เอซรา 9:5 - ้พระคัมภีร์ละว้า

⁵ เญือม เอีจ เติง เวลา ตอง ปุย ทไว โอเอีฮ ละ พะจาว เมือ กปู อื เซ, อาึ โกฮ เน่อึม ก งาวม แตะ ฆาื รพาวม ตุก แตะ เซ, จาวป ลั่ง เครอึง เซอึก แฌฮ แตะ เซ, ชุง นึง มะฆราวง แตะ ยวก เตะ แตะ ละ เยโฮวา ป มัฮ พะจาว ยุฮ แตะ.

เอซรา 9:5 ပူးပေါင်းရင်းမြစ်များ

1 กซัต 8:22

เญือม เซ กซัต ซาโลมอน โกฮ ชุง ลั่กกา คัน ทไว ปุย โอเอีฮ ละ พะจาว เซ ซองนา โม อิซราเอน เตือง โอยจ อื. ยวก เตะ แตะ เตือง ลอา ก บลัฮ อื.

1 กซัต 8:38

ดัฮ โม อิซราเอน ป มัฮ ปุย ไน เปอะ เซ ไววอน ไม่ ยวก อื เตะ แตะ ไม่ นา แตะ ลั่ก วิฮัน เฮี, ละ ซ ปัว แตะ โอเอีฮ นึง อาวม อื รพาวม ตุก แตะ ฆาื เม่ะมั่ก ป เกิต ละ แตะ เซ,

1 กซัต 8:54

ติ เจน ไววอน อื เซ, กซัต ซาโลมอน ชุง นึง มะ ฆราวง แตะ ลั่กกา คัน ยุฮ พะจาว เซ. ยวก เตะ แตะ ไม่ อื ฮอยจ ละ ลอยจ รซอม ไววอน แตะ.

4 กซัต 6:13

กา เซ ซาโลมอน เอีจ ยุฮ ฮัน นึง ไร ซเงี, โบลวง อื บั่กบ่วน ควง วิฮัน เซ. ลวง ลั่ง ฮัน เซ ไม่ ลวง เวือฮ อื มัฮ พอน รเนฮ ตอก ปุ แตะ. ลวง ฮลาวง อื ไก ลอวย รเนฮ. ซาโลมอน เนอ อาวต ราว ฮัน เซ. ชุง นึง มะ ฆราวง แตะ ซองนา โม อิซราเอน เซ, ไววอน ยวก เตะ แตะ เตือง ลอา ก บลัฮ อื.

เนฮะมี 1:4

เญือม ฮมอง โอเอีฮ ตอก เซ อาึ งาวม เยือม ฆาื แปน วัง อื เอิน. ไก โฮวน ซเงะ อาวต ไม่ ตุก รพาวม แตะ. อาึ เออึป โรฮ ป โซม แตะ ไม่. ไววอน เนอะ ปัว นึง พะจาว ป อาวต เมือง มะลอง ตอก เฮี,

ลืลาว 141:2

รซอม ไววอน ยุฮ อาึ เฮี, ปัว เปอะ เกือฮ แปน ตอก ป ซออย ฮงาื ละ เปอะ. เญือม ยวก อาึ เตะ แตะ ไววอน ละ เปอะ, ปัว เปอะ เกือฮ แปน ตอก โอเอีฮ ป ตอง ปุย ทไว ละ เปอะ โครยญ บู โฮ.

ลืลาว 143:6

อาึ ยวก เตะ แตะ ไววอน ละ ปะ. รพาวม อาึ ฆวต ซดิ เนอึม ไม่ ปะ, ตอก โรฮ เตะ ซออฮ ป ตองกัน รอาวม โฮ.

ลืลาว 95:6

เอีญ, ไมจ เอะ นุ่ม ติ แตะ นึง นัปทื เนอึม แตะ พะจาว. ไมจ เอะ ชุง นึง มะ ฆราวง แตะ นุ่ม ไววอน ซองนา พะจาว ป ซัง เอะ เกิต.

2 โมเซ 9:29

ไอ โมเซ โลยฮ อื, “เญือม โอก เกอะ ฮา เวียง เฮี อาึ ซ ยวก เตะ แตะ ไววอน ปัว นึง พะจาว. เญือม เซ เญือะ ซ ฮมอง เปอะ โตว เนอึม บริ. แพร ปุ โรฮ เญือะ ซ ราื เดอึม โม เปะ ซ ยุง มัฮ ปลัฮเตะ เฮี คอง พะจาว.

2 โมเซ 9:33

ไอ โมเซ โอก ฮา ฟาโร ลอต โอก ก พริ เวียง. ยวก เตะ แตะ ไววอน ปัว อื นึง พะจาว. เญือม เซ ลโล่ะ เอิน เฮละ ระ กาื กอ ไม่ แพร ไม่ เนอึม บริ เซ.

อิซยา 1:15

โม เปะ, เญือม ยวก เปอะ เตะ แตะ ไววอน ละ อาึ, อาึ เญือะ ซ แลน โตว เปอะ เฟือฮ. ปัง ไววอน เลาะ ลาึน เปอะ, อาึ ปุ เญือะ ซ ง่อต, นึง เอีจ รแอม เตะ เปอะ นึง ลอก อื ฮนัม ปุย.

ด่านีเอน 10:2

วัง เซ เยอ อาึ ป มัฮ ด่านีเอน เนอ เอีจ โฮลฮ อาวต ไม่ รพาวม ตุก แตะ ลอวย ควป ซเงะ.

ลูกา 22:41

เญือม เซ โกะ อื โฮว ฮา อื เมาะ ติ เจน วัต ปุย ซโมะ. ชุง นึง มะ ฆราวง แตะ. ไววอน.

กันไกญกอ 21:5

เญือม เอีจ ไก อื อาแลฮ ซเงะ เอ, เอะ โอก โฮว ฮา นา เซ. โม เซ ตาว เอะ นึง คระ ซ โฮว เยอะ ฮอยจ ก พริ ย่วง, เตือง ปุย เญือะ ไม่ กวน ไม่ เฌือต อื เตือง โอยจ อื. เอะ ชุง นึง มะฆราวง แตะ นึง เฆียง รอง ปลัฮ รอาวม เซ, ไววอน เนอะ เตือง โอยจ แตะ. ฟวยจ เซ ละ ปุ แตะ.

เอเฟโซ 3:14

มัฮ เซ ป นุ่ม อาึ ไววอน ละ พะจาว ป มัฮ เปือะ เกอะ ฆาื อื.