ ปังเมอ ไก ตอก ฆวต เติ โม เปะ. ฆวต เกือฮ ไลลวง เฮี ซโตฮ ละ เปอะ.

เยเรมี 2:26

พะจาว อัฮ เฮี, “โซะกิจ คะมุย นึง ปุน โฮมวต ปุย แตะ ตอก ออฮ, โม อิซราเอน ซ โซะกิจ โรฮ ตอก เซ, เตือง กซัต ยุฮ อื, เตือง โม จาวไน ไม่ โม ซตุ ไม่ โม ป อัฮ ติ แตะ มัฮ ป ซึป ลปุง พะจาว นึง อื.

นังซื รโปะ ปาวโล ละ คริตซจัก เวียง โรม 2:16

ซเงะ เญือม ซ รเตีฮ พะจาว ปุย เบือ พะเยซูคริต, ป เม่าะ ปุย โตะ รพาวม โด่ะ แตะ เซ ซ โอก เญือม เซ ละ ซ โฮลฮ อื ลอก ตุต แตะ. เอีจ มัฮ เซ ไลลวง กัน ระ ไล ยุฮ พะจาว ป ครอฮ ลอป อาึ ละ ปุย.

1 โคริน 4:5

มัฮ เซ ป โอ โม เปะ ไมจ รเตีฮ ปุย ไม่ เติ เปอะ ฆาื อื. ไมจ เปอะ มอง ฮอยจ ละ ซเงะ ฮอยจ รเตีฮ พะโองจาว โอเอีฮ ลั่ก ก ลอยจ อื. เญือม เซ ซ เปลีฮ ป เม่าะ ป พรึต ปุย ก เฟียก อื เกือฮ โอก, ไม่ ซ เปลีฮ อื ป คิต ป ง่อต ปุย โตะ รพาวม แตะ เกือฮ โอก โอยจ. เญือม เซ เยอ พะจาว ซ อวต ลื โรฮ ปุย ตัม ป ยุฮ ป อัฮ อื โครยญ โฆะ อื.

รโฮงะ 20:12

อาึ ยุ โม ป ยุม เตือง ป ระ ป แตวะ, ชุง ลั่กกา ก งาวม คึ เซ. นังซื นังฮา ยุฮ พะจาว เซ เอีจ ไฆลฮ. ไก แม นังซื ติ ปอ. ไฆลฮ โรฮ. มัฮ นังซื จีวิต. โม ป เอีจ ยุม เตือง โอยจ อื ลอก กัน รเตีฮ, ตัม โอเอีฮ ไซฮ ปุย อาึง นึง นังซื เซ ตัม ป ยุฮ ป อัฮ อื โครยญ เจือ.