เอซรา 2:61 - ้พระคัมภีร์ละว้า

^61-62 ไก โรฮ ซฆลาวม โม ซตุ ง่อน ป โอ ไก ลักทัน นึง กัน มัฮ แตะ ซตุ. มัฮ ซฆลาวม ฮาบ่ายา, ฮักโคต, ไม่ บ่าซีไล. กา เซ เอีจ ไก ปรเมะ ติ ปุย เญือะ ไม่ ปรโปวน ป มัฮ จัตเจือ บ่าซีไล ป อาวต นึง เมือง กิเลอัต, ลอต เอิน เมีญ ติ แตะ แปน ซฆลาวม บ่าซีไล เซ ฮอยจ โรฮ ละ จัตเจือ แตะ. ปัง ซาวป โม เซ มอยฮ แตะ นึง ไลลวง มอยฮ โม ซตุ เซ ยุ โตว อื. เคียง เซ ปุย เญาะ ญอม โตว เกือฮ อื แปน ซตุ ฆาื อื.

เอซรา 2:61 ပူးပေါင်းရင်းမြစ်များ

2 ซามูเอน 17:27

เญือม เอีจ ฮอยจ กซัต ด่าวิต นึง ย่วง มาฮะนาอิม เซ, เญือม เซ โชบี่ กวน นาฮัต ปุย ย่วง รัปบ่า ป มัฮ โม อัมโมน, ไม่ มาคี กวน อัมมีเอน ป มัฮ ปุย ย่วง โลเด่บ่า, ไม่ บ่าซีไล ป อาวต นึง กิเลอัต ป ฮอยจ เน่อึม นึง ย่วง โรเกลิม, ฮอยจ โรฮ เคะ อื.

1 กซัต 2:7

“ละ ป มัฮ โม กวน รเมะ บ่าซีไล ปุย กิเลอัต เซ, ปังเมอ ไมจ เปอะ ยุฮ ป ไมจ ป ญุ่ก ละ. ไมจ โรฮ เปอะ เกือฮ โซม นึง เญือะ แตะ นึง มัฮ อื โม ป รัปคัม อาึ เญือม โฮลฮ อาึ ตอ ฮา อัปซาโลม ป มัฮ เอียกตุ เปอะ เซ ไพรม อื.

3 กซัต 24:10

เบ่อ อาแลฮ มัฮ ฮักโคต, เบ่อ ซเตะ มัฮ อาบี่ยา.

เนฮะมี 3:4

เมเรโมต ป มัฮ กวน อุรีอา ป มัฮ กวนโซะ ฮักโคต โก ฆรุง โบ รเวือะ เซ. ทัต ปุย เซ มัฮ เมชูลัม ป มัฮ กวน เบ่เรคิยา ป เพรียง เงอ. เมชูลัม เซ มัฮ กวนโซะ เมเชซาเบ่น. ทัต ปุย เซ มัฮ ซาโด่ก ป มัฮ กวน บ่าอานา ป เพรียง เงอ.