เอซรา 8:18 - ้พระคัมภีร์ละว้า18 เญือม เซ อัมนัต พะจาว ไม่ กุนมุ่น ยุฮ อื อาวต ไม่ เอะ. ปุย โม เซ ตาว เนอึม ปุย ป ไก เนอึม ป ยุ ป ยุง ไม่ ที รพาวม แตะ ฮอยจ ละ เอะ. มอยฮ อื มัฮ เชเรบี่ยา, มัฮ จัตเจือ โม มาลี กวน เลวี เซ. เชเรบี่ยา ไม่ กวน รเมะ อื ไม่ โม เอียกปุ คระ เฌือต อื, รโจะ เตือง โอยจ อื แปน กาว โรฮ ซเตะ ปุย. အခန်းကိုကြည့်ပါ။ |
เอซรา 8:18
22 ပူးပေါင်းရင်းမြစ်များ
พะจาว เซ เอีจ เปลีฮ รพาวม ฮรัก ตอน ฮมัน ยุฮ แตะ ละ อาึ, เอีจ เกือฮ โรฮ อาึ แปน ปุย ปุก รพาวม กซัต เซ ไม่ ป มัฮ ทีปึกซา ยุฮ อื, ไม่ โม จาวไน ป ไก อัมนัต ป รซอฮ ละ กซัต เซ โครยญ โฆะ อื. อาึ โฮลฮ เนอึม รพาวม กา แตะ เบือ อื, นึง อาวต อัมนัต เยโฮวา พะจาว ยุฮ ฮุ ไม่ กุนมุ่น ยุฮ อื ไม่ เยอะ. อาึ เอีจ โฮลฮ เนอึม รโจะ ปุย ป มัฮ โม ฮัวนา ซฆลาวม ยุฮ โม อิซราเอน เซ ละ ซ เกือฮ ฮะ โฮลฮ เอีญ อาวต แม นึง เมือง แตะ ไม่ อาึ โรฮ,” อัฮ เซ.
ดัฮ อาึ ซ ปัว โม ตฮัน บุก บรอง นึง กซัต ละ ซ เกือฮ แปน ป เฆีญ เอะ นึง คระ เอีญ เญอะ เซ อาึ โซะกิจ โรฮ ฆาื, นึง เอีจ อัฮ อาึ อื ละ กซัต เซ ตอก เฮี, “อัมนัต พะจาว ไม่ กุนมุ่น ยุฮ อื เอีจ อาวต ไม่ โม ป อาึง รพาวม แตะ นึง อื. ละ โม ป ละ โปวฮ แตะ เซ, พะจาว ปังเมอ ซ เกือฮ อื ลอก ตุต แตะ,” อาึ เอีจ อัฮ ตอก เซ.
ปัว โรฮ เปอะ ไซฮ นังซื ละ อาซัป ป มัฮ ป กุม ปาไมะ ยุฮ กซัต เซ ติ ปลัฮ ละ ซ เกือฮ อื โคะ เนิ ละ ซ ยุฮ ฮุ มะ รเวือะ ไม่ รเวือะ นึง, ไม่ ละ ซ ยุฮ ฮุ ปอม มอง ญัม นึง วิฮัน ไม่ ละ ฆรุง เวียง เซ นึง โรฮ. เกือฮ โรฮ เกือฮ โคะ เนิ ปอ เญือะ อาวต โกะ โอะ ติ ลัง ไม่ อื,” อาึ อัฮ เซ ละ. กซัต เซ เกือฮ เนอึม โอเอีฮ เนิ ตัม ป ปัว เยอะ โครยญ เจือ นึง อาวต พะจาว ไม่ เยอะ.
ကြော်ငြာတွေ