เอซรา 2:63 - ้พระคัมภีร์ละว้า

⁶³ ป มัฮ จาวเมือง ยุฮ อื เกือฮ โตว ปุย โม เซ โฮลฮ โซม โอเอีฮ ทไว ปุย ละ พะจาว เซ ฆาื อื, ติ เจน กา ไก ซตุ ป เกียฮ โกว อูริม ไม่ ทูมิม ละ อื เซ.

เอซรา 2:63 ပူးပေါင်းရင်းမြစ်များ

เอซรา 2:64

โม ป เอีญ เน่อึม แปน แตะ ครา เซ เตือง โอยจ อื ไก 42,360 ปุย. กวนไจ รเมะ กวนไจ รโปวน อื ไก แม 7,337 ปุย. นักโด่นตรี เตือง ปรเมะ ปรโปวน อื ไก 200 ปุย. บรอง ยุฮ อื ไก 736 ตัว. ลอ ยุฮ อื ไก 245 ตัว. อุต ยุฮ อื ไก 435 ตัว. บรัง ยุฮ อื ไก 6,720 ตัว.

เนฮะมี 10:1

โม ป ดุฮ ทา ยุฮ แตะ นึง ไบ่ ซัมคัน เซ มัฮ ตอก เฮี มอยฮ อื. เมือ โรง อื มัฮ จาวเมือง ป มัฮ เนฮะมี กวน ฮาคาลิยา. มอยฮ โม ซตุ นึง อื มัฮ ตอก เฮี, มัฮ เซเด่คียา, เซไรอา, อาซาริยา, เยเรมี, ปาชเฮอ, อามาริยา, มันคิยา, ฮัตทัต, เชบ่านิยา, มันลุก, ฮาริม, เมเรโมต, โอบ่าดี่, ด่านีเอน, กินเนโทน, บ่ารุก, เมชูลัม, อาบี่ยา, มิยามิน, มาอาซิยา, บิ่นไก, ไม่ เชไมอา.

เนฮะมี 7:65

เญือม เซ ป มัฮ จาวเมือง ยุฮ โม ยิว เซ อัฮ เฮี ละ อื, “ปุย โม เฮี เกียฮ โซม ปอน โตว โอเอีฮ ทไว ปุย ละ พะจาว, ไน ติ เจน กา เฆียง ไฮมญ โม ซตุ โอเอีฮ ละ อื นึง อุริม ไม่ ทุมิม เซ,” อัฮ เซ.

เนฮะมี 8:9

โม ลัปซด่อน เญือม ฮมอง อื รซอม ป ลาว ปุย ละ แตะ เซ, เยือม เอิน ฆาื อื. เญือม เซ เนฮะมี ป มัฮ จาวเมือง ไม่ เอซรา ป มัฮ ซตุ ไม่ มัฮ อื คู เพอึก พะทัม, ไม่ โม เลวี ป เกียฮ อาทิไบ่ ไลลวง โกตไม ยุฮ พะจาว เซ, อัฮ อื ละ ปุย ตอก เฮี, “เนาะ เฮี มัฮ ซเงะ ซัมคัน ละ เยโฮวา พะจาว ยุฮ เปอะ. ปุ เยือม, ปุ เกือฮ ติ เปอะ ตุก รพาวม เฟือฮ เอิน,” อัฮ เซ.

2 โมเซ 28:30

ไมจ เปอะ ดุฮ อูริม ไม่ ทูมิม นึง กไน ควน เลอึป รน่าวก เซ. ป ลอา เจือ เซ ซ อาวต นึง จักพาวม อาโรน เญือม เลียก อื เคะ พะจาว. ควน ยุง อาโรน ป ปุก รพาวม พะจาว ละ โม อิซราเอน เซ, ซ อาวต นึง จักพาวม อาโรน ซองนา พะจาว.

3 โมเซ 2:10

เมาะ ป ไก ลั่ง อื เซ เกือฮ โรฮ แปน คอง อาโรน ไม่ กวน อื, นึง มัฮ อื ป ทไว ปุย ละ พะจาว, มัฮ ป โซม ป ปอน ทไว ปุย ไม่ มัฮ อื ป ซง่ะ ซงอม เนอึม ละ พะจาว.

3 โมเซ 2:3

เมาะ ป ไก ลั่ง อื เซ เกือฮ โรฮ อื แปน คอง อาโรน ไม่ กวน อื, นึง มัฮ อื เฮงาะ รโกะ ทไว ปุย ป ซง่ะ ซงอม เนอึม ละ พะจาว.

3 โมเซ 22:10

“โอเอีฮ ป ซัมคัน ป ทไว ปุย เซ, ปุ เกือฮ ปุย ไฮญ โซม ปอน เฟือฮ. ปุย ฮอยจ อาวต ไม่ ซตุ เซ ญุ่ก, ลุกจัง อื ญุ่ก, ปุ เกือฮ โซม ปอน อื ติ ตื เนอึม.

3 โมเซ 22:13

ดัฮ กวน รโปวน ซตุ เซ มัฮ แมฮัง แมไม, ไม่ โอ แตะ ไก กวน โฮ, ไม่ เอีญ อาวต แม อื ไม่ เปือะ แตะ, ปุย เซ ลัง โซม ลัง ปอน โรฮ อื โอเอีฮ ป ลัง โซม ลัง ปอน เปือะ แตะ เซ. ปุย ไฮญ เญอ ปังเมอ โอ ลัง โซม ลัง ปอน อื เฟือฮ.

3 โมเซ 6:17

คโนมปัง ยุฮ อื นึง แปง เซ ปุ ดุฮ เจือ คโนม นึง เฟือฮ เอิน. พะจาว มัฮ เกือฮ อื ป โซม ป ปอน เฮี แปน รโตง โม ซตุ นึง อื, ไม่ เมีญ อื มัฮ คอง ทไว ซง่ะ ซงอม, ตอก โรฮ คอง ทไว ปุย ละ โตฮ อื ติ แตะ ไม่ คอง ทไว ปุย ละ แปน อื ควน ยวก มั่ป ยุฮ แตะ โรฮ.

3 โมเซ 6:29

โตะ ซัมคัน เซ, เมาะ ป มัฮ ปรเมะ นึง จัตเจือ ซตุ เซ ลัง ปอน ตื อื.

3 โมเซ 7:16

“ดัฮ ไก ป ฮอยจ ทไว โอเอีฮ ละ ซ รโจะ อื รพาวม แตะ ไม่ พะจาว เยอ, ทไว อื ตัม ป ซันญา แตะ ญุ่ก, นึง รพาวม ฆวต ทไว โกะ แตะ ไอฮ ญุ่ก, ป ทไว อื เซ เกียฮ โซม ปอน อื เน่อึม ซเงะ เซ, ฮอยจ ละ ซเงะ ติ อื โรฮ.

3 โมเซ 8:8

เกือฮ โรฮ อื ไอฮ อื ไม่ ควน เลอึป รน่าวก ติ ปลัฮ เซ. ดุฮ อูริม ไม่ ทูมิม นึง อื.

4 โมเซ 18:19

เมาะ ป ทไว พิเซต โม อิซราเอน ละ อาึ โครยญ เจือ, อาึ เอีจ เกือฮ โรฮ ละ ปะ, ไม่ โม กวน รเมะ กวน รโปวน เปอะ ฮอยจ ละ เฆียง เฮี โครยญ เจน ปุย. เฮี มัฮ ลปุง ซันญา ตอน ฮมัน ยุฮ อาึ ละ ปะ ไม่ โม จัตเจือ เปอะ โครยญ โฆะ อื.

4 โมเซ 18:32

เญือม เอีจ ฟวยจ ทไว เปอะ ป ตึก นึง ไมจ แตะ ละ พะจาว ตอก เซ, ปัง โซม ปอน เปอะ โอเอีฮ โม เซ, พะจาว เญือะ เมีญ โตว อื แปน ป พิต ละ เปอะ. ปุ เกือฮ โอเอีฮ ซัมคัน ทไว โม อิซราเอน เซ แปน ป รแอม ละ พะจาว, นึง โซม ปอน เปอะ โอเอีฮ กา เฆียง ทไว เปอะ ป ตึก นึง ไมจ แตะ เซ, เดอึม เปอะ โอ ซ ยุม ฆาื,” อัฮ เซ ละ โม เลวี เซ.

4 โมเซ 27:21

ไมจ อื ฮอยจ เคะ เอเลอาซา ป มัฮ ซตุ เซ, เกือฮ เอเลอาซา เซ ไฮมญ โอเอีฮ ละ อื. เกือฮ โกว อูริม ไม่ ทูมิม ละ ซ เกือฮ อื ติ แตะ ยุง ป ปุก รพาวม อาึ. ปุย เตือง โอยจ อื ซ โฮว ซ เอีญ ตัม ป อัฮ เอเลอาซา ป มัฮ ซตุ เซ, เตือง โยชูวา ไม่ ปุย ไน โม อิซราเอน เตือง โอยจ อื,” อัฮ เซ พะจาว.

5 โมเซ 33:8

อัฮ อื ละ เจอ เลวี ตอก เฮี, “โอ พะจาว, ปัว เปอะ เกือฮ ทูมิม ไม่ อูริม ยุฮ เปอะ อาวต ไม่ โม เลวี ป มัฮ ปุย ซัมคัน ยุฮ เปอะ เซ, มัฮ โม ป เอีจ ลอง เปอะ แลน นึง ย่วง มัตซา โฮ. มัฮ โรฮ โม ป เอีจ กวต เปอะ แลน โตะ รพาวม อื นา ก ปลาึฮ รอาวม นึง เมริบ่า โฮ.

1 ซามูเอน 28:6

ซาอุน เซ ไฮมญ ตอก ซ ไมจ แตะ ยุฮ นึง พะจาว ฆาื อื, พะจาว ปังเมอ โอ โลยฮ อื เฟือฮ, ปัง มัฮ นึง รโมะ อื, ปัง มัฮ นึง อูริม ไม่ ทูมิม, ปัง มัฮ นึง โม ป ซึป ลปุง พะจาว, โลยฮ โตว อื ติ ตื.