กะลาเทีย 6:12 - ้พระคัมภีร์ละว้า

¹² เอีจ มัฮ โม ป ฆวต เกียฮ ฮุน ไม่ อวต อื ติ แตะ เบือ ไลลวง เนะซอัง ปุย ป ฆวต คนัป โม เปะ เลียก นึง ริตกิต เตอ. โม เซ มัฮ ยุฮ อื นึง โอ อื ฆวต เกือฮ ปุย โคมเฮง โม โกะ แตะ โน่ง ฆาื ไลลวง ไมะซาวแควง ยุฮ พะคริต.

กะลาเทีย 6:12 ပူးပေါင်းရင်းမြစ်များ

มัตไท 23:27

“โม เปะ ป มัฮ คู เพอึก พะทัม ไม่ โม ฟารีซี ป ไล โกะ ไล เอียง เงอ, ซ เม่ะมั่ก เนอึม เปอะ. เอีจ ตอก เปอะ โตะ รมอยจ โก ปุย นึง ดิ่นจี ป ชัป แม ปุย ปุน นึง โฮ. ไมจ ก พริ โน่ง. กไน อื ปังเมอ นาวก นึง ซอัง ป ยุม ไม่ ป ซเออึม ลโฮก.

มัตไท 23:28

โม เปะ ตอก โรฮ เปอะ เซ, เญือม แลน ปุย ก พริ เปอะ ตอก เปอะ ปุย ซื ปุย ไซ โฮ. กไน เปอะ เซ ปังเมอ นาวก นึง กัน บ่วก กัน โจวง ไม่ ป ฆอก ป เบร โครยญ เจือ.

มัตไท 23:5

กัน ยุฮ โม เซ โครยญ เจือ มัฮ ยุฮ อื โอเอีฮ นึง ฆวต แลง อื นา แตะ. เคียต ปุก คอ พะทัม ระๆ นึง แด่ ไม่ นึง เตะ แตะ. ยุฮ ดาึง ลปิ ฮอป แตะ ดา.

มัตไท 5:10

“โม ป โฮลฮ ปุย โคมเฮง เบือ แปน อื ปุย ซื ไซ ละ พะจาว เยอ เอีจ โฮลฮ รพาวม ไมจ มวน แตะ, นึง เอีจ เกือฮ พะจาว บั่นเมือง ยุฮ แตะ ละ อื.

มัตไท 6:16

“เญือม เออึป เปอะ ป โซม ป ปอน แตะ, ปุ เกือฮ นา เปอะ มึต มอง ตอก ปุย ไล โกะ ไล เอียง โฮ. โม เซ มัฮ ฆวต เปลีฮ อื นึง นาตา แตะ ละ ซ เกือฮ อื ปุย ยุง เออึป แตะ ป โซม ป ปอน แตะ. อาึ อัฮ ละ เปอะ ตัม เนอึม อื, โม เซ เอีจ ฟวยจ โฮลฮ อื ลังวัน แตะ.

มัตไท 6:2

เญือม เกือฮ เปอะ โอเอีฮ ละ ป ตุก ป ญัก เกอ, ทัน โตว กอก รโฮงะ เกือฮ ปุย ฮมอง ตอก ป ยุฮ โม ป ไล โกะ ไล เอียง อื โตะ โฮงซุต ไม่ ตัม กอง โฮ. โม เซ มัฮ ยุฮ อื ตอก เซ นึง ซ เกือฮ อื ปุย ลื แตะ. อาึ อัฮ ละ เปอะ ตัม เนอึม อื, โม เซ เอีจ ฟวยจ โฮลฮ อื ลังวัน แตะ.

มัตไท 6:5

“เญือม ไววอน เปอะ ปุ เกือฮ ติ เปอะ ตอก ป ไล โกะ ไล เอียง. โม เซ ฆวต ชุง ไววอน โตะ โฮงซุต ไม่ ตัม กอง นึง ซ เกือฮ แตะ ปุย ยุ แตะ. อาึ อัฮ ละ เปอะ ตัม เนอึม อื, โม เซ เอีจ ฟวยจ โฮลฮ อื ลังวัน แตะ.

ลูกา 16:15

พะเยซู อัฮ เฮี ละ อื, “โม เปะ เกือฮ เปอะ ติ แตะ ตอก ป ซืไซ ละ แลน ปุย แตะ โน่ง. พะจาว ปังเมอ ยุง อื โตะ รพาวม โม เปะ. โฮวน ป อัฮ ปุย ปลัฮเตะ มัฮ ป ไมจ เจอ, ละ แลน พะจาว อื ปังเมอ มัฮ ลั่ง ป ฆอก ลัมเลือ ละ อื.

ลูกา 20:47

โม เซ โกย โลป แตะ เญือะ ม่า ยุฮ แมฮัง แมไม นึง เฮียง แตะ. เคียต กอ ไววอน เลี่ญๆ ละ ซ เกือฮ อื ปุย ยุ แตะ. ปุย ตอก เซ ซ ลอก ตุต ฆาื อื โฮวน ฮา ปุย,” อัฮ เซ.

โยฮัน 7:18

ป อัฮ โอเอีฮ ตัม รพาวม โกะ แตะ ไอฮ มัฮ ฆวต ไอฮ อื โญตซัก ละ โกะ แตะ ไอฮ. ป ซาวป โญตซัก ละ ป ดวน แตะ ฮอยจ เซ ปุย เซ มัฮ ปุย เนอึม รพาวม. ไก โตว ป โอ เนอึม นึง อื.

กันไกญกอ 15:1

ฟวยจ เซ ไก ป เลีฮ เน่อึม นึง จังวัต ยูเดี่ย ง่อน, ฮอยจ นึง เวียง อันทิโอก. เพอึก ตอม โม เอียกปุ แตะ ไน พะจาว. อัฮ เฮี, “โม เปะ ดัฮ เปอะ โอ ไอฮ ริตกิต ตัม ปซี ปซา ยุฮ ไอ โมเซ โฮ, เกียฮ โปน เปอะ โตว มั่ป ฆาื อื,” อัฮ เซ ละ อื.

กันไกญกอ 15:5

นา เซ ไก โม ฟาริซี ป เอีจ เจือ พะเยซู นึง ง่อน. โกฮ ชุง อัฮ เฮี, “ปุย ตังเมือง จัมเปน อื ไอฮ ริตกิต. ไมจ ดวน ยุฮ อื ตัม โกตไม ไซฮ ไอ โมเซ อาึง,” อัฮ เซ.

2 โคริน 10:12

เอะ โรวต โตว แพป ติ แตะ ไม่ โม ป อวต ลอน ติ แตะ. โม เซ มัฮ แนต อื ติ แตะ ไม่ ป ยุฮ ป อัฮ โม โกะ แตะ, ไม่ ตัง โคน ตัง แพป อื กัน ยุฮ แตะ ไม่ กัน ยุฮ ปุ แตะ. เญือม ยุฮ อื ตอก เซ เอีจ ที นึง เซ มัฮ อื ปุย งาว ปุย ไงญ ฆาื อื.

2 โคริน 11:13

ปุย โม เซ มัฮ เนอึม โตว ป โฮว ฆรอ ลปุง ตัง พะเยซู. มัฮ โม ป เคิป, มัฮ ป ยุฮ กัน ไม่ รพาวม บ่วก แตะ. มัฮ เคียต อื เกือฮ ติ แตะ แปน ป โฮว ฆรอ ลปุง ตัง พะคริต.

กะลาเทีย 2:14

เญือม ยุ อาึ โอ โม เซ เญือะ ยุฮ ตัม ปุก อื ไม่ ลปุง เนอึม นึง ไลลวง กัน ระ ไล ยุฮ พะจาว เซ, อาึ อัฮ ฆาื อื ละ เปโตร ซองนา ปุย เตือง โอยจ อื ตอก เฮี, “ปะ เอีจ มัฮ เปอะ โม ยิว. เมือต แลน, ปะ ยุฮ เปอะ ตอก ปุย ตัง เมือง. เญือะ ยุฮ เปอะ โตว ตอก โม ยิว. ดัฮ มัฮ ตอก เซ โฮ, อัม ซ เกียฮ คนัป ลั่ง เปอะ ปุย ตังเมือง ยุฮ โอเอีฮ ตอก ป ยุฮ โม ยิว?

กะลาเทีย 2:3

ติโต ป มัฮ ปุโฮมว เยอะ เซ มัฮ โม กริก. โม เซ ปังเมอ โอ คนัป อื เลียก นึง ริตกิต ฆาื อื.

กะลาเทีย 5:11

เอียกปุ, อาึ มัฮ ซ ครอฮ เฮาะ ไลลวง จัมเปน ปุย เลียก นึง ริตกิต เซ, แจง โอ อื ซ ไก ป โคมเฮง อาึ ฆาื อื. มัฮ ครอฮ เนอึม เมอะ ตอก เซ กัน ครอฮ อาึ ไลลวง ไมะซาวแควง ยุฮ พะคริต เญือะ มัฮ โตว ป เติก ป นัน ละ ปุย เฟือฮ.

กะลาเทีย 6:13

ปัง มัฮ โม ป เลียก นึง ริตกิต เซ ปุน เนอึง โตว โรฮ ป อัฮ โกตไม โครยญ เจือ. โม เซ ฆวต เกือฮ โม เปะ เลียก นึง ริตกิต ละ ซ โฮลฮ แตะ อวต ไอฮ โกะ แตะ ฆาื ญอม โม เปะ ยุฮ ตัม ริต เซ.

ฟีลิปปี 1:15

เอีจ ไก โรฮ ง่อน ป ครอฮ ไลลวง พะคริต ไม่ ฆวต ตะ แตะ ปุย ไม่ ฆวต เก กัม ฮอน แตะ ปุย. ปุย ไฮญ โนก ฮา โม เซ ครอฮ อื ไม่ รพาวม ไมจ มวน แตะ.

ฟีลิปปี 2:4

ปุ ง่อต โอเอีฮ ป ไมจ ละ โกะ เปอะ โน่ง. ไมจ โรฮ เปอะ ง่อต ป ซ ไก ป มัฮ ละ ปุย ไฮญ โรฮ.

ฟีลิปปี 3:18

อาึ เอีจ อัฮ ละ เปอะ โฮวน โฮน. ปเลี่ย เฮี อัฮ แม ละ เปอะ ไม่ โอก รบวต แตะ ตอก เฮี, เอีจ ไก โฮวน ปุย ป ตอซู ไลลวง ไมะซาวแควง ยุฮ พะคริต นึง ป ยุฮ ป อัฮ แตะ.

โคโลซี 2:23

เญือม เกือฮ อื ปุย นัปทื เตปด่า ไม่ เกือฮ อื เรีจ โฮฮ เรีจ วิฮ ติ แตะ, ไม่ โฆง อื ยุฮ ป โซะ ละ โกะ เนอึม แตะ, ละ ง่อต ซโรว ปุย อื ฮัง ซ มัฮ ป ไก วิซา พันญา ไมจ นึง. ญันได่ ไก เนอึม โตว ป มัฮ ละ เกือฮ อื ปุย โปน ฮา กัมกุยฮ ฆอก ไก นึง เนะซอัง แตะ เฟือฮ.