เอซรา 5:6 - ้พระคัมภีร์ละว้า

⁶ รซอม ไก นึง โจตไม ยุฮ ทัตเทไน ป มัฮ จาวเมือง แควน บลัฮ โกลง ยูฟะเรตี ลวง ลั่ก เลียก ซเงะ เซ, ไม่ เชทา-โบ่เซไน ไม่ โม ปุโฮมว อื เมาะ ป อาวต นึง แควน เซ เตือง โอยจ อื, เอีจ ตาว อื ฮอยจ ละ กซัต ด่าริอัต เซ.

เอซรา 5:6 ပူးပေါင်းရင်းမြစ်များ

เอซรา 4:11

รซอม ป ฆวต อัฮ อื ละ อื มัฮ ตอก เฮี, โอ กซัต อาทาเซอซิต ป มัฮ กซัต ระ ยุฮ ฮุ, โม เอะ ป มัฮ กวนไจ ยุฮ เปอะ มัฮ โม ป อาวต นึง บลัฮ โกลง ลวง ลั่ก เลียก ซเงะ.

เอซรา 4:23

เญือม เอีจ ฟวยจ ลาว ปุย นังซื รโปะ กซัต อาทาเซอซิต เซ ซองนา เรฮุม ไม่ ชิมไช ป มัฮ เลคา อื ไม่ โม ปุโฮมว อื เซ, ปุย โม เซ โกฮ โฮว เอิน ฆาื อื เคะ โม ยิว นึง เวียง เยรูซาเลม เซ, บั่งคัป อื เกือฮ ลโล่ะ กัน ยุฮ แตะ.

เอซรา 4:9

รซอม เซ อัฮ อื ตอก เฮี, เฮี มัฮ ป ไซฮ เรฮุม ป มัฮ จาวเมือง, ไม่ ชิมไช ป มัฮ เลคา ไม่ โม ปุโฮมว อื, ไม่ โม ป รเตีฮ รตุม โอเอีฮ, ไม่ โม จาวไน ป มัฮ โม เปอเซีย, โม ป ฮอยจ เน่อึม เมือง เอเรก, เมือง บ่าบี่โลน, เมือง ซุซา, ป มัฮ โม เอลัม,

เอซรา 5:3

ไน เวลา เซ ทัตเทไน ป มัฮ จาวเมือง แควน บลัฮ โกลง ยูฟะเรตี ลวง ลั่ก เลียก ซเงะ, ไม่ เชทา-โบ่เซไน ไม่ โม ปุโฮมว อื โฮว เคะ โม ยิว เซ. ไฮมญ อื ตอก เฮี, “มัฮ ปุย ป ดวน โม เปะ ยุฮ โคระ แม วิฮัน ไม่ เฌาะ โก โคระ แม เปอะ เดีญ อื ตอก เฮี เยอ?” อัฮ เซ.

เอซรา 5:7

รซอม เซ อัฮ อื ตอก เฮี, โอ กซัต ด่าริอัต, ปัว ปะ ไมจ ลอป ป ยุ เคราะ ลอป ป ฮมอง.

เอซรา 6:6

ฟวยจ เซ กซัต ด่าริอัต ไซฮ นังซื โลยฮ อื ตอก เฮี, ฮอยจ ละ ทัตเทไน ป ตัตเตียง แควน บลัฮ โกลง ยูฟะเรตี ลวง ลั่ก เลียก ซเงะ, ไม่ เชทา-โบ่เซไน ไม่ โม ปุโฮมว อื ป มัฮ จาวไน ป อาวต นึง แควน บลัฮ โกลง ยูฟะเรตี เซ เตือง โอยจ อื. โม เปะ ปุ เกือฮ ติ เปอะ เกวคอง ซองไซ ไม่ กัน ยุฮ ปุย โม เซ.

เอซรา 8:36

ปุย โม เซ โรวก นังซื รซอม กซัต เซ, เกือฮ อื ละ โม กวนไจ โกะ อื, ไม่ โม จาวเมือง ป อาวต แควน บลัฮ โกลง ยูฟะเรตี ลวง ลั่ก เลียก ซเงะ เซ. ปุย โม เซ ลอต แปน ป เรอึม รโพ โม ลัปซด่อน เซ นึง กัน ป เกว ไม่ วิฮัน ยุฮ พะจาว เซ.